الـنـظـرة الـخـجـولـة ! ! !

[جرواني]

[poem=font="Simplified Arabic,5,silver,bold,normal" bkcolor="transparent" bkimage="backgrounds/37.gif" border="none,4,gray" type=0 line=0 align=center use=ex num="0,black"]
ما سألتوا صاحب النظرة الخجولة=كيف يسهرني وله وجهٍ صبـوح

كيف يظلمني وله طهر الطفولـة=كيف يفتنّي وهـو دايـم يـروح

وكيف أنا ألقى ربيعه في فصولـه=دام كذبه صادق وصدقـه مـزوح

له صفاتٍ تورد العاشـق ذهولـه=مستكين صامـت وكلّـه جمـوح

أصعب الأشياء و أكثرها سهولـه=أغمض الأشياء و أكثرها وضوح

سهل تغرم به وصعب إنك تنولـه=غامضٍ طبعه وواضح في الجروح

أسعد بشوفه ولكـن مـا أطولـه=كنّي الوادي وهو أعلى السفـوح

يبتسم لا منهم عنّـي حكـوا لـه=ولا حكوا لي عنه أعماقي تنـوح

لي بقلبه شيٍ لكـن مـا يقولـه=وله بقلبي كـلّ و لكنّـي أبـوح

كنّه الغيمه و انا أرجـي هطولـه=ما نزل غيثـه ولا برقـه يلـوح

ما عرفتوا ليش تسهرني فعولـه=وليه يسكنّي وهـو دايـم يـروح

هو يبيني بسّ أطباعـه خجولـه=وما يبيني أغفا وهو وجهه صبوح [/poem]

[align=center]# # عـبـدالـرحـمـن بـن مـسـاعــد # #[/align]