اذا ضاع خويك كيف تلقاه (طريقة الحرس الوطني)

[هرطمان]

السلالالالالالالالالالالالالالالالالالالام عليكم
من الهرطمانيات 5

ما ادري وش لون ابدى معكم بالقصة هذي
تخيل انك رحت في مكان مزحوم وضاع خويك كيف تحصل عليه
مثلا صليت الجمعة في مسجد بالرياض او بالحرم
واسمحوا لو فيه مباراة باستاد الملك فهد وضاع خويك
المهم ما معه جوال
ولا يدل بالرياض ولا يعرف اسم الحي

هاه راحوا مجموعه من الحرس الوطني لدوره بالرياض وصلوا بمسجد واحد يعرف بالرياض والسيارة له صلى وراح لسيارته
الثاني تلفت بالمسجد ماشاف خويه (شوفوا الذكاء) مباشره توقع ان خويه ضاع (طبعا خويه هو صاحب السياره )
تحسبونه راح يشوف السياره او يطلع برى المسجد يدوره
على طول الحل السريع والذكاء المدهش اتجه صاحبنا للميكروفون وفتحه وقام ينادي يا ...... فلان يا......
المسكين عند سيارته ويسمع النداء ونزل يركض للمسجد والناس والمؤذن والعالم كلهم
هذي طريقه فريده
واسمعوا فيه مجموعه راحوا لدوره من الحرس ما ادري المانيا او غيرها
في المطار ضاع واحد مالقوه الا بعد مده يقولون الحرس فوق العشر ايام
والقصه فيها قصيده بس ما احفظها والي يعرفها منكم يزودنا بها
شفتو لو فيه ميكروفون بالمطار كان لقاه

زين انتم لو ضاع خويكم كيف تلقونه ؟؟؟؟؟؟؟؟؟

[الخيّال]

على طول الحل السريع والذكاء المدهش اتجه صاحبنا للميكروفون وفتحه وقام ينادي يا ...... فلان يا......

-----------------------

بصراحة قمة الذكاء .... والله هذا عقليه ماهو بسيط ... المفروض يعطونه ( دكتوراه دلاخة ) ...

اللهم إنا نسألك العفو والعافيه ...

[المرجوجه]

حلووووووووووووووووووه...
اخوي هرطمان.. طريقة المايك هذي حلوه.. بس انها مو عمليه..
وممكن يكون أبعد من انه يسمع الصوت .. (( ينقال لك فاهمه.. )) ..
خذ الكلام السنع الحين..
لما تضيع أحد وتبي تلاقيه
بأسرع وقت اررررررررررررررركض.. وسوي تيشيرتات واطبع عليهم صورته .. (( شوف له صوره وهو مبتسم وكانه شين حط صورة أخوه )) ...
واطبع صورته بعد على الأكواب (( أكواب جمع كوب... معليه ماني فالحه بالعربي ... احم .. لا عربي ولا رياضيات ولا فيزياء.. فلحت بإيش ..؟؟ لحد يسأل.. ))

ماعلينا..... اطبع صورته على الاكواب .. ووزعهم مجانا على الناس
واكتب تحت كل صوره ..... WANTED .....
بعدها كل من شافه بيلحق وراه .. بيقول هذا أكيد مجرم وعليه جائزه!!..
وحط تحتها عنوانك... صدقني بعد الحركه هذي بأقل من ساعه يكون عندك... بس هاه يبغالك... توزيع مضبووووووووووووط...


يعطيك العافيه اخوي هرطمان.............
معليه طولت عليك...

سلالالالالالالام.......

[حمووودي]

حلووووه وطريقة ظريفة
جيب الشي من اخره
على طوووول مافيه داعي لانصاف الحلول
يعني من أول ضربة