لا تعلمني..

ليه أحس إني وأنا أشوفك حزين
......... وقلبي الليله بهمي ممتلي

كانها الفرقه طلبك حاجتين
......... لا تعلمني ولا تكذب علي

خلني مابين شكي واليقين
......... وش يهم رضاي عنك وزعلي

باكر اللي خافي لازم يبين
......... الوعد بلقى مكانك به خلي

وانتظر لي ليله أو ليلتين
......... لين ما يقضي السحاب وينجلي

ولا قطعت الياس ببكي دمعتين
......... للهوى الأول.. وباوادع هلي

صاحبي بموت من كثر الحنين
......... بس أنا بختار لحظة مقتلي

بدر بن عبدالمحسن.............