عجباً كيف يسلم هذا !!!!!!!!

[ابو عبدالرحمن النجدي]

لما رأى المتيقظون سطوة لدنيا بأهلها وخداع الأمل لأربابه وتملك الشيطان وقياد النفوس رأوا الدولة للنفس الأمارة لجأوا إلى حصن التضرع والالتجاء كما يأوي العبد المذعور إلي حرم سيده، شهوات الدنيا كلعب الخيال ونظر الجاهل مقصور على الظاهر فأما ذو العقل فيرى ما ووراء الستر لاح لهم المشتهى فلما مدوا أيدي التناول بان لإبصار البصائر خبط الفخ فطاروا بأجنحة الحذر وصوبوا إلى الرحيل الثاني ( يا ليت قومي يعلمون) تلمح القوم الوجود ففهموا المقصود فاجمعوا الرحيل قبل الرحيل وشمروا للسير في سواء السبيل فالناس مشتغلون بالفضلات وهم في قطع الفلوات وعصافير الهوى في وثاق الشبكة ينتظرون الذبح، تالله ما كانت الأيام إلا مناما فستيقظوا وقد حصلوا على الظفر، ما مضى من الدنيا أحلام وما بقى منها أماني والوقت ضائع بينهما.
كيف يسلم من له زوجة لا ترحمه وولد لا يعذره وجار لا يأمنه وصاحب لا ينصحه وشريك لا ينصفه وعدو لا ينام عن معاداته ونفس أمارة بالسوء ودنيا متزينة وهوى مرد وشهوة غالبة له وغضب قاهر وشيطان مزين وضعف مستول عليه فأن تولاه الله وجذبه إليه انقهرت له هذه كلها وان تخلى عنه ووكله إلى نفسه اجتمعت عليه فكانت الهلكة.

[ابو عبدالرحمن النجدي]

معقول عدد الذين قرءوا المقال خمسسسسه وعشرون ولاأحد تنزل يرد ولو كلمة شكراً؟؟؟؟؟؟؟
قبل كنت ناوي أزور رفحاء ..؟؟؟؟؟

لكن هالحين هونت .!!!!!!

هذا مااحد ردبالمنتدى وشلون لوجيتهم في ديرتهم!!!أكيد اباارجع بدون..!!!


لكن هذا هديه مني لكم فيروسسسسسسسس عشان ماعاد تعودنها مره ثانيه..

خصوصا ابورزان؟؟؟؟؟

[ابو رزان]

الأخ الأعرابي
السلام عليكم
اولا نشكر لك جهودك الجميلة في هذا المنتدى
وثانيا نأسف لتأخرنا في الرد وذلك لكثرة انشغالي
وثالثا اذا زرت رفحاء ستعلم وترى بنفسك ولن اتكلم
ورابعا مشكور على الهدية
وخامسا ابو رزان مايدري وش يلحق عليه
تكاثرت الضباء على خراشي ** فما يدري خراشي مايصيدُ
خلها على الله ياأخوي
والبركة بالشباب وفيك

[حمووودي]

مشكور اخوي الاعرابي
الله يعطيك العافية
مشكور على الملف الظريف

[كنت نايم]

اخوي الاعرابي ...

صراحة انا معك ببعض كلامك وخاصة ان محد يعلق على بعض المواضيع المهمة ... ومع ذلك تجد اكثر التعليقات على مواضيع اقل ما يقال عنها غير مهمة . ولاحظت هالشي وحاولت اناقش امور مهمة لكن للاسف حتى اللي يمرون على الموضوع قليل فاضطر اني اجيب الموضوع على شكل قصة مضحكة واختار عنوان جذاب لعل وعسى.

لكن ماني معك بانك تتوقع انك اذا جيت رفحاء محد يكلمك او يرد عليك ... صراحة اللسان يعجز عن وصف هذه المدينة الحالمة ( مدينة الضباب ) والتي تتميز بوجود اغلى الناس وافضلهم واولهم ابوي وامي الله يحفظهم.

اخوي وسع صدرك وترى شباب المنتدى طيبين وحلوين ونحبهم.

وسلامتك.

[حديد]

الأخوة الأعرابي وكنت نايم

ماتتحدثون عنه هو مرآة تعكس ماتقدمه للاخرين
بمعنى
ان كنت تشارك مع الجميع فسيشاركون معك مهما كان موضوعك
وان كنت لا ترد الا على اشياء معينة "مثلي" فاعلم بأن الناس يعاملونك بما تعاملهم به
يعني مثل مايقولون بالمثل "الناس بالمثل"

باختصار شارك مع الجميع سيشارك الجميع معك

وانا لا اشارك مع الجميع ولذلك اعرف انه من الطبيعي ان لايشاركوا معي

ثم سؤالي لكم وانتظر اجابتكم

كم مر عليك موضوع ولم تكتب فيه مشاركة؟؟؟
على ذلك فلماذا تلوم الآخرين على عدم مشاركتهم معك

مع ذلك اقول هذا طبيعي يحدث في كل المنتديات تكثر المشاركة مع
الاعضاء الذين يشاركون مع الغير
الاعضاء الذين يقدمون خدمات للغير في مجال الكمبيوتر مثلا
الاعضاء ذوي الاسماء النسائية

ارجو ان اكون قد اوضحت لكم

[كنت نايم]

هههههههههههههههههههه ضحكتني اخوي حديد وانا توني متعشي

ياخوي شاركناهم سوالفهم حتى اذا جاء واحد من سفر نسلم عليه او احد كتب له كلمتين اي كلام ونكتب له كم سطر مجاملة ...لكن بدون فايدة

خلنا نتكلم جد ... مو معقولة نشارك باي موضوع ينكتب ... والمفروض انك ما تطلب مننا نشارك باي شي . اللي مشاركاتهم تفيد للاسف ينعدون على الاصابع . وصراحة اذا كان المنتدى فيه عنصرية وتحزبات بنتركه بهدوء .

اخوي حديد ... زي ما قلت اول الاحظ اني اطرح مواضيع مهمة بس ما يشارك الا قليل.

وسلامتكم.

[حديد]

حسنا
طالما انك انسان تعرف المشاركات المهمة وتعرف كيف تقيمها

فما الذي يدعوك للضحك في مقالي

ثانيا : لست انت من يحدد اهمية ماكتب بل القراء هم من يحدد ذلك

ثالثا : انت لاتستطيع المشاركة مع الجميع وايضا الجميع لا يستطيعون المشاركة معك
فما المشكلة؟؟؟
رحمنا الله واياك

انت شارك كيفما تحب ودع لغيرك الحرية في المشاركة كيفما يحب

لا لأحد حق الحجر على احد

اما العنصرية والتحزبات فما اغرب ماقلت ايها الاخ العزيز
كلنا نقرأ ونرى ولم نجد ماتتكلم عنه
والعنصرية لا تتواجد الا في قلب شخص مريض قد فاته الزمن ولا زال يعيش قبل مئات السنين ، ولم يحدث التطور الذي نواكبه اي تطور في عقليته فالاسلام ينهانا عن العنصرية والعقل السليم ينهانا عن العنصرية وكل يحارب العنصرية فمن الذي يرغب العنصرية؟؟؟

اما الأخوة فهي موجودة ان شاء الله

[هرطمان]

اخوي الاعرابي اغفر لنا والحين الردود 8 والقراء 95
واهم شئ الفايدة وانت شمعة تحترق لتضئ للاخرين
اخوي حديد انت رجل موفق وملهم
اخوي كنت نايم انا متابع مواضيعك جيدا
مثلا حق دراسة البنت كان عليه ردود وتفاعل مع انك نزلته في وقت موضوع نقاش المزيونه
وابشرك لا تحزبات ولاشي مادري لو انك ولد عم او جار
وانا صدقوا ظروفي ما تسمح اني اشارك دايم مع حبي الشديد للمنتدى واهله

[أم أحمد]

اخوي الأعرابي انا استسمحك العذر لانني لم أري الموضوع من قبل ......... فالموضوع الشخص عندما يقراه يري انه يترجم حالنا نحن في هذه الدنيا التي مازلت تطحن بنا وهو مختصر ما نعيشه اليوم ..... شكرا لك اخوي الاعرابي ، والله يعطيك العافيه

[الامبراطور]

اقول انا معك اخوي الاعرابي

ونا لحظت ان كل الردود اللي وردت كانت ردا على تعليقك وليس على المقال اللي شاركت به الا من قبل الاخت ام احمد

واتمنى ان الاخ هرطمان يلاحظ هذا

اما قولك وشلون لو جيتهم

اعتقد ان رفحاء هالديرة اللي انجبت لنا رجال مثل المشرف همام وابورزان الله يجزاه خير على هالموقع وغيرهم غير عاجزة ان تفتح لك قلبها وتستضيف انت وغيرك من الاعراب اهل البادية والحاضرة

واعتقد ان الاخ همام مثل ما هو مشرف علينا في المنتدى ومرضى الصغير والكبير ماراح يخليك تترك رفحة الا وانت مبسوط

هي عيبها الوحيد انك اذا رحت هناك يا تستاجر سيارة على طول والا تقعد مبلش هالناس ودوني وجيبوني لان للاسف ما فيها ليموزين حسب ما اعرفه

[كنت نايم]

اخوي حديد ...

اشوفك حاط علي كانك ما صدقت قلت اللي قلته !!! ... حيلك اخوي ترى الدعوة ما تستاهل كل اللي قلته. وترى مو دليل كثرة مشاركة القراء دليل على اهمية الموضوع والا كانت اغاني احلام ونجوى كرم ( وانتم بكرامة ) اهم شي بهالدنيا. اتمنى رغبتك بكسب الناس ما تمنعك تقول الحق وتجامل.

اخوي هرطمان مشكور على متابعتك.

وسلامتكم.

[هرطمان]

اولا يعطيك الف عافيه اخوي الاعرابي
ثانيا
الاخ كنت نايم
دامك فتحت الموضوع صحيح انت وضعت كذا موضوع زين لكن كانت متتابعة ومتقاربه
وكم تمنيت لو انك فرقتهن على فترات
مثلا موضوع افضل مسؤل مشاركاته كثيره وهو في نفس وقت ماهي احتياجات رفحاء

وانا اعتذرت سابقا عن عدم القدره على المشاركات دايم
اشكركم

[هرطمان]

الاخ حديد
طلبتك ولا تقول لا
طلبتك

قل عطيتك
قل
ترى الرجال يعطون في الرقاب

طلبتك ان لا ترد في هذا الموضوع

وفيه حديث وانت اعلم مني بس معناه ان الرسول تكفل ببيت في الجنه لمن ترك المراء وان كان محقا

[حديد]

الأخ هرطمان : انت تامر امر بس احب اضع بعض النقاط على الحروف ليس مراء ولا جدلا

الأخ كنت نايم
ليس بيني وبينك أي شيء
ولست متحاملا عليك بالعكس
ولكن الضحك في غير موضعه ماذا تسميه؟؟؟؟

الأخ الأعرابي
كتبت انتقادك للاعضاء بتاريخ 16/9 واليوم 21/9 اقتربنا من استكمال الاسبوع

فاذا كنت انت تكتب مقال ساخن وتتركه حوالي اسبوع دون أي تعليق ... اذا كنت انت لاترد ولا تتابع مواضيعك ،،،، فكيف تنتظر من الناس متابعة كل موضوع لك

عجبي ثم عجبي