((( قالوا حرية قلت هذي سفاله )))

[فواز سعود]

[poem=font="Simplified Arabic,4,black,normal,normal" bkcolor="transparent" bkimage="backgrounds/40.gif" border="none,4,gray" type=0 line=0 align=center use=ex num="0,black"]
نفديك افدا من باع روحه وماله = نفديك افدا من لاتهيب ولاهاب
نفديك افدا جزلً بكل الجزاله = يدهش عقول الغرب ومطلوبهم خاب
قالوا حرية قلت هذي سفاله = يالعنبوها من حرية يالاغراب
اثري التسامح المزعوم استماله = حتى يميل العقل ويصيبه غياب
ترى التسامح عقب هذي هزاله = دون التهور حل وتحذير وحساب
نردع بكل الحزم وتبقى العداله = الظلم مانرضاه والهون ماطاب
حنا فدا نبينا ... يالجهاله = نطلب كرامه لو لنا الموت طلاب
علمان يارمز الدنس يالحثاله = ياللي مع الشبهات ماحدن بكم غاب
غبتوا ولابين لكم لو مقاله = ولنصرة ( الآخر ) غديتوا له احباب
يالله ياذا الفضل وياذا الجلاله = تنصر نبيك كما توعد بالكتاب
وختامها صلوا على اللي بكى له = جذع النخل يومن تبدل بمحراب
محمد المختار بين كماله = اللي اتبعوه اهل البصاير والالباب [/poem]
شعر : فواز سعود

[ابو مشعل]

صح السانك وبارك الله فيك

[نادر]

صح لسانك أخوي فواز


قصيدة رائعة كروعتك أيها الرائع

[الدب الداشر]

صح لساانك ابوسعود


اللهم صل وسلم عليه