المواقف رجاجيل

[saad saif]

اضع هذه القصيده المتواضعه بين اياديكم
كأول مشاركه في هذا المنتدى الرائع
راجيا ان تنال استحسانكم



[poem=font="Simplified Arabic,6,white,normal,normal" bkcolor="transparent" bkimage="backgrounds/26.gif" border="solid,4,darkred" type=1 line=0 align=center use=ex num="0,black"]
الشعر واهس والمواقف رجاجيل=ومعنى الرجوله من معاني هدفها
ولاصارت الفكره مثل مهرة الخيل=ان طاوعت بالطيب والا نعسفهـا
والطيّبه تبغى صبورن وحلحيـل=وان مامشت له بالرضى يختطفها
وهذا زمانن منه شفنـا الغرابيـل=طيـب العوايـد كلبوهـا نسفهـا
لاوالله الا راح جيل وظهر جيـل=ناسن صراحـه ماتمثـل سلفهـا
وياقلب لاتحزن على مايل الميـل=وبعض المواقف لو تضايقك طفها
وحنا من الموجز نعرف التفاصيل=ناسـن نسجلهـا ونـاس نحذفهـا
وياقلب ريّح خل عنـك التعاليـل=ومجالسن فيهـا تكـدرت عفهـا
مجالسن تجمع هل القـال والقيـل=ونمامتن سبـل الغلـط تحترفهـا
وشعاد لو ساقو بها غالي الهيـل=مـادام نقـال النمـايـم ولفـهـا
ناسن سواد قلوبهـا كنـه الليـل=متميـزه باشكالـهـا وتعرفـهـا
حرام ليديهـم تصـب الفناجيـل=ناسن على القاله تطـوّح غدفهـا
لو مالهم بالهرج كلـه محاصيـل=مافيـه قالـه مايجـون بطرفهـا
ولو الحقيقه كنهـا نجمـة سهيـل=لاجاك عطشان السوالف حرفهـا
ناسـن سياستهـا نفاقـن وتمثيـل=الله يلعنـهـا ويلـعـن جدفـهـا[/poem]



لكم اجمل تحيه

سعد سيف

[نمووله]

[align=center]لاوالله الا راح جيل وظهر جيـل
ناسن صراحـه ماتمثـل سلفهـا

*****

ايه والله
وانت الصادق

صدق اللي قال كل أمة تلعن اللي قبلها

صح لسانك سعد
ويرحم والديك
قصيدة رائعه[/align]

[المجنون]

قصيده رائعه
ونبي اكثر
واتمنى انك تستمر

[نادر]

ناسن سواد قلوبهـا كنـه الليـل
متميـزه باشكالـهـا وتعرفـهـا
حرام ليديهـم تصـب الفناجيـل
ناسن على القاله تطـوّح غدفهـا


صح لسانك يابو سيف

قصيدة رائعة في معانيها وعباراتها وكلماتها وهدفها


لاتحرمنا من إبداعاتك

[جرواني]

[align=center]ابو سيف قصيده رائعه

ناس موجوده بيننا

صح لسانك[/align]

[الدب الداشر]

سعد سيف

اسم تعشقة الذوائق الراقية

والله لو لم تكتب إلا هذه القصيدة لكفت أهل الحق أن يقولوا لك شاعر

وفي هذا اابيت قمة الصدق

وشعاد لو ساقو بها غالي الهيـل
مـادام نقـال النمايـم ولفـهـا



ثم ..

ناسن سواد قلوبهـا كنـه الليـل
متميـزه باشكالـهـا وتعرفـهـا




صح لسانك


دمت لساناً من ألسنة الشعر ..

[منصور الشلاقي]

][®][^][®][الأخ / سعد سيف00

صح لسانك على هالقصيدة الرائعة00

ونتمنى لك التوفيق00ونبي منك المزيد0][®][^][®][

[ابن عايش]

جزل الكلام وشعر عذب والله يعطيك الف عافية ومشكور

والى الامـــــــــــــــــــــــــــــــــــــام ..مشكورا.

[أبوالنكبات]

[align=center]

وحنا من الموجز نعرف التفاصيل
ناسـن نسجلهـا ونـاس نحذفهـا

الله الله روووووووووووعه صح لسانك ,,,[/align]