ابي اشم ريح الشمال !!!!!!!!!!!!!!!

[المتيم بالشمال]

بسم الله الرحمن الرحيم

الاسبوع الماضي صار لي مراجعه بالرياض ونوى السفر معي بعد مشيئة الله ثلاثه من الاصدقاء قلت الله يحييكم بس انا طريقي لم رفحاء ثم الحفر ثم الرياض قالوا بس الطريق طويل وبعيد قلت فرصه اوريكم الشمال خاصة إنهم سافروا سابقا من لينه إلى ساموده فقط ( ووالله إنه من غلا الشمال عندي ) المهم شافوا فيضة ام عصافير مليانه من الخير وفريت بهم برفحاء وخاصة اسواقها القديمه صدقوني حتى البيب وقفوا عنده متعجبين منه قلت لهم هذا من اهم الذكريات عندي والحمد لله إستانسوا ووالله إني امشي واكثر الاماكن اتذكر فيها ذكريات مضت
نسيت اذكر فكرة المساجد الجاهزه على الطريق جزا الله من اقامها خير الجزاء
صدقوني إني ناوي الاسبوع القادم بإذن الله اروح للرياض لإكمال المراجعه وإن شاء الله الرجعه عن طريق الشمال نسيت كلمه قلتها لاخوياي يوم يقولون وين تبي مع الشمال قلت بإختصار (ابي اشم ريح الشمال )

معليش إخواني يمكن اللي ماجرب البعد عن الشمال يلومني بهالكلام او يعتبره كلام فاضي ولكن فعلا

( ماتحرق النار إلا رجل واطيها ) وسلامتكم
والوعد عندكم قريب بإذن الله تعالى والله يسهل الامور

[$الوميض$]

[align=center]


يالمتيم ياخوي ماحد لايمك والكل يحس فيك

واولهم انا بحكم البعد عن رفحاء خصوصا والشمال بشكل عام

اتذكر ايام لي ولت مع الزمن لامن ذكرته تضيق بي دنياي

واتمنى لو بس لحظات اقضيها برفحاء البهيه

واولها:

خصوصا وقت الغياب لامن شميت ريحة النار وبالخصوص ريحة الارطى

اللي من اشمه لو هموم الدنيا راكبتني غصب الا يسفهل خاطري

والحين بعيد عن رفحاء لامن جت شبة النار والله عندي مالها اي داعي

لانه يايحطون سمر ومرات اثل اواي شي واللي جا منكم النعيريه وطريق ابو حدريه

يشوفهم مقطعين شجر الشوارع وحاطينه حزم ويبيعونه للناس

بس اكيد الارطى غيييييييييير

الشي الثاني:

ريحة الخزامى مع الصباح الباكر والواحد صاحي للمدرسه ماله خلق بس لامن طلعة برا وجتني ريحة الخزامى

يجيبها الهواء من فياض رفحاء من وين ماهب والله انها تشرح الصدر غصب

لا يااخوي متيم كلنا نحب الشمال اذا اللي مو من اهل الشمال يجيها ويتولع فيها!!

اجل وشرايك وحنا مولدنا ومربانا فيها!!

بالله عليكم مانحبها؟[/align]

[ليث]

حنا نلوم اللي يلومك




جربنا لوعته... وعسى الله يفتحها بوجهك اخوي

[المتيم بالشمال]

إخواني الوميض وليث اشكر لكم صدق مشاعركم ومشاركتكم اللتي تنم عن الحب الصادق للشمال

[شمـــاليه]

[align=center]


الله يلوم اللي يلومك


مافيه زي رفحـاء بالدنيا كلهااااا


وفعلا مايحس بالنار الا واطيها



وعلى قولة فهد عافت ..



[poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحظ اليا صابه التفليس = ياشيخ والله مايصحا

الناس تحجز على باريس = وانا احجز على رفحا[/poem]

تحياتي[/align]

[المتيم بالشمال]

شكـــــــــــــــــرا شما ليـــــــــــــــــــــــه

[منصور الشلاقي]

أخوي المتيم بالشمال00

ماتنلام والله بحب الشمال00

الشمال سحر00 والشمال قصة عشق وغرام00

وان قلت ( رفحاء) فديرتن له محبة وتقدير واجلال *** منهو اللي نسى شوارعه والبطحاء اللي هناك مشهوره

هذي رفحاء عسى الحياء يمه مزون وبروق وخيال *** ديرة ربوعي اللي تسعدني جيته00 ويشرفني حضوره

-
-

[ابن عايش]

يا المتيم الشمــــــــــــــــــــــــــــــــــــــــــــــ ــــــــــــــــــــــــــال ولو الصفحة تسمح امدها الين اقطع 800كيلو واصل لديار الشمال الشمال المفروض من الشعار الغزليين ان يتغزلو بجيلان الشمال وفياضة وشعبانه ومدنه وقراياه وهجره.......................الخ ويعمرون هم والاجيال القادمه ولا راح يوفون الشمال ربع من حقه علينا. ودمتم



اخوكم |ابن عايش التومي الشمري