تداول الخميس وحسين البليهي (( قصيدة شي ))

**الدب الداشر** · 28 Feb 2006, 03:17 AM

[align=center]

يقول الشاعر/

يابوفهد طير الهوى خبّث البال
الطير وكري والحباري قليلة

وحسين البليهي يقوول

يابوبدرسهم الفلس ضيّع المال
السهم نازل والسيولة قليلة

الربع حدّونا على نكخة الجال
بضحى الخميس اللي غترنا مسيلة

جونا وحنا غافلينٍ على الفال
واللي فرك واللي خثع في شليلة

احدٍ شهق واحدٍ غشى عقله هبال
وحْدٍ سقط وحْدٍ مضيّع دليله

وانا تراني قانع بكل الاحوال
مار الخسارة عالية أو ضئيلة

الحمدلله راضي وصافي البال
الحول لله مالنا أي حيلة

الرابح اللي يذكرالله بالآصال
وْقت الغدو ومستعد لرحيله

بالقبر ماينفع سوى حلو الاعمال
المال يرجع والأهل والقبيلة

لكن ابنصح من تعلق بالاموال
وبسوق الاسهم كاد يصبح هبيلة

لاسائلٍ عن بيت ولامراقب عيال
وكل اكتتابٍ لو بكوبا يجيله

ألوف يخسر وان ربح يربح ريال
يضارب ومتنيل بستين نيلة

ابنصحه كان فهيمٍ للامثال
بكيفه يشيل النصح أو مايشيله

ابنصحه يلحق على تالي المال
لو يشتغل بالسوق بايع بليلة

:

حسين البليهي

.[/align]

**نايف عايد** · 28 Feb 2006, 08:14 PM

حسين البليهي

استاذي

وشاعري

ومعلمي

اعتبره قنبله

ولم تنفجر بعد

ولو انها منفجره

لمى رائيت المتشدقين بالشعر

على مناكب الساحه

الأن

استاذي

حسين صح لسانك

وعلى شانك

اخوي الدب الداشر

الف شكر على النقل المميز

دمت بود

0

00
0

**الدب الداشر** · 01 Mar 2006, 05:09 AM

العفووو أبوعاايد

حيااك الله

:

.

**zezfon** · 02 Mar 2006, 11:42 AM

صح لسانك ولسان الشاعر صحيح ماقيل

**ابو زياد** · 02 Mar 2006, 12:21 PM

صح لسانك ولسان البليهي
قصيده جميله والله كريم
شغلتها الاسهم كر وفر
والصبور بأذن الله يعين خير
انا بكامل السيوووووووله بالاسهم
لكن مؤمن بالله والي قاسمه الله لي يجيني
والحمدلله على كل حال

**أبوالنكبات** · 02 Mar 2006, 12:28 PM

قصيده روووووعه تشكراتي دبدوبي

على النقل المميز ,,,,

**الدب الداشر** · 06 Mar 2006, 06:08 AM

صًح بدنك زيزووووووووووووووو

**الدب الداشر** · 06 Mar 2006, 06:17 AM

ابوزيااد

صح بدنك

الله يعينكم كارين فارين

اغلب هالأياام فارين
ههههههههههههههههههههههههههه

**الدب الداشر** · 06 Mar 2006, 06:18 AM

ابوالنكباات

العفووووووووووووووووووووووو

حيااك ربي

**ليث** · 06 Mar 2006, 10:53 AM

صح لساااانك ولسان حسين ولاهنت

**الدب الداشر** · 12 Mar 2006, 06:59 AM

صح بدنك

ولا هان غاليك وواليك حجي ليث ..

**التيما2005** · 13 Mar 2006, 10:25 PM

ألوف يخسر وان ربح يربح ريال
يضارب ومتنيل بستين نيلة

قصيده شي وبس

رووووعه ....

مشكور يالدب على النقل

**الدب الداشر** · 16 Mar 2006, 04:00 AM

العفووووووووووووووو التيماا2005

والروعة وجودكم ..

**متعب فهد** · 23 Mar 2006, 01:49 PM

شكراً على هالقصيده بس لو تعطينا نبذه عن الشاعر
وبعدين كانك بغيت تقصر من توقيعك ترى كذا أحلى والبعض حاط صورته مابقى إلا يحط كرت العائلة

**الساعي الى الخير** · 29 Mar 2006, 01:38 AM

صح لسانك دبدووووب والبليهي .

آخر المشاركات

الموضوع: تداول الخميس وحسين البليهي (( قصيدة شي ))

أدوات الموضوع

تقييم هذا الموضوع

عرض

تداول الخميس وحسين البليهي (( قصيدة شي ))

مواقع النشر (المفضلة)

مواقع النشر (المفضلة)

ضوابط المشاركة