يا اهل رفحــاء سود الله وجيه صحافتكم الخونه وهذه القصه كامله

[مبهر الدلة]

حكايتنا معكم من العويقيله لا يرضاها من فيه ذرة رجوله
سنقول لكم القصه كامله واحكموا بامانه
وحاكموا مراسل الجزيره والوطن واليوم وربما الاقتصاديه وغيرهم واعرفوا الخاين منهم وجميعهم خونه
في مستشفى العويقيله كان حفل وحضره مراسل اليوم ونشر الخبر عن الحفل

ومع الانشغال بالضيوف وبعد ذهابهم جاء عامل اسيوي وقال ان شخص طلب منه اخذ كيس نفايه الى المكان الفلاني وقام بتصويره في المكان
انطلق مجموعه من المسؤولين الى المكان ولكنهم لم يجدون شي ولم يعرفون شي
توقعوا ان الامر عادي

ثم كان الخبر في كل الجرايد ومن اهل رفحاء كل المراسلين
نفايات طبيه خارج اسوار مستشفى العويقيله

والخبر كذب والله وسوف اثبت لكم الان كيف هو كذب ولكني اريد من الرجال الشرفاء منكم عدم السكوت على الخيانه وغياب الضمير

اولا توجد غرفه بالمستشفى خاصه بالنفايات الطبيه بشكل نظامي
وتجي سياره من المنطقه لاخذ النفايات الطبيه من الغرفه من العويقيله ومن غيرها من المدن الاخرى وهذا هو النظام
فالغرفه قريبه لماذا نرميها بالخارج بالعقل ياناس
وكيس واحد مشخص كانه يبي يصور صورة جواز سفر

ثانيا في الجزيره جاء الخبر
نفايات طبيه خارج اسوار مستشفى العويقيله

قام أحد عمال النظافة بجمع النفايات الطبية الخطرة من مصادرها في مستشفى العويقيلة دون أن يتخذ أبسط إجراءات الوقاية ومن ثم يقوم برميها في الساحة الخلفية للمستشفى دون إغلاق الأكياس بإحكام لتشكل مصدراً للخطر يهدد حياة الأهالي.

لاحظتوا كيف العنوان خارج اسوار المستشفى وكيف جاء الخبر في الساحه الخلفيه للمستشفى لان حبل الكذب قصير ما امداه ينسى اول الكذبه


وايضا كيف حماد رويان وفواز عزيز وغيرهم لم يكونوا موجودين بالعويقيله

كيف ينشرون خبر كيدي وهدف منه خبيث ومعروفه الاهداف الدنيئه من وراء الخبر المكذوب

وعلى فكره مجالس العويقيله كلها تتحث عن شخص

فاذا كان ماهو هو انصحه انه يبري نفسه لان الناس يعتبرون هذا عيب عيب

وايضا يا صحافة رفحا الا يوجد في رفحاء نفايات تنشغلون بها عن نفايات المدن الاخرى

نتمنى ان تبتعدون عن نفايات غيركم فذبابنا وحشراتنا اصبحت تتضايق من تواجدكم ومن فلاشاتكم



اخيرا اجدها فرصه من هنا احيي واشكر الكاتب النجم صالح الشيحي واقول انت فخر للشمال

وباقي كتاب الوطن سماد لكن برفحاء اسمده عضويه

[عاشق رفحاء]

أمر عجيب .. أنت تقول حاكموا الجزيرة والوطن واليوم وربما الاقتصادية
الحين اللي نشر الخبر الوطن والجزيرة وش دخل اليوم والاقتصادية ؟ ... أنت تقول في مستشفى العويقيله كان حفل وحضره مراسل اليوم ونشر الخبر عن الحفل ... أنت تقول انه نشر الخبر عن الحفل فهل هو من ضمن الخونة وايش جاب له التهمة والاقتصادية ما نشرت شي وتتهمه بعد
وانت تقول ومع الانشغال بالضيوف وبعد ذهابهم جاء عامل اسيوي وقال ان شخص طلب منه اخذ كيس نفايه الى المكان الفلاني وقام بتصويره في المكان
انطلق مجموعه من المسؤولين الى المكان ولكنهم لم يجدون شي ولم يعرفون شي
كيف نصدق هذه الرواية!!!!!!!!!!
وهنا تقول وايضا كيف حماد رويان وفواز عزيز وغيرهم لم يكونوا موجودين بالعويقيله
هل انت واثق انهم ماكانوا في العويقيلة ... ليش انت صاير بواب بالعويقيلة تسجل اسماء الرايحين والجايين !!!
ولا كل واحد يجي للعويقيلة لازم يمرك وتشوفه وتشيك عليه !!!!
وتقول :كيف ينشرون خبر كيدي وهدف منه خبيث ومعروفه الاهداف الدنيئه من وراء الخبر المكذوب
اي هدف واي كيدي الله يسامحك وش بينك وبين الصحفيين أو وش بين المستشفى وبين الصحفيين أو وش بين العويقيلة وبين الصحفيين !!!!
وتقول : نتمنى ان تبتعدون عن نفايات غيركم فذبابنا وحشراتنا اصبحت تتضايق من تواجدكم ومن فلاشاتكم
يبدوا أن الأمر أصبح عداوة وتفرقة .. ولكن الحقيقة أن اهل رفحاء واهل العويقيلة واحد ولا يفرقهم شيء واذا انت متضايق انهم يبحثون عن خدمة اهلهم هذا شي ثاني
والخبر اللي نشر ذكر ان فيه خطر كبير على اهالي العويقيلة ويعتبر اهمال من المستشفى مثل ما قال اخوانا الصحفيين .

اخيرا اجدها فرصه من هنا احيي واشكر الكاتب النجم صالح الشيحي واقول انت فخر للشمال
!!!!!!!!! ليش كل هذا خوف من صالح هههههههههههههههههههه امزح بس ابي اضيف انا نفتخر بصالح الشيحي ونفتخر بجميع الصحفيين برفحاء وواثقين من مصداقيتهم وبحثهم عن الحقيقة وسعيهم من اجل خدمة اهلهم في كل مكان .
وانت من اول مشاركة تبي تخلينا نثق في كلامك ونشكك في صحافتنا !! دور غيرهااااااااا احسن .

[ليث]

اذا كلهم جايبين خبر واحد وعن زباله بالعويقيليه فالموضوع غريب...



نسأل ونشوف!!!!!!!!

[الدب الداشر]

أغــرب من الغريب ..


كيف تصنع الحوادث ..


بحق


أمر غير مستغرب على البعض .. ولكنني سأتبين ما تقول وأعود لكم .. . . .

[الدب الداشر]

إضافة ..


يقولون الصحفي الذي جاء للحفل دب ويلبس نظارات ..



الحمدلله أني ما البس نظارات والا كانت التهمة موجهة لي ..


من فيه دب ويلبس نظارات ؟؟


أممممممممممممممممممممممممممممممممممممم

[عاشق رفحاء]

السالفة ماهي زبالة ياليث يقولون نفايات طبية خطرة وشديدة العدوى ومرمية يعني كارثة وبعدين الدب يالدب الداشر ويلبس نظارات هو الدوخي مراسل اليوم عرفته يشبه لك هههههههههههههههههههه بس الفرق النظارات .
أنا أقول السالفة فيها إن وكل اخواته بعد ولا معقولة يجي للعامل ويقوله شل الكيس ويجيبه للساحة ويصوره هو والكيس ؟ بالله هذي تخش العقل
وبعدين يامبهر الدلة منو انت على شان تعرف كل هالتفاصيل واهم شي لا تقول الناس يسولفون لانه اذا كانت سوالف مجالس معناته فيه شي كبير من الخرطي وفيه تأليف على الكيف .
احتراماتي للجميع

[الجنى الداني]

كلام لا يصدقه العقل ...


صحيح .. ! ما علاقة مراسل اليوم الاقتصادية بالموضوع ؟؟؟؟

أخي الكريم :: نشرت لنا خبر الجزيرة فقط ... وأنا حاولت أبحث عن الموضوع في الوطن فلم أجده .. كما لم أجده في الاقتصادية ...

انشر لنا الاخبار ..


هل يستطيع عامل نظافة نقل كيس أصفر من دخل المستشفى ورميه خارج المستشفى أثناء حفل رسمي بوجود مدير الشؤون الصحية وعدد من المسؤولين ؟؟؟؟

لا أحد يعلم هل كان الصحفييون بالعويقيلة أم لا ؟

ملاحظة :: لا أظن أنه يلزم وجود الصحفي في العويقيلة لنقل خبر عنها ؟ العصر تغيير وسائل الاتصال تطورت ؟؟


اسمعت ::: مدير المستشفى سب الصحفيين حين أرادوا أن يستوضحوا عن الموضوع منه ؟ ورفض الرد عليهم ..

[الهاقوص]

اسمحلي انك بهرت الموضوع زياااااااده عن اللزووووم

تقول بعنوانك يا اهل رفحاء سود الله وجيه صحافتكم الخونه


هل الخطأ عندما يقع من بعضهم هذا ان كان ما ذكرت صحيحا

يشمل الجميع ؟

ثم ليس هؤلاء كل صحفيين رفحاء

بقي اكثر من ثلثيهم

وانت شملتهم بتعميمك

حسبي الله على الظلم لانه ظلمات يوم القيامه

[مبهر الدلة]

الهاقوص الله يكفينا شر الهقص والنقص والظلم
نعم سود الله وجيه صحافتكم الخونه الى يوم الدين
قلت الخونه واكررها اما غير الخونه وهم الباقين الله يبيض وجيههم وين ما راحوا

[مبهر الدلة]

عاشق رفحا انت تعرف السالفه والا مطبق على عماه
كلامي صحيح ما عليه غبار لكن
تقول نشروه الوطن والجزيره يالله قل للجني يقول ما لقاه بالوطن علمه حتى ما اتعب بالرد عليه
تقول وش دخل اليوم تبي اقولك او اخاف تنفقع من الضحك يكفيك ضحكك على الشيحي

تقول كيف نصدق الروايه وانا اقول لك لانك تحسب حركتهم حركه صحافه وامانه معذور ما تصدق لكن اصبر واعلمك تابع الموضوع
وتقول ان الي يجي لازم اعرف اقولك لازم
لاني موظف بجوازات العويقيله واعرف اي واحد يختم من حدود العويقيله واذا انت مكذبني صور لي جوازات فواز وحماد حتى تثبت انهم دخلو العويقيله
مشكله لازم انزل لمستواك
وحماد وفواز اتصل عليهم واسالهم والي يقول انه حضر انا اقول انه يكذب واسال ورد لاتجي دافع من فراغ
هدف كيدي خلاص اذا انت ما انت فاهم السالفه لا تدافع وبعدين انا اعلمك الكيدي ماهو
وتقول خطير على اهل العويقيله ضحكتني مامن الا العوافي
كويسن صغير جابه واحد وصوره وبجنبه الهندي
انا ما ادري الهندي ليه واقف يحرس الكيس اموت واعرف ههههههههههههههه

صالح الشيحي انا خايف منه اذا التحيه عندك معناها خوف واذا هو زي ربيعك ما عندي والله له الا الي يدبل كبده وكبدك

تتهمني بالتفرقه هذا العجيب
التفرقه انتم سببها انتم اهل الزبايل لكن الحمد لله الي فشلكم
والحمد لله انكم ما لقيتوا عيبنا الا بزبالتنا

[مبهر الدلة]

والله انك رجال يا ليث ان شاء الله اهل رفحا مثلك واطيب
نبي رجال تفكر كذا

[مبهر الدلة]

وانت الدب غير الداشر
هذا الكلام كلام رجال
وهذا الي نبيه منكم يا اهل رفحا
قولوا لهم عيب
فشيله
خيانه
فضيحه

[مبهر الدلة]

الجني نبي نجاوب على كل اسألتك
لكن ما يصدقه عقل كلامك صحيح والله صحيح
لكن هذا الي صار
حتى تعرفونهم على حقيقتهم
الله يريد يفضحهم
وعندي سئال انت بحثت في الوطن بالجريده والا بالانتر نت
وقريت الخبر بالجزيره بالانتر نت او بالجريده
وبعدها اجاوب عليك

واملنا بك وبامثالك من الشرفاء انهم لا يرضون هذا الفعل الردي يا خساره ان بعضهم شمري وبعضهم عنزي
يقولون عيال حمايل

لعنه بي الحمايل

[الهاقوص]

الحمد لله انك تراجعت

شفت شلون ان التعميم اقشرررررر

[عاشق رفحاء]

يقولون عيال حمايل

لعنه بي الحمايل

هذا رد رجال مسمي نفسه مبهر الدلة إلا انت طلعت مبهر .... حذفته قبل تحذف من الاشراف ... والشي الثاني ردك بليد وبارد ويدل على عدم مصداقيتك ولا كيف ترد بردود ليس له علاقة بالموضوع وطريقتك هذي تدل على قل الحيلة . لكن اقولك اياه انا ما ابي اعرف الموضوع ولا اشكك في مصداقية اي شخص من اهل رفحاء لاني احب رفحاء واحب اهله .
ما اقول الا الله يعينك على مصابك أهل رفحاء كلهم شرفاء هم وكل الصحفيين ماهم مثلك واشكالك . عرفناهم من زمن طويل ماهو اليوم او امس يكتبون لمصلحة اهلهم ووطنهم ولو ما فيها مضرة ماكتبوا عنها مير الظاهر انك انت المقصود بالسالفة وهذي عادة اي مسؤول انفضح احد اخطأه يحاول يكذب الخبر بيدينه ورجلينه ويطلع الصحفي ماعندك احد وهو الوحيد اللي يفهم .
اقولك للمره المليون دور غير هالسالفة .
وعلى فكرة نسيت اقولك ان اهل رفحاء واعين وعارفين مثل هذه الحيل لانك ما سجلت بالمنتدى الا على شان هالموضوع اللي فقع مراراتك وتحاول تستعطف رأي أهالي رفحاء وتكذبه بشتى الوسائل وأنا أجزم بأنك انت المسؤول عن ماحصل وتحاول التبرير .
مكشوووووووووووووووووووووفة