عند قسم المختبر

[كورن فليكس]

[align=center]السلام عليكم

لا أحد يسألني من هو الشاعر ... لأني ما أعرفه !!

بس اعجبتني القصيده وحبيت أنكم تقروها ...


قصيده لشاعر مجهول


ويقول فيها :

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** نــــاظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني فــي زمــاني عــن طريقي ضايعـه

قلت انا ماراح اطـول كلبوها كلمتين *** وابــعـدت عني شــويه ثــم جتـنــي راجـعــــه

قالت اسال واضح انك من رجال طيبين *** بـس هـرجك يالسنـافي كان وشهو دافعـه

قلت انا حبيت وحده يـوم كنا صغيرين *** ومــن ثمـان سـنيــن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طــول لـيــلي لـيـن شـمسي طالعـه

اذكر انه فيه حبه فـوق ثغـره من يمين *** واذكــر انــه لاجـــريــنا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عـشـقـهــا زارعــه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طـابعه

قاطعتنـي بقولها سبحـان رب العالمين *** كـررتـــهـا مــره .... ومــرتين .... ورابـعه

قلت وشفيك وشبـلاك يابنيه ترجفين *** لــيـش عيـنـك يـابـنـيــه من كـلامـي دامعـه

قالت الموقف وقلبـي والمحبـه والحنين *** كــيـف اشـوفك بـعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمــنهــا مـن حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والــحين انــا ام لثـلاثه ريــم ويـاسـمين *** والولد اسمه على اسمك والمشاعـر جايعـه ...!![/align]

[الدب الداشر]

راااااااااااائعة



على وزن


غابت ثمان سنين حل وترحال .. لمنصوور الرمالي





صح لساانك ولساان الشااااااااااااااعر يا بعدهم ..



اممممممممممممممممممممممممممممبح هذي على خشم شاشتك

[ابو مشعل]

الله يعطيك العافية قصيدة رااااااااائعة

[ليث]

حلوووووووووووووووووه كورنو

[شامي الدهيمان]

تحياتي
كرون

دائم رائع

[الوتر الحساس]

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طـابعه


حل اللغز:>>> سعاد

[كورن فليكس]

دبدوب افندي
هلا بك
انت اروع منها
يابعدهم....صح بدنك

[كورن فليكس]

الغالي ابومشعل
الله يعافيك
اسعدني مرورك

[كورن فليكس]

وانت احلا يا ليثوووووووووو

[كورن فليكس]

اخوي السلهومي
اتشرف بمرورك الكريم
تقبل تحياتي

[كورن فليكس]

الوتر الحساس
نورت الحته
ومالك لوا
الحل بهيجه