خذها وانا بنت روس الطيب وصقوره

**كورن فليكس** · 06 Apr 2006, 01:55 AM

[align=center]حنّا بنات الوطـن وشمـوع ديجـوره

وحناّ بنات الوطـن وأحلـى سعوديـه

منابت المجد وأصل المجد والصـوره

مرابـط العـز وسـبـوق النـداويـه

منابت الملح وأصل الـورد وزهـوره

مكاسـر العـود والنفـحـه سمـاويـه

عذبات الانفاس وأغلى المسك وعطوره

نفحـات الاشجـان والنسمـه ربيعيـه

فوح الخزامى بروض ٍ قيل ممطـوره

قدِ علّهـا مـع بكـور الوسـم وسميـه

حنّا بنات الوطـن سكنـاه وخـدوره

حنّـا بنـات الوطـن والثقـل ماريّـه

ياللي تعذرب بنـا يمنـاك مكسـوره

ماكـن فينـا لـك أم وبنـت وأخـيـه

أفكارك السـود مشبوهـه ومبتـوره

وعلومـك العـوج ملفوفـه وملـويـه

تلـف وإلا تزيـد اللـف لـك دوره

العلـم بالهـون والحاجـات مقضـيـه

خذها على نور والرايـات منشـوره

بالعـدل والميـز مكتوبـه ومقـريـه

خذها وباقي بهـا وقفـات مذخـوره

تجيك مـن فـوق وإن حبيّـت رديـه

بنت الوطن ياضعيف الرأي مذكـوره

بالخيـر والطيـب مذكـوره سنافـيـه

من أول الوقـت يالمسكيـن مشهـوره

بالفكـر وأحلـى التواصيـف النسائيـه

بنت الوطن ياقصير الشوف معمـوره

بالعطـف والليـن وتـزيـده بحنـيـه

إن كان بالكون قالوا عينـه وحـوره

بنت الوطن من عظيم الشـان حوريـه

بنت الوطن من جمال الخلق مستـوره

الطبـع هـادي ووقـت الجـد جديّـه

ممكن تقـوّم بوجـه المعتـدي ثـوره

والأصـل تكوينهـا ثابـت حيـاويـه

شيهانة اللحظ بنـت الريـح منثـوره

ملمومة الخصر بنـت الذيـب ريميـه

يعنـي حجازيـة العينيـن مخبـوره

نجديـة الخصـر واللمحـه خليجـيـه

ريحانة الفل بـأرض الفـل مبـذوره

يعني عسير وعبيـر أحلـى عسيريـه

وقـاّدة الحـس بالاشـواق دكتـوره

يضيق صـدر الزمـن تبقـى شماليـه

تكتب حروف الوفا وتسّـن دستـوره

بحروفها إخلاص وإن حبّـت هواويـه

يعني هي الجو مـع بيـداك وبحـوره

مـن رأسهـا للقـدم بالزيـن مكسيـه

سمعت ياللي حسبتـه لعبـة الكـوره

بعـض السواليـف لا سقتـه عماويـه

لا ضيّع الدرب مثلك وأخلف شعـوره

ندلّـه الـدرب والاعـمـال بالنـيـه

ياخاوي الفكـر والعـدلات مقبـوره

في صدرك اللي لبس بلـواه صدريـه

مغرور مغرور مثلك ناس مغـروره

بمركـب النقـص والاوهـام مبلـيـه

منادميـن الخطـا ملفـاه وطـيـوره

الفكـر خـيـاّل والسـاحـه خيالـيـه

من الحماقه لبسـك الكبـر وشـروره

والحمق رمح الـردى وحـدود هنديـه

تسكن زواياك والطرقـات مهجـوره

ياغراب خل الحمـام إنسـى خطاويـه

لو تفرد الريش يالطـاووس مأثـوره

عواقـب الكبـر يالمغـرور سلبـيـه

ياسيّـد الغطرسـه ياقاصـر شبـوره

ياعاشق الـذات عشـق الـذات نفسيـه

سمعت رد الاصيله وإفهـم سطـوره

بسيـط منـسـاب والاوزان شعبـيـه

وإسلك طريق الهدايه وإحفظ السـوره

السوره اللـي علـى المعنـى ومكيـه

وإن كان نفسك على الشينات مجبـوره

والنـار ياميّـت النـيـران مطفـيـه

أجيك أنا بنـت هالديـره ومأجـوره

وتشوف بنت الوطن والجمـره الحيـه

أجيك وتشوف بنت السبـع مسعـوره

وأخرك معـروف والدعـوى طبيعيـه

الوقت معروف فـي زنـات دبـوره

يخـرّب العـش وهـو العـش راعيّـه

ماهي بشرَبه من الغـوري وشابـوره

بعض الحكاوي وفيـه حـدود محميـه

خذها ولا أقول لا رديّـت مشكـوره

من واجبـي لا دفعـت الشـر والسيّـه

بأول خطوط الدفـاع وراس طابـوره

أصــد وأرد والـصـدّه هجومـيـه

خذها وأنا بنت قوم المجد وحضـوره

مني وأنـا مـن بنـات الـدار نجديـه

من نجد ماجيت أنا المغرب وناطـوره

وماجيت حد اليمن مـا كنـت مصريـه

خذها وأنا ماعرف الحمراء ولا شتوره

ولا جيـت عمـاّن وإلا كنـت شاميـه

ولا نيب من بابل النهريـن وآشـوره

وإلا بعد مـن بنـات الشـرق شرقيـه

خذها وأنا من عظيم الشان منصـوره

من نجد ماقول أنـا شقـراء وغربيـه

أعيّد العيـد مـا عوشـر بعاشـوره

الديـن الاسـلام والمنـهـاج سنـيـه

خذها ونفسي على المسفـار مأمـوره

والنفـس معـروف مأمـوره ومنهيـه

ماقلتها من غضب بالوقـت مقهـوره

على المـلا وإن بغيـت السلـم سلميـه

خذها وأنا بنت روس الطيب وصقوره

الجـد قحطـان والمنـشـأ قصيمـيـه

الشاعرة ام اديم من مدينة بريدة

الساحة المفتوحة[/align]

**ابو مشعل** · 06 Apr 2006, 04:50 PM

عودا حميد اخي كورن
قصيدة رااااااااااااائع سلم الله يدك وسلم الله صاحبة القصيدة

**الباز2222** · 07 Apr 2006, 01:37 AM

طاط طا ط 150%

**ليث** · 07 Apr 2006, 10:56 AM

تسلم اخوي كورنفلكس ويسلم غاليك

**كورن فليكس** · 07 Apr 2006, 03:08 PM

الغالين
ابومشعل
الباز2222
ليث
يابعدهم كلهم
اسعدني مروركم

ودمتم سالمين

**الدب الداشر** · 07 Apr 2006, 09:01 PM

صح لساانك حجي كورن ولساان الشاعرة . .

آخر المشاركات

الموضوع: خذها وانا بنت روس الطيب وصقوره

أدوات الموضوع

تقييم هذا الموضوع

عرض

خذها وانا بنت روس الطيب وصقوره

مواقع النشر (المفضلة)

مواقع النشر (المفضلة)

ضوابط المشاركة