الدب الداشر على قناة المجد ..

**الدب الداشر** · 09 Apr 2006, 02:53 AM

[align=center]

.

.

.

.

السلام عليكم ورحمة الله وبركاته ..

أسعد الله صباحك بالسعادة والمسرات ..

قبل فترة تقارب الأسبوعين ..

كان قد وعدني أحد أصدقائي بالمرور علي ليصحبني إلى الإستـراحة ..

وكنت قد فرغت من العشاء وجالساً إنتظر ..

فقلت في نفسي سأتابع قناة المجد لعل الله يكتب لي معلومة أو فائدة تفيدني مستقبلاً .. المجد قناتي الأولى وأحياناً الثانية بعد سمارت وي ..

المهم كان هناك برنامج مدري وش أسمه (( أسمحوا لي أبي آخذ راحتي )) ..

وكانوا حاطين رقم جوال وكاتبين للمشاركة أرسل رسائل msm ..

الله وكيلكم الدب الداشر .. وفاضي .. وجواله مفصول .. وما باقي برسايل النجدة والإسعاف (( بليز كول مي )) غير رسالة وحدهـ وقلت في نفسي ما عاشت باللحايس أنا أوريكم ..

لا حظوا مكتوب للمشاركة .. بالرسائل ..

المهم الدب الداشر من طلع الرقم بسرعة وأنا القط نصه .. ولا كملته وانا انقهر ابيه كامل .. انتظرت شوي لين طلع الرقم .. وعلى طووول وأنا ألقط الباقي ..

ومن أمس وأدز لهم بليز كول مي .. وكنت حاط براسي إذا اتصلوا علي أبي أقول لهم دقوا على فلان خلوه يجيني بسرعة .. (( لا تصدقون )) ..

الحاصل راحت الرسالة وعطوني خامس .. ولا احد دق ولا شي ..

.

.

.

.

راح أسبوعين ونسيت سالفة الرسالة والمجد كلهاا .. واليوم وأنا بمحل لمواد البناء أبي أفصل ثوب .. والا يدق علي رقم من الرياض ما بغيت أرد لأني توقعت أنه من حدى الشباب فاضي ويقعد يسولف معي ويشغلني ..

أنتظرت شوي والا مستمر ..

012607435

يدق ويدق بالأخيـر جزمت ورديت عليه ..

<<<=== هلااا

السلام عليكم =======>>>

<<== أرحب يا عليكم السلام .

كيف حالك اخونا (( باللهجة السورية )) -=====>>>

<<<= يا هلا والله ورحب يا هلا ومسهلا الحمدلله بخير ونعمه ..

أخونا انت مرسل رسالة بليز كول مي لبرنامج .... ======>>>

<<=== (( توقع انه منكح من أحد الشباب ومسوي حاله ذكي يبي يمشيه .. )) أيه مرسل أبي أستفسر عن موعد صلاة الفجـر ..

آها لا اخونا احنا برنامج .... وإحنا نتصل على اللي يرسلوا لنا إذا عندهم مشاركات واليوم إذا عندك مداخلة على الهواء =========>>>>

<<<=== (( حس أن الرجال جاد وتذكر انه ما علم احد من العيال عشاان يسوي المقلب وأستوعبه زين مع شوية برود في الوجه )) أيه أيه لا اخوي انا ما ارسلت شي يمكن أحد ثاني مرسل من نفس الجوال وكنت امزح معاك قبل شوي ..

طيب أخونا شكراً لك =====>>>

<<=== بارد وجهه (( مع السلامة ))

طوط طوط

أنتهت المكالمة وكان ودي أني عارف وش موضوع الحلقة وعن أيش البرنامج ومشارك معهم .. بس مالله كاتب لي مشاركة ..

بالنهاية أقوووول كل الشكر لهذه القناة الرائعة ولكل الجهود المبذولة وأسأل الله أن يفتح للقائمين عليها أبواب رزقه ورحمته ..

كما اقول للشباب المطفرين اللي يبون المشاركة .. عليكم بالحركة الحلوووه والإقتصاادية والمفيدة ..

وسلامتكم ..

.

:

.

.
[/align]

**الدب الداشر** · 09 Apr 2006, 02:56 AM

الموضوع إرتجالي ..

بدون مراجعة بدون شيء ..

أعذرونيـــ

**يونس رعد الربع** · 09 Apr 2006, 03:22 AM

[align=center]

.
.

كلك حلا يالغالي سواء ارتجالي أو ملّقح

.
.

واما عن قناة المجد

تراها تبي موظفين كانك تبيهم

واذا تبي تقعد برفحا .. يبون مراسلين

قدم عليهم .. وخلك اول مراسل لقناة تلفزيونيه

[line]

أحتراماتي
,‘
‘,
,‘

يونس بن رعد

//
..
\\
..
//
..
\\

[/align]

**رايح بس راجع** · 09 Apr 2006, 03:27 AM

ههههههههههههههههههههههه

ياشينه من موقف, بس زين اللي تماكنت روحك وعرفت انه برنامج صحيح .

ياخي لو انا منك سئلته عن اسم البرنامج وموضوعه (اكيد بيضحكون شوي بس عادي)وعطيتهم مشاركه على الطاير (خابرك فلته )

**الدب الداشر** · 09 Apr 2006, 03:30 AM

حجي يونس ..

المجد يبشرون باللي يبون

ولا رواتب ولا شيء .. خدمة لله ..

إذا فعلاً محتاجين انا متبرع ..

<<=== وش عنده منيف خضير ..

**الدب الداشر** · 09 Apr 2006, 03:32 AM

رايح بس راجع

والله جت على بالي بس قلت يمكن يسكر بوجهي
هع هع هع

مرسل لهم كول مي ولاني متابع ولا ادري عن شيء ولا التسلسل للحلقة .. طيب لو دخلت وتكلمت عن شيء أستهلكوه قبلي .. وش موقفي ؟؟

يا زين السالفة

هع هع هع

**تابط شرا** · 09 Apr 2006, 07:50 PM

هههههههه
زين انهم اتصلوا
شكرا ايها الدب
........................

***العنا*** · 09 Apr 2006, 07:58 PM

[align=center]يا زين حظك ..

فرصة وجات من السما ..

انا لو منك ما فوتهآ ، كنت تكلمت وتفلسفت بعد ..

>>> تبيهآ حجة ..

يسلمــووو الدب ..[/align]

**البرهان** · 09 Apr 2006, 09:42 PM

[align=center]منين يلقون لقناة المجد للأطفال ضيف زيَك
أعتقد بتقوم بدور عمو أيمن الطباخ
تهانينا دبدوب[/align]

**الذروي** · 09 Apr 2006, 09:55 PM

دبدوووووب أشوا ماسووو

معك لقى لأنه إنت مو فاضي ولا لا

؟؟؟

خـــــــيرها بغــــــــــيرها والله تستاهل,,,

بس المره الجايه إرسلهم علي وإزهلها زين ولا لا

؟؟؟

**الفيلسوف** · 09 Apr 2006, 10:27 PM

المكالمه الجايه حول جوالك على هبوب الريح

**سليمان شعيب** · 10 Apr 2006, 05:47 AM

[align=center]ههههههههههههههههههههههههه
ههههههههههههههههههههههههههههههه
هههههههههههههههههههههههههههههههههههه

والله انكـ منتهي وقاضي علاجك دبـ

وأبشرك أكتشفت أنك ذكـي جداً

اه ويلوموني فيكـ

على العموم هدية مني لكـ

كوع مغسلة من خياط مواد البناء

+
عداد كهرب من الموركـي

تستاهلـ دبدوبـ

اه اه
خخخخخخخخخخخخخخخخخخخخخخخخخخخخ

:[/align]

**ليث** · 10 Apr 2006, 07:51 AM

ههههههههههههه

والله سووها واتصلو

**القنديل** · 10 Apr 2006, 08:00 AM

وإحنا نتصل على اللي يرسلوا لنا إذا عندهم مشاركات واليوم إذا عندك مداخلة على الهواء

شكله والعلم عند الله برنامج أطفال

يقولون صوتك حلو بالأناشيد ؟

**الدب الداشر** · 10 Apr 2006, 12:21 PM

تأبط شراً .. عاد الرقـم مميـز .. لازم يتصلـون (( أفلقني .. كل رقم بإتجــــاه )) ..

العفــــوووو

آخر المشاركات

الموضوع: الدب الداشر على قناة المجد ..

أدوات الموضوع

تقييم هذا الموضوع

عرض

الدب الداشر على قناة المجد ..

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة