قبل ما اودعكم ... ابي اقول رايي ومن اعجبني

[كنت نايم]

اخواني الاعزاء ...

السلام عليكم ورحمة الله وبركاته

صراحة اغليت هالمنتدى لانه يحمل اسم مدينتي مدينة الضباب رفحاء ... ولان الدراسة بدت مضطر اودعكم .

وقبل ما امشي ابي اقول رايي بهالمنتدى بصراحة ومن اعجبني به:

!. فيه بعض العنصرية والتحزبات .

2. بعض الاخوان اذا بغى يقول رايه بصراحة مضطر انه يقول عن نفسه ما يفهم عشان ما يزعلون منه !!!

3. اكثر التعليقات على المشاركات ... يعطيك العافية ومشكور ... الخ بدون نقد للموضوع او على الاقل توضيح محاسنه وسلبياته !!!

4. فيه مجاملات زايدة عن الحد المقبول. يعني لو احد كتب اي كلام تلقى المدح والاطراء !!!

5. الادارة لا بد من تفعيل دورها وتوجيه المنتدى لمواضيع مهمة وعدم الاكتفاء بمجاملة الاعضاء.

تروني متاكد ان كلامي ما راح يعجب اكثر اللي قرونه بس من حقكم علي اني اصارحكم واقول لكم الصدق ولو كان هدفي اكسب المدح كان ما صارحتكم.

من اعجبني :

من خلال متابعتي لاكثر الاعضاء اعجبني ثنين اكثر من غيرهم وهم :

!. اخوي / الوايلي ... اللي صراحة مشاركاته رائعة وذوقه راقي واتمنى لو القى وقت واقرا له ويا ليت يجيب لنا اشعار اسلامية تذكرنا بتاريخنا اللي نسيناه والله يوفقك لما يحبه ويرضاه.

2. اختي / ام احمد ... صراحة ذوق واخلاق ومشاركاتها مفيدة وتعليقاتها مقبولة والله يخلي لها احمد و ابوه و يوفقها لما يحبه ويرضاه.

هالحين جاء وقت الوداع واتمنى محد يزعل ويكون صدره وسيع واللي زعل اتمنى يسامحني ... ترونا اخوان قبل كل شي .

وسلامتكم.

و السلام عليكم ورحمة الله وبركاته .