قصيدة ياذيب أنا بوصيك

[gaal]

اخواني الاعزاء

السلام عليكم ورحمة الله وبركاته

اخترت لكم هذه القصيده الرائعه

لعل وعسى ان تنال على رضاكم




يا ربعنا يااللي على الفطر الشيب ××× عز الله انه ضاع منكم وداعه


رحتوا على الطوعات مثل العياسيب ××× جيتوا وخليتوا لقلبي بضاعه


خليتوا النادر بدار الاجانيب ××× وضاقت بي الافاق عقب اتساعه


تكدرن لي صافيات المشاريب ××× وبالعون شفت الذل عقب الشجاعه


يا ذيب انا بوصيك لا تاكل الذيب ××× كم ليلة ٍ عشاك عقب المجاعه


كم ليلةٍ عشَّاك حرش العراقيب ××× وكم شيخ قوم ٍ كزته لك ذراعه


كفه بعدوانه شنيع المضاريب ××× ويسقي عدوُّه بالوغى سم ساعه


ويضحك ليا صكت عليه المغاليب ××× ويلكد على جمع العدو باندفاعه


وبيته لجيرانه يشيد على الطيب ××× وللضيف يبني في طويل الرفاعه


جرحي عطيب ولا بقى لي مقاضيب ××× وافخت حبل الوصل عقب انقطاعه


كني بعد فقده بحامي اللواهيب ××× وكني غريب الدار مالي جماعه


من عقب ذيب الخيل عرج مهاليب ××× ياهل الرمك ما عاد فيهن طماعه


قالوا : تطيب وقلت : اشلون ابا طيب ××× وطلبت من عند الكريم الشفاعه


الأمير الفارس : شالح بن هدلان القحطانــي يرحمه الله


تحياتي

[البيذر]

شكراً على حسن الاختيار فعلاً قصيده جميله .... والشيخ / شالح له قصائد قويه وجزلة المعاني وفيه بيت يقول فيه
ماذكر حي نعى حي ++++ ونا بنعاك ياذيب ونت حيا
بصراحه بيت فيه من الحكمه الشي الكثير وكان يتوقع قتل ابنه ذيب لذلك قال هذه القصيده الي ما احفظ منها الا هذا البيت .
تحياتي

[أبو الطيب]

الله يعطيك العافية

فعلا قصيدة رائعة

[ولـــد رفـــحاى]

غناء والحان%



الفنان % خالد عبدالرحمن

[الدب الداشر]

صح لسان الشاعر وصح لسانك حجي ..