الكتاب اللي قريته ،،,وكله تهزئي.. هذا المدح...

[المرجوجه]

السلالالالالام...


خذوا السالفه هذي..

في يوم كنت فاضيه .. ماعندي شغله ولا مشغله .. (( اللي يسمع قد انشغلت .. ))
ماعلينا..

لقيت كتاب عنوانه (((قالوا في المرأه))) ..

قلت بس هذا .. حلو أكيد فيه شي زين

وأدربي راسي وأخذه عشان أقراه

الا وألقاه ثلاث ارباعه .. تهزيء فينا..

ما ادري ليه..؟؟؟؟

المهم

قعدت عليه لين طلعت كل الزين وقلت أحطه هنا.. أمدحنا..
وقلت بحط شوي بس من الذم اللي جا فيه .. عشان ما أكون متحيزه يعني.. (( امحق ماني متحيزه.. الا متحيزه ونصصصصصصصص ))

المهم..

هذا اللي عجبني سواء معانا والا علينا..
ونصه معانا.. (( نص اللي عجبني طبعا ))
وبعدين بحط اللي ما عجبني..
اتفقنا..؟؟؟

يالله مشينا..........


أول شي المرأه والحب...


المرأه تكتم الحب أربعين عاما.. ولا تكتم البغض يوما واحده ..
(( أكيد .. لو أكره أحد ما أقدر لازم يوضح علي ويبين اني ماني طايقته .. ))

المرأه تكره الرجل الغيور..
وتكره أكثر من لا يغار عليها ..
(( يعني غرت ما غرت ... رايح فيها .. ماراح تعجب ))

النار أن تحبك امرأه غيور..
والجحيم أن تحبها أنت..
(( أكييييييييد بتطلع عيونك.. ))

المرأه كالقمر تعكس ضوء الرجل الذي تحب..
(( يالله هذي مدحه للرجال.. يعني انه منور .. ))

أسوأ أنواع الرجال من لا يثق بامرأته.. إنه يحقر نفسه من حيث لا يدري..

الغيره هي تلك الصخره التي يتحطم عندها ذكاء المرأه..
(( أي ذكاء..؟؟ أصلا ذكائنا فريد من نوعه .. ما يتحطم.. على فكره ما أدري ذكائنا صح كتابتها والا غلط.. ترى انا ثقافتي اجليزي وفرنسي وايطالي .. (( ايه هين )) بس املاء عربي.. الهمزات واقفة في حلقي ما أدري ليه .. ))

ماعلينا.. نكمل..

طيب
ثرثرة المرأه

أينما توجد النساء توجد ثرثره..
(( يعني ايش نسكت..؟؟؟ أبدا... ما نقدر.. الا اذا نمنا... لا واذا نمنا نتكلم بالحلم.. ))

لا نحب المرأه لكلامها.. ولكن نحب كلامها لأننا نحبها..
(( هذي حلووووووووووووه ))

لا تكف المرأه عن الكلام الا لتبكي..


قلب المرأه



ابحث في قلب أي امرأه تجد أما..
(( تجد أما وابا وأخا.. وأختا.. وعما و خالا.. وعمة (( هذي انا .. )) وخاله .. وكل الناس..
على قولة الافلام .. أنا بابا أنا ماما.. أنا كل حاجه.. ))

إن أرق الألحان لا يعزفها الا قلب امرأة مرحه..
(( أدري.. ))

الضمير يولد في قلب المرأه .. ويموت في عقل الرجل..
(( بالله هذا مدح لنا والا ذم..؟؟؟ ))



طيب
العنوان الجاي...

المرأه وطبيعتها.. وتناقضها وهل هي لغز..؟؟!!

(( أي لغز وأي بطيخ..؟؟ والله مسوين سالفه على ولا شي.. صدقوني المؤلف هذا فاضي وما لقى غيرنا..
لا وأبشركم.. أنا أفضى منه اللي قعدت أنقي منه السلطه هذي..
ماعلينا ... تابعوا................. ))



القاعده في التعامل مع المرأه:: لا قاعده...!!
(( أي قاعده وأي كلام فاضي...؟؟؟ مسألة ريض والا فيز هي عشان يصير لها قاعده..؟؟؟ قاعده تاكل المؤلف زين .. ))

تجنب المناقشة مع المرأة لأنها اذا انصرت عليها أبغضتك..
واذا انتصرت عليك احتقرتك..

المرأه كالرجل الأحول::
تنظر الى اليمين حينما تريد النظر الى اليسار..
وهذا هو سر غموضها..
(( طيب حلو... هذا أسلوب مراوغه .. (( ما ادري من وين جبت مراوغه.. كلام كبيررررر )) ))

من طبيعة المرأة أن تقول لا... وهي تقصد نعم...
(( عادي جدا... عناد بس.. ))


(( خذوا هذي حلوووووووووووه ))

المتشائمه::
امرأة تعتقد أنها لن تستطيع أن توقف سيارتها (( أي سياره ..؟؟ ماعندها يا حظظظظظظظظي كان علوووووم لو عندها .. ماعلينا.. )) سيارتها بين سيارتين.. متوقفتين... وفي موقف يظهر أنه ضيق جداااااااا...

والمتفائل::
الرجل الذي يعتقد أنها لن تحاول..!!!!!



الحين

ضعف المرأه .. وقوة المرأه..



اثنان في خطر.. المرأه والزجاج..

إن ضعف المرأه يجعلها بطبيعتها أكثر استمساكا بالقيم الخلقيه..

الرجال يصنعود عظائم الأمور.. ولكن النساء يصنعن الرجال...
(( حلوووووووووووووه لا تجادلوووووووني ))

إذا صغر العالم كله فالمرأه تبقى كبيره



طيب..
المرأه والسعاده


أعظم مستحضرات التجميل للمرأه هي السعاده..

المرأه تشعر بأفراح الحياة أكثر مما يشعر به الرجل...
لذلك فهي تتحمل آلام الحياة بشجاعه يعجز عنها الرجل..
(( أي شجاعه ..؟؟؟ والله نتحمل ... بس الشجاعه... واسعه شوي.. على الأقل عندي ))

الزواج لا يعد المرأه بالسعاده.... ولكنه يلوح لها بها فقطططططططط..

الكوخ الذي تضحك به المرأة خير من القصر الذي تبكي فيه



أوكي..
المرأه والحياء


الحياء والصمت .. أجمل زينه للمرأه
(( الحياء أوكي... بس الصمت ... من وين أجيبه.....؟؟؟؟؟؟؟؟ ))

الحياء جمال في المرأه..
فضيله في الرجل..



استشاره المرأه ..
(( هذي اللي محد يسويها ما أدري ليه .. مع ان احنا نفكرررررررر.. (( هاه .. مو دايم نفكر... وأحيانا أحسن ما نفكر.. أدري.. أدري.. )) ما علينا.. ))



إذا أردت من زوجك أن يعمل شيئا فرغبيه فيه..
ودوري معه حوله..
ولا تنصحيه بشكل مباشر..
(( هذي خطه ظريفه... ))



المرأه والتضحيه..


الرجل اذا أحب فهو كالثعلب... مراوغ... حذر..
أما المرأه إذا أحبت.. ضحت.. وأخلصت .. وتفانت..
(( ايه ... حذر وهي خبله ... ما ادري مين فيهم اللي لازم يكون حذر ... هي و الا هو .. ))



عيون المرأه..


إذا عدمت المرأه جمال الأسنان.. (( تروح تسوي تقويم والا تشوف لها حل.. )) ضحكت يعينيها.. (( ترى الحل اللي قلته أحسن .. عشان ما يصير أخرتها طقم أسنان.. ))

تستطيع قراءة قصة المرأة في عينيها..
(( وليه تتعب نفسك وتقراها..؟؟؟ اسألها بسسسسسسس وهي بتعطيك المقرر كللللللله .. ))



المرأة والتعليم



إذا علمت رجلا فإنك تعلم فردا..
وإذا علمت امرأة فإنك تعلم أسره..

(( ركزوا بالتاااااااالي ))

لا ينبغي أن يقتصر الغرض من تربية البنت على تعليمها كيف تكون زوجه...
إلا إذا كنا نعلم الفتى في المدارس كيف يكون زوجا فقط..



المرأة والفضيله والعفه والشرف



المرأه بلا فضيله كالورد بلا رائحه
(( يعني ورد الزينه ... ))

المرأه الجميله والشريفه.... شريفه مرتين..
(( عادي لا تطلع عيونكم... 1+1=2 ... ))

لو جردنا المرأه من كل ميزه لكفاها فضيلة أنها تمثل شرف الأمومه



طيب ...
هذا الكلام الزين.. والظريف.. واللطيف...

نجي للكلام اللي كله ضدنا .. ومسوينا ... مرعبين ... ومو حلوين ..

بكتبه عشان ما أصير ظالمه وشريره (( ظالمه..؟؟ شريره ..؟؟ عدوهااااااااا )) ....



قلب المرأه



المرأه تغير قلبها بالسهوله التي تغير بها قفازها..

قلوب النساء مثل رمال البحر... لا ترى عليها في الغد أثرا مما تكتبه بالأمس..

قلب المرأة ينازع طويلا... ولكنه لا يموت..



المرأه والغيره



المرأة بالون والغيره دبوس.. إذا شكتها انفجرت..

غير المرأة سمها أشد فتكا من أسنان الكلب المسعور



المرأة وطبيعتها وتناقضاتها وهل هي لغززززز


اتبع المرأه تهرب منك... اهرب منها ... تتبعك...!!!

للمرأة 77 رأيا... في وقت واحد..!!
(( ايش معنى 77 ...؟؟؟؟ ليه مو 55 مثلا..؟؟؟ ))

لا شيء يتغير أكثر من الوقت والنساء..

الجاي... حلييييووووو

من طبيعة المرأة أن تغضب بسرعه ... وأن ترضى بسرعه ..
مادامت كرامتها لم تجرح.. كل جروحها تلتئم الا جرح كرامتها...الذي ينزف ما دامت على قيد الحياة..



المرأه كالقمر... تتلألأ بنور مستعار

المرأه تعترف بأخطائها ولا تعترف بخطاياها..

المرأه تشبه لوحات بيكاسو.. ليس من الضروري أن تفهمها.. ولكن ان تحبها أ تكرهها فقط..
(( خير ان شاء الله...؟؟؟ كل كلمه والثانيه .. تفهمها .. تفهمها... خير..؟؟ كيمياء هي..؟؟؟ احنا فضيحه .. ما يحتاج لنا فهم... واضحين وبسسسسسسس ))



المرأه والنكد



هناك ثلاثة أشياء يمكن أن تصنعها المرأه من لا شيء...
القبعه..
والسلطه..
والخصام الزوجي..

لا شيء يشرف المرأه مثل صبرها.. (( صحححححح)) ولا شيء يشينها مثل صبر زوجها عليها... (( هاه.. قلب علينا.. لا تعلييييييييييق ))


لا توجد الا امرأة واحده شريرة بالعالم....
وكل رجل ... يخالها زوجته..!!!



وفي كلام علينا كثيررررررررررررر...
بس مافي مجال الحين.. (( والله الأرنب بعد... بعد كل هذا ما في مجال..؟؟ الا ما أبي الكلام يصير علينا مو معانا ... هذا التحيز اللي أقول عليه .. ))


المهم... طولت عليكم..

(( أدري ودكم تقولون ... توك تحسين.... ))

لاوودكم تقولون ما أقرا كتب...

ولا يهمكم... تم..

يالله سلالالالالالالالالالام.....

[همّام]

فكرة جميلة تستحق الاشادة (((اختصار كتاب)))
قمت منذ أكثر من اسبوعين بتجهيز اختصار لكتاب سبنسر جون والذي قدم له
د/ كينيث بلانشارد بعنوان ( من الذي حرك قطعة الجبن الخاصة بي ؟ ) لطرحه في المنتدى فسبقتني المرجوجه
حقيقة أنا رأيت كتاب قالوا عن المرأة واظنه (للجعيثن) إن كان هو .قبل سنوات .
ولم ارغب في شرائه ذلك الوقت.
أما أن تأتي زبدته . مع هذه التعليقات الظريفة . فهذا شئ جميل .
سأعترض على كلمه واحدة واغض الطرف عن غيرها.
المرأه الجميله والشريفه.... شريفه مرتين..
(( عادي لا تطلع عيونكم... 1+1=2 ... ))

أنا أقول المرأة الجميلة والشريفة .... جميلة مرتين ....
قال السمؤل
اذا المرء لم يدنس من اللؤم عرضه ..... فكل رداء يرتديه جميل

اشكرك المرجوجه على هذا الاختصار للكتاب واختيار المناسب منه لجميع الطبقات .

[الدب الداشر]

مشكورين حجيه مرجوجه وحجي همّام
الله يعطيكم الصحه والعافيه

[المزيونه]

الله يسلمك اختي المتميزه جدا جدا جدا مرجوجه

لكن لو الله فاك الحريم من تحيزك (يعني كل هذا ومتحيزه)

اجل لو ما ننتي متحيزه شلون

والله يسلم اخونا همام ما قصر

[عاسف الجن]

يعطيك العافيه آنسه مرجوجه

وما قصرت اخوي همااااااام


تحياتي للجميع


اخوكم

عاسف الجن

[المرجوجه]

هلا فيك اخوي همّام..
بالضبط الكتاب هذا اللي كاتبه العبدالله الجعيثن.. اللي لو امه داعية له ما أشوفه عشان ما أفررررررررررررررمه وأسويه مو بس سلطه الا شوربه ..
وانا طبعا ما تجننت عشان أجيبه وأحطه في البيت وأخذ تعليقات من الرايح والجاي.. لقيته بمكتبة الجامعه وقريته و.. وليتني مااااااااا قريته ..
بس تدري ... يضحك الكتاب.. ماعلينا....
مشكور اخوي على تعليقك الأكثر من رائع .. وعلى مرورك...
يعطيك العافيه..........

العفوووووووووووو حجي ...
الشكر لك على مرورك ..
يعطيك العافيه ...............

هلا اختي المزيونه....
يا الغاليه ما شفتي شي..
هذا ولا شي من الكلام اللي يعوووووور القلب... المؤلف الله يسلمه خلى شي ما قاله فينا..؟؟؟
انا تقطعت وانا أقراه .. لو انه قدامي.. كان معد كتب أصلا...
وبكذه .. أنا متحيزه ... كثيررررررر لنا.. لأن هذا الكلام ولا شي بالنسبه للي ما كتبته لكم..
خليها مستوره بس..
يعطيك العافيه اختي ومشكوره على مرورك... وتعليقك........

حياك اخوي عاسف..
مشكور اخوي على مرورك..
يعطيك العافيه.................

[الحلوه أم قصه]

المرأه تكتم الحب أربعين عاما.. ولا تكتم البغض يوما واحده ..


والله صادقه

المرأه كالقمر تعكس ضوء الرجل الذي تحب..

مشكوره اختي المرجوجه كلام جميل

[هرطمان]

عاد الجعيثن ما ادانيه لانه ماصخ والمفروض تخلنه تبولة

ويمكن اذا فيه زين هو انه حط على الحريم شوي

واحسن شي لكم ان مذمتكم جتكم من ناقص هالمره

ولاحظوا المرأه تعكس النور يعني الي تاخذ واحد مطفي النور بتروح فيها

[المرجوجه]

هلا فيك اختي ام قصه..
مشكوره الغاليه على مرورك وتعليقك...

حياك اخوي هرطمان..
اللي عاجبك يعني انه حط علينا هاه......؟؟؟؟؟؟
بس ترى انا ما أبيه أسويه تبوله ... لأني أحبها... بس السلطه... ما أحبها عشان كذه .. لازم يصير سلطه......
هههههههه... يعطيك العافيه اخوي... ومشكور للتعليق الاكثر من تححححححححححححححححفه ........