يا بنت

[بنت الخليج]

[align=center]

إتمنى تقرون و تعطوني رآيكم بصراحة؟؟كل شاب يتعرف على بنت و تربطهم علاقة حب من وجهة نر البنت يكون هو هدفه يتسلى وبس؟


يا بنت أرجوك أنا ما أقدر كفانـي ماضـي الغلطـات
أخــاف الله يعذبـنـي وأنــا خــواف يا بنـيـه

وأخـاف بساعـة اللـذة يجينـا هــادم الـلـذات
ويأخذ مـن حشـى جوفـي بقايـا روحـي الحيـه


صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات
أجـل مجنـون أنـا يابنـت أشيـل العقـل بيديّـه

ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالـهـوى جـنـي يعـبـي راس جنـيـه

ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه [/align](الأبيات منقولة)

[رفحاوي]

ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه


صح لسانك ولسان الشاعر المجهول ...

اختيار موفق يا درة الخليج ...

اكثر البنات سهل ينضحك عليه ....

يا ليت تذكرين اسم الشاعر والمصدر ...

مشكورة ...

[بنت الخليج]

لو أعرف الأسم أو المصدر ذكرتهم من باب الأمانة الأدبية بس للأسف ما أعرف وصلتني على إيميلي . ياليت الي يعرف يفيدنا.شكرا

[الدب الداشر]

الشاعر هو / عبدالرحمن بن عيد

( عبايات السعوديات ) و ( بنات الشات )






[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابنت أرجوك أنا مأقدر كفانـي ماضـي الغلطـات=أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات=ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات=ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات=مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات=تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات=أجـل مجنـون أنـا يابنـت أشيـل العقـل بيديّـه
ترى أكبر شيء يربطني مِعك جـوال ابـو شاشـات=وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات=وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات=لأن الدمـع ماينـثـر بقـصـه حــب وهمـيـه
أنا أضحك مِعك واضحك منك وعليك أكثّر الضحكات=كأنـي بالـهـوى جـنـي يعـبـي راس جنـيـه
دهنتـي شعـرك الاسـود بألـوانٍ مـن الصبغـات=وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال والجنـزات=خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات=تحسبينـي أبرضـخ لـك لأن إشـفـاك ورديــه
ورب الكون مأرضى فيك لو إنك شيخـة الحلـوات=وإذا صمـل علـيّ العلـم أكـب ارض السعوديـه
أنـا مانـي بخكـري يلبـس القمصـان والشرتـات=ويفـرح قلبـه المسكـيـن إذا حــب الدوينّـيـه
أنـا مـن لابـةٍ أروت ضمايـا سيوفهـا الغـزوات=خلايـا جسمـنـا عـاشـت عـلـى دم القبيلـيـه
يابنت الناس عـزك فـي سـوادٍ يستـر العـورات=وعزي في شماغ أحمـر وثـوب أبيـض وطاقيـه
سعودييـن نفخـر فــي عبـايـات السعـوديـات=نغـض الطـرف إجـلالً إذا شفـنـا السعـوديـه
وخليجييـن نفخـر فــي عبـايـات الخليجـيـات=نغـض الطـرف إجـلالً إذا شفـنـا الخليجـيـه[/poem]



رفحاوي .. يقول ماضي الغلطات ..

لو أنك شفته على أول غلطاته كان أول من شرشحه أنت .. وبعدين أنا .. بس أنا عرفناه من تالي ..


بنت الخليج .. القصيدة فيها تناقض غريب ..

يقول أنه قبيلي وعزه بالشماغ .. وقبل كذا كان نصاب ومحتال .. همه البنت ..


وجهة نظر محترمه .. أتمنى أن تلقى قبولك ..

[رفحاوي]

مشكور دبدووووووب عالاضافة والتعليق ...

حسبته رجال سنع مثلك وشرواك اثري له ماضي ؟!!

كانه عقل نتقبله ...

[بنت الخليج]

مشكوور الدب الداشر عى توضيحك.بس إحنا عايشين هالتناقض في حياتنا اليومية ، تلقى شخص كل المواصفات الزينة فيه لكنه يصدمك بتصرفات ما تتوقعها و ما تصدر إلا من واحد ما عنده أخلاق.لهل سبب طرحت السؤال في بداية القصيدة : إتمنى تقرون و تعطوني رآيكم بصراحة؟؟كل شاب يتعرف على بنت و تربطهم علاقة حب من وجهة نظر البنت يكون هو هدفه يتسلى وبس؟


و ذكرك للتناقض بمحله وشلون قبيلي و عزه بشماغه يعني المفروض عنده شهامة و أخلاق و هو يقص ع بنات الناس و ينصب عليهم:

[align=center] ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالـهـوى جـنـي يعـبـي راس جنـيـه!!![/align]

[الدب الداشر]

حجي رفحاوي ..

العفووووووو ... تحرجني دايم .. وتحمر وجنتاي .. هههههههههههههههههههههههاااي




حجية بنت الخليج ..


مدري ليش ما فهمت سؤالك ...


أو مافيه سؤال أصلاً مجرد تعليق ؟


لأنك تقولي ..
(( إتمنى تقرون و تعطوني رآيكم بصراحة؟؟كل شاب يتعرف على بنت و تربطهم علاقة حب من وجهة نظر البنت يكون هو هدفه يتسلى وبس؟ ))


وأتوقع أنه يكون سؤال إذا وضعت فاصلة ..

كذا يعني ..


(( إتمنى تقرون و تعطوني رآيكم بصراحة؟؟كل شاب يتعرف على بنت و تربطهم علاقة حب من وجهة نظر البنت , يكون هو هدفه يتسلى وبس؟ صح أم خطأ.. ))

[بنت الخليج]

مشكور على الفاصلة الدب الداشر مع إني أشوف السؤال واضح.وواضح إنه سؤال مو تعليق .أنا بحط بدل الفاصلة علامة تعجب ينفع ولا لا؟

عموما شكرا.

[الرياعي]

موضوع يستحق الوقوف عليه طويلا



مشكوره يا بنت الخليج وعساك على القوه

[بنت الخليج]

العفو أخوي الرياعي