العبد لو يدري بكل المخاسير ـــــ الشاعر / كساب آل فروان

[عبدالله الشمري]

[poem=font="Arial,5,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
الطير ضاع وضاع قلبي مع الطير=شيهانةٍ ضاعت جنوب الزبيره
من دونها حال الوعر والمحادير=واصيح صيح اللي فقد شوف طيره
ولاهمني جمع الذهب والدنانير=وكنز الفلوس وكنز كل الذخيره
والعبد لو يدري بكل المخاسير=يموت فقري ما يغير سريره
يا محمد الضرغام يأبن المناعير=يابن الشيوخ اللي رماحه شطيره
حلاّل للقالات فتّاح للخير=ننصاك لا منه بلتنا الكبيره
اشكيك من وقت الشقا والمداوير=شكوى الذي محكوم ظلم وجهيره
شكوى الذي كزوه في قاعة البير=يصيح وصياحه على حد بيره
وهذا زمانٍ فيه طيب وشرير=وبعض العرب ياكن ما فيه غيره
زمان ضاعت به سلوم المسايير=وإليا نصحته قال لك بس خيره
وبعض البشر يحمل سلاح ومغاوير=لا جا الصحيح انحاش قال الستيره
وبعض البشر عنده علوم وتعابير=كذوب عند الناس محدٍ يشيره
ثرثار بالمجلس بليا تفاكير=هماز غمازٍ سنونه شطيره
منشار له عدة سنون ومسامير=نقال للسوات بين العشيره
وزودٍ على ذلك بصوت وتصاوير=ويزينه بالكذب كنه بريره
نذلٍ حقودٍ قومته بالتعاسير=بخيل جيب ولا يعشي قصيره
لا شاف زولٍ قال وش ذا الغنادير=اقفى وراهن ويّ ما فيه غيره
طهباق لولى شاربه بس لا غير=ينعد من جملة دجاج الحظيره
وابعد عن اللي ما يودك ولا يشير=القرب نمله والبلاوي يديره
وبعض البشر لا جاك شرٍ بلا خير=وياليت لو يكفيك شره وخيره
وبعض البشر قلبه حقودٍ على الغير=اسود من التنور ناره خطيره
وبعض البشر حكيه كما نافخ الكير=وده لو الجار يزعل قصيره
هذاك حط ديار الافلاج وسدير=بينك وبينه ثم بالك تسيره
وانا احمد اللي بدل الطير بالطير=شيهانةٍ تسوى بنات الجزيره
وهذا سلامي حاملٍ كل تقدير=منا لابو خالد وروده كثيره
الشاعر/ كساب شبرم آل فرران[/poem]

[أبو الطيب]

صح لسانه

قصيدة رائعة

الله يعطيك العافية سيدي عبدالله الشمري

[جرواني]

[align=center]صح لسانك

قصيدة رائعة

الله يعطيك العافية عبدالله الشمري[/align]

[ليث]

رااائعه ااخوي عبدالله

[الجبل الأخضر]

صح لسانك
وانا احمد اللـي بـدل الطيـر بالطيـر شيهـانـةٍ تـسـوى بـنـات الجـزيـره

وبارك الله لكما

[الدب الداشر]

صححححححححح لسانك أبوعابد ..