[align=center]
بسم الله الرحمن الرحيم ..





السلام عليكم ..
الجبيل الصناعية مدينة من مدن المنطقة الشرقية .. تقع على الساحل .. المدينة مقسمة
المنطقة السكنية
المنطقة الصناعية ..: سابك و ملحقاتها ، آرامكو ، شيفرون ..
الجبيل القديمة : هي تقريبا منفصلة على الجبيل الصناعية و بها الأحياء والأسواق القديمة في الجبيل بالاضافة لميناء الملك فهد ..
الجبيل 2 : هذي افتتحها عبودي لما زارنا .. وهي تمثل التوسعة للمدينة ككل ..
ويمثل انتاج الجبيل من منتجات النفط 70% من منتجات المملكة .. والمدينة أرض خصبة للاستثمارات الأجنبية التي تسيطر على المدينة بشكل واضح .. بمجرد دخولها راح تلاحظ ان فيه أحياء خاصة بالأجانب .. تسمية الشوارع وترقيم البيوت .. نظام التدريس فيها يتبع الهيئة الملكية .. اللي معززتنا مكرمتنا ..
و الأمير محمد بن فهد وضع المدينة نصب عينيه ..
الجبيل الأولى في العالم العربي في التشجير ..
الثانية في خدمة منتزهات نت .. : وهي خدمة شعارها ( عندما يلتقي العمل مع المتعة ) وين مارحت النت يشبك لاسلكيا .. تطلع الكورنيش أو المنتزه ماتشوف إلا عوايل وكلن معه لاب توبه ..
الجبيل فيها العديد من المرافق الثقافية والترفيهية ..

مركز العلوم والمعارف: وهذا إذا ما اقتنعت بأي تجربة في المدرسة تجيهم يسونها لك .. وفيه العديد من النماذج ( الحقيقية ) للحيوانات و الطائرات والسيارات وكيف تعمل ؟

مجمع الفناتير مول : ويضم تحت سقفه أشهر الماركات العالمية ( نكست ، مانغو ، برومود ، جيوردانو .. إلخ )

شاطئ النخيل : وهو التجمع الأكبر للسكان .. فيه المسرح المكشوف و تقام فيه سنويا عدة مهرجانات ( ملتقى الشباب ، مهرجان الزهور والحدائق ... )

منذ فترة أقامت الجبيل الملتقى العالمي للكشافة .. وجاء مئات الكشافة من 23 دولة تقريبا حول العالم ..


مناخها معتدل في الغالب بس لنا رابع يوم الجو مب صااااحي رطوووووووبه وحررررررر ...
ورائعة جدا في الشتاء ..

أنا ساكنه الجبيل من حوالي 10 سنين .. وأووووف ياربي متى جدتي تبيع بيتها اللي برفحا وتجي عندنا .. والله مدري وش لاقيه فيها من زود << البنت من زمان محد كفخها هههههههه
المهم إذا جدتي بتبيع بيتها بحطه هنا وابيكم تشترونه وتصرفونه على طوووول طيب ..

أخليكم مع الصور اللي أنا شخصيا التقطتها ..












^^^ صور من شاطئ النخيل ..



هذا مقر سابك ..^^^ اللي طالع في الصورة ..



والله ولا باريس ههههههههههههههههههههه



هذي مدرسة أخوي .. في المتوسط .. هههههههههههههه، شفتو شلون العز ؟؟؟ حررررررررررره .. << قلت لكم من زمان ما تصفقت ..

ان شالله كونتوا فكرة عن الجبيل وعجبكم الموضوع .. وعساي أشوفكم فيها ان شالله ..
سوالم ..
اختكم ... أمواااج
[/align]