هـــذا وأنا مـعـتـبـركـم ظـمـن إخـوانـي

[القعـقاع]

السلام عليكم ورحمة الله وبركاته

مررررررررررررررحباااااااااااااااا


بدون مقدمات اليكم هذه القصيده ارجو ان تحوز على بعض اعجابكم



بسمه بديت القوافي عالي الشاني 000 رب ٍ بسط سبع تحت وسبع بانيها

ياللي على بالك اني فيك ولهاني 000 نظرتك ماهي صحيحه لاتدنيّها

نظرتك من ظن والظن فعل شيطاني 000ابليس قادر على نفسك ومغويها

وش لون انا كنت اعدك ظمن اخواني 000 يالعنبوها أخوه كان تفنيها

مجني عليّه وصرت بحقي الجاني 000 ماهي اخوه اذا بالشك تبنيها

قصدي ادافع ولكن كنت غلطاني 000 نفسك رديه لو ادري كان ماحميها

وش لون تقوى على سبي وحقراني 000 في حقي الشينه اشوفك تبديّها

في شكك وظلمك وسبّك معك ثاني 000 وش لون من هو بداها ليش يرويها

واحد تعرفه معك فالقصد عنّاني 000 يقول مدري ولكن مايدانيها

يذكر قديم القوافي نثر والحاني 000 بيوت شعر ٍ على الوزنه نسويها

ماهي بمنّه ولا أبديت احزاني 000 لكن ظنونك بنفسك لا تظويها

درس ٍ اخذته نفع بي قاصي وداني 000درس ٍ مفيد ومعاني فيه مخفيها

وابدي أسف واتأسف وسط قيفاني 000 ان كنت مخطي بكلمة شين ناويها

ما أعتبركم انا من عرض عدواني 000 لكن شكوك وظنون اليوم مابيها

هذا وانا معتبركم ظمن أخواني 000 والمشكله لو لفتنا سمها فيها



وسلامتكم

[الحلوه أم قصه]

مشكور أخوي القعقاع على هذي الكلمات الجميله

تسلم الله يعطيك العافيه


ما أعتبركم انا من عرض عدواني 000 لكن شكوك وظنون اليوم مابيها

هذا وانا معتبركم ظمن أخواني 000 والمشكله لو لفتنا سمها فيها

مشكوووووووووووووووور

[المرجوجه]

وش لون تقوى على سبي وحقراني 000 في حقي الشينه اشوفك تبديّها

في شكك وظلمك وسبّك معك ثاني 000 وش لون من هو بداها ليش يرويها


مشكور القعقاع .... ويعطيك العافيه ........................

[القعـقاع]

أشكركما على المروووور والتعليييييق

والله يعطيكن الف عافغيه , , ,