من اللي علم الشوق القديـم يداعـب اطرافـي

[أبوناصر]

[poem=font="Simplified Arabic,4,black,normal,normal" bkcolor="transparent" bkimage="" border="double,4,firebrick" type=0 line=0 align=center use=ex num="0,black"]

من اللي علم الشوق القديـم يداعـب اطرافـي=من اللي لا بغيت أرحل معه سافر بـلا رجعـه
ألا يالله طلبتـك خيـب ظنـونـي وميقـافـي=مدام العين عيني ويش ابى من هلّـة الدمعـه
اشوف الغصن مايل والعنـب والتيـن وقافـي=واخاف امد يدي والشجر ياقف علـى المنعـة
حظوظ الوقت واقداري مثل موت الشجر كافـي=أدور له ولا القـا غيـر ظـل النـار للشمعـة
انا ماهمنـي كثـر الهـروج ومابقـا خافـي=لأن الكذب مثل السبت دايم مـن ورى الجمعـه
ولكن ياقصيدي مـا خبـزت الخبـز للحافـي=ترى الحافي يشوف بعين جوعانـه وممتنعـه
الا ياوقت لو تدري ابد ماظهـرت لـي خافـي=ولا ظنك تشتتنـي معـك والنـاس مجتمعـه
لون المسألـه فكـرة قصيـدة دونهـا قافـي=من سمان المعاني والجمال اخترتهـا صنعـه
لكن اللي على بالي لو اشيلـه علـى اكتافـي=تعبت ارضيه والشكوى على الله يالله الفزعـة
أنا ماهمني غير الكـلام اللـي يجـي صافـي=أحسبه صادق النيه وكل انسـان فـي طبعـه
ولكـن للاسـف ماينفـع الغرقـان مجدافـي=إذا ركب السفينه موجها يلطـم مثـل صفعـه
تعبت اعايش اللحظـه ابـي اوفـي واستافـي=ولقيت ان المدى مقفي واحاول به ابـي منعـه
تعبت مسايرة همي ونور مـن الزمـن طافـي=وغرتني نجوم الليل وتهـت فخطـوة اللمعـه
تعبت اراجع أيامـي أعـدّ اربـاع وانصافـي=ونصف العمر غاب وراح ولا ادري هل بقا ربعه
تعبت من الظما لين الجنـون يزيـد معزافـي=أحس إني بوحشة ليل ولا اقدر علـى الرجعـه
نويت ارسم على الصفحة رمـوز الله ياكافـي=عسا منهو قراها فاهـم المعنـى مـع الرمعـه
أبنهيها برمعة لغز أبـي لـي شاعـر سنافـي=يحل عقود معناها مـن شعـوره ومـن نبعـه
وش اللي في البحر دره نست ماتلبس لحافـي=عليها اربع عشر ظلمه ومن فوق البحر سبعـه [/poem]

[الخمساني]

صح لسانك ابو ناصر
قصيدة حلووووووووة