تركتني ياأحمد على الجمر وأقفيت
*** تــركــتـني والـدمـع آه وونـيــني..
تعتـبت افـكـر فـيك يـاخــوك حـنـيت
*** لمزوحك وضحكك وزولك بعـيني..
كل شـي فيك اتذكره حـــيل ..يالـيت
*** يرجع من الماضي ولـو ساعتيني..
وتشوف من فرقاك وش صار بالبيت
*** وش صار لأمك لاندهت ياجنيني..
تمشـي مع الجـدران فـكـره تشـاتيت
*** وده تـبـعـد عـنــنا ومــا تـبـيـنـي..
تبـي لحـاله تـذرف الـدمـع لا جـــيت
*** قدامها بطـيفـك وهــاج الحـنيني..
ياخـــوك انـا والـله عــقــبك تــأذيـت
*** جرح عمـيق حيل وخايف يبينـي..
مـابـي عـــيون الــوالــده لا تـنـحيـت
*** تلمح من دموعي ولـو دمعـتيني..
اخــاف يــذبــل قـلـبـهـا بالـتــناهــيت
*** اخـاف يذبـحها الفـراق الحـزيني..
وانـا جــروحــي قــاسيـه لو تعـافيت
*** اشــوف لك في كـل شـي يــديني..
وادق رقــمك ياحــمــاده ويالـــــــيت
*** لـو تـرفعه وتـرد مـــره وتـجيني..
عجــزت أصــدق ما حصلي وصديت
*** بس الفراق المـوت يعصر يديني..
ياكم حلـمـت أحــلام يا أحـمد ترجيت
*** متى السنين تـمر ويكـبر ضـنيني..
أحـسـها كــبـرت عــقـب مـا تـوفــيت
*** أصــد عــنهـا لا أشـوفــه بعــيني..
الـموت ياخـذ شـمـعة الـبيت وأطفيت
*** عـمـرٍ صغـير في شبـاب السنيني..
يـا كــبر حــزني حــيـل مــنه تعــنيـت
*** لــو اتـكـلـم غــصـتي تـحـتريـني..
يـالـله يـارحــمــن يـامـحــيـي المـيـت
*** يــاكـاتـب الأقـدار وقـت وحـيـني..
بـرحـمـتـك يـارب يـا خـــالــق البــيت
*** تسـكنـه جـنات معـه حـور عيني


آمين يارب العالمين
الرجاء لكل من قرأ القصيدة الدعاء لأخوكم في الله رحمة الله تعالى.... أحمد رباح الشلاقي ..
اللهم نقه من الخطايا كما ينقى الثوب الأبيض من الدنس..
اللهم انقله من ضيق اللحود ومراتع الدود إلى جناتك جنات الخلود..
اللهم أسألك أن تجعل قبره روضه من رياض الجنه..
اللهم يامجيب الدعاء لا ترد ايدينا خائبين..أمنوا يا مسلمين..