ابيات اعجبتني فنقلتها لكم

**القروي** · 03 Nov 2006, 10:17 PM

وهي رسالة الى

مولاي خادم الحرمين يحفظه الله

الابيات عليها القيمه وتعبر عن معاناه الناس اللي خسرانه بالاسهم والله يعوض المسلمين خير
واشياء كثيره اترككم مع الابيات .

قولوا لبو متعب ترى الشعب مقهـور ** ياخـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا

من سي لاسوأ وبين عاثـر ومعثـور ** وسهمك 0وهو سهمك رموه بخلاهـا!

كيف اشكي العله علـى كـل دكتـور ** والطب عندك وانـت تعـرف دواهـا

ماخافـو الله خالـق النـار والـنـور ** حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا

سوقك بلون الـدم باسبـاب مغـرور ** يضغط علـى سابـك وكسـر يداهـا

في عشر اواخر نرجي الذنب مغفـور ** قامـوا علينـا قومـة ٍ مـا وراهــا

واعمار صارت دمهـا اليـوم منثـور ** وخاب الرجاء باعمار واللـي رجاهـا

ياما بنينـا فوقهـا ابـراج وقصـور ** وراحت سدى والسوق دحـدر معاهـا

كم شاب قال ابغى اتزوج مـن الحـور ** وافلس وبيره جف مـا شـاف ماهـا

وكم راعي أسره أصبح الصبح مفقور ** العيـد بكـره واسرتـه مـا كساهـا

وقمت اتفكر وادرس الـراي والشـور ** قلت ازبن لصقر العروبـه .. ذراهـا

بكلمه تجي من عنده اليـوم مسـرور ** والسوق يرجع عشب يـروي ظماهـا

يادرعنا لا صـار بالكـون عاصـور ** كم صرخـة ٍ للنـاس تسمـع صداهـا

يالحر 00 يابن الحر 00 والحر مخبور ** قاد الحـرار الشامخـه فـي سماهـا

ما يلحقك يا سيـدي شـك وقصـور ** لكـن رسالـه ياصـلـك محتـواهـا

انـك ابونـا والرجـا فيـك موفـور ** عدلـك شمـل كـل الديـار وغشاهـا

جوني يعزوني على السـوق ماجـور ** قلـت البقـا بالشيـخ يطفـي لظاهـا

ويرد لون السوق عشبـي ويخضـور ** مثـل علـم دار السعـود وصفـاهـا

خيرك عميم وشاكر النـاس مشكـور ** ومـزن الحيـا عـم البـلاد وسقاهـا

انت الرجا بعد الولـي تدفـع الجـور ** واسلم عساك تـدوم وتحمـي حماهـا " ]ابيات اعجبتني فنقلتها لكم لأنها تمثل واقع الكثير وهي معبره عن الكثير ايضا
اترككم معها ووقتاً ممتعاً وهي من منتدى الاسهم السعوديه [/COLOR].

**نجم الشمال** · 04 Nov 2006, 12:12 AM

مشكور وابيات رائعة ................ وان شاء الله يرجع السووووووووووووووق الى سااابق عهده بس باقي كم نسبه حمراء والله يعين

**جمر** · 04 Nov 2006, 01:40 AM

ابيات والا اروع

**ابونايف** · 04 Nov 2006, 05:16 PM

القــــــــــــــــــــــــــــــروي !!!
القصيده رائعه جدآ مشكوووووووووووووور على الجهود!!!

**القروي** · 04 Nov 2006, 11:44 PM

المشاركة الأصلية كتبت بواسطة نجم الشمال

مشكور وابيات رائعة ................ وان شاء الله يرجع السووووووووووووووق الى سااابق عهده بس باقي كم نسبه حمراء والله يعين

هلا بنجم الشمال
الشكر موصول لك حنا على هالكم بس اخاف تاليها كمامات !!!؟
اشكرك على المرور

**القروي** · 04 Nov 2006, 11:46 PM

المشاركة الأصلية كتبت بواسطة جمر

ابيات والا اروع

هلا بجمر

نعم هو قال وابدع شكراً على المرور

**القروي** · 04 Nov 2006, 11:47 PM

المشاركة الأصلية كتبت بواسطة ابونايف

القــــــــــــــــــــــــــــــروي !!!
القصيده رائعه جدآ مشكوووووووووووووور على الجهود!!!

هلا ابونايف
وانت اروع اشكرك على المرور

**العالمي** · 05 Nov 2006, 02:09 AM

صح لساااااانك قصيدة معبره

**مدمن قميري** · 14 Nov 2006, 03:48 PM

صح الله لسانك

كما قالت الشاعره/ نجـــــــــــــــــــــــــــــــــــــــــاح المساعيد

**منصور الشلاقي** · 14 Nov 2006, 11:52 PM

يعطيك العافية .. قصيدة رائعة تحكي الوقع المر لسوق الأسهم السعودية
و إن شاء الله أبو متعب ماراح يقصر ..

**ذيب حرض** · 11 Dec 2006, 11:51 PM

شكراً لك على القصيده الطيبة

**البندق** · 11 Dec 2006, 11:56 PM

يعطيك العافيه كلام جميل

**القروي** · 19 Jan 2007, 12:00 AM

[align=center]الحمدلله
الاخوه
العالمي
مدمن قميري
منصور الشلاقي
ذيب حرض
البنــــــــــــــــــــــــــــــــــــــــــــــ ـــــــــــــــــــدق

اسعد الله اوقاتكم يؤسفني التأخير حيث نسيت القصيده
وبالصدفه قرأة القصيده
اشكركم على المرور والتعليق واعتذر عن التأخير دمتم بخير .[/align]

آخر المشاركات

الموضوع: ابيات اعجبتني فنقلتها لكم

أدوات الموضوع

تقييم هذا الموضوع

عرض

ابيات اعجبتني فنقلتها لكم

مواقع النشر (المفضلة)

مواقع النشر (المفضلة)

ضوابط المشاركة