شكري وتقديري الي الاخ بدر الدهيمان

**حمود الفريسن** · 13 Nov 2006, 12:49 PM

شكري وتقديري الي الاخ بدر الدهيمان

--------------------------------------------------------------------------------

اتقدم بشكر الجزيل والاحترام الي الاخ بدر الدهيمان الذي اتصل بي هاتفيا هذا الصباح

ووعدني بانه هو وزملائه سوف يقومون بزياره الي طلعة التمياط والشريم قريبا وسوف يتطلعون ا لي جميع ماتحتاجه الهجر من نواقص ومتطلبات والنظافه العامه علما بانهم قامو بجوله في الهباس يوم الثلاثاء الماضي ويوم امس قامو بجوله في العجرميه المركوز لوقه السوقي

الف شكر الي الاخ بدر الدهيمان وجميع
زملائه ونقول لهم الي الامام

**رفحاوي** · 13 Nov 2006, 01:56 PM

وش ماسك بدر الدهيمان ؟!!

ومنهم زملاؤه ؟!!

**الحقيقه** · 13 Nov 2006, 03:39 PM

ايه اكيد مدير بلدية رفحاء يا رفحاوي

**zezfon** · 13 Nov 2006, 03:53 PM

نعم
الاستاذ بدر الدهيمان حصل على
التعميم الذي اخفي لسنين عن اهل رفحاء والذي بموجبه يستحق العجزه والارامل
على الاولويه في تقديم الاراضي
ولا تمسك سراء وناقش المدير ورئيس قسم الاراضي لماذا لا يتمشى بهذا تعميم الصادر من المقام السامي

**ابن الملز** · 13 Nov 2006, 04:02 PM

الاقربون أولأء بالمعرووووووووووووووووووووووووووووووف حي الملز ينادي بدر الدهيمان ووطبان التمياط وزملائه بأن يضغطوا على البلديه بأيصال المياه الى بيوتنــــــــــــــــــــــــــــــــــــــــا بحي الملز (توصيل المشروع) أسوة بأحياء رفحاء الاخرى الذين لديهم المشروع وواصله المياه الى بيوتهم
تخيلوا ياشباب انا نملأ خزانات منازلنا من الوايتات سعرها بالشتاء السكس الملاح 60 ريال والحلو 80 ونعبي 4 مرات بالشهر بالقليل يعني 320 ريال شهريا مصاريف مشتراء المياه من الوايتات وبالصيف أسعار ماتتخيلوها الملاح ب 70والحلو ب 90 اذا مافيه أزمة مياه المهم حنا ضحية البلديه ومايسمى المجلس البلدي هذي أبسط حقوقننا من هذا المجلس والمثل يقول ألي ماينفع نفسه ماينفع الناس يعني اهل رفحاء أبداء ومتطلبات أحياء رفحاء أبداء بعدين ياحمود أسكن رفحاء وريح بالك

**حمود الفريسن** · 13 Nov 2006, 06:16 PM

هم وضعو في هذا العمل لخدمة رفحاء وقراءها

فلهم الشكر الجزيل

**السلطه الخامسه** · 13 Nov 2006, 10:17 PM

الاخ حمود الله يعطيك العافيه على ذكر الحقيقه وليسى غريبه على الاستاذ بدر

وماء من يقول حي الملز نعم هي مشكله ولازم لهاء حل وبعض اجزاء الروضه وللامانه تم مناقشة الوضع من قبل الاستاذ بدر الدهيمان ووجد ان المشكله ليست من قبل البلديه ونماء بعد عزل قسم المياه عن البلديه

اصبح البلديه ليس لهاء دور في المياه والمسئول عنهاء

قسم المياه

بوزارة الكهرباء والمياه الجديده

**ليث** · 13 Nov 2006, 10:23 PM

الله يعينهم على الامانه.........

**ابن الملز** · 13 Nov 2006, 10:59 PM

الامانه انهم يحققوا متطلبات احياء رفحاء ثم النظر الى الهجر فيما بعد فيه مهم وفيه الاهم بعدين المدينه اهم من الهجره
المدينه سكانها يفوق هجر رفحاء وحي زي الملز يساوي مساحة الطلعه

**حمود الفريسن** · 13 Nov 2006, 11:06 PM

الحاسد بالارض والرازق بالسماء

**جندي ركن مضلي** · 13 Nov 2006, 11:28 PM

اخي حمود

ليتهم يمرون الورش قبل يجونكم للاسف ماقد شفت عمال البلديه او معدات البلديه في تلك المنطقه وانتم اصبروا والخطه الخمسيه القادمه تشملكم

**ابن الملز** · 14 Nov 2006, 01:35 AM

حمود حنا أبدأ وأسئل المنصفين معقوله يهملون حي الملز يكفي
أن أسمه الملززززززززززززززززززززز ويرحون للطلعه
بعدين قلنا لك اسكن رفحاء وريح بالك
بعدين أزيدك من الشعر بيت أي أنتخابات جايه في رفحاء سوف يكون لهذا الحي الكلمه الفصل في ترجيح الفائز وراح اذكرك

**التابلاين** · 14 Nov 2006, 06:08 AM

الصحيح انه فعلا رفحاء اهم من الهجر بكثير واللي مو معجبه وضع الهجر يسكن رفحاء ويريح باله

وبعدين يا حمود انت الوحيد اللي يتذمر من عيشة الهجر وبعدين الطلعه لها من يطالب لها ويجيبون الشي اللي يبونه

وبراي الطلعه افضل من جميع الهجر اللي بالشمال كله

**ابن الملز** · 14 Nov 2006, 11:43 AM

المشاركة الأصلية كتبت بواسطة التابلاين

الصحيح انه فعلا رفحاء اهم من الهجر بكثير واللي مو معجبه وضع الهجر يسكن رفحاء ويريح باله

وبعدين يا حمود انت الوحيد اللي يتذمر من عيشة الهجر وبعدين الطلعه لها من يطالب لها ويجيبون الشي اللي يبونه

وبراي الطلعه افضل من جميع الهجر اللي بالشمال كله

التابلاين كلامك عين العقل كثر الله امثالك المنصفين للحق والمنصفين ل أحياء رفحاء بارك الله فيك يالسنافي
ومعا من اجل رفحاء

المجلس البلدي اهل رفحاء وأحياءها عينها عليكم فلا تشتتوا جهودكم خارج المحافظة
الهجر لها شيوخ وشيخوها يتكلمون عنها
ولو كان للملز شيخ كان ماتكلمت ولا طالبت
لكن ماعندنا الا المجلس البلدي ولن نعذرهم اذا ماحققوا مطلبنا

**حمود الفريسن** · 14 Nov 2006, 01:39 PM

اعضاء المجلس في الطلعه اليوم الثلاثاء

آخر المشاركات

الموضوع: شكري وتقديري الي الاخ بدر الدهيمان

أدوات الموضوع

تقييم هذا الموضوع

عرض

شكري وتقديري الي الاخ بدر الدهيمان

مواقع النشر (المفضلة)

مواقع النشر (المفضلة)

ضوابط المشاركة