[align=center][align=center]السلام عليكم

عندي ياشيخ حلمين ياليت تفسرهم لي

,,أنا متزوجه وعندي ولد


حلمي الأول....

حلمت إني حامل وبالشهور الاخيره من الحمل مع العلم اني بوقت الحلم ..عندي ولد وماكنت حامل

وكنت ببيت أهل زوجي مع ان البيت مو نفسه اللي ساكنين فيه وكنت بغرفتي قاعده وتعبانه

فدخل زوجي علي وقالي انا بروح اشوف اذا فيه احد بالمجلس من هلي اسولف معه قلت طيب

فقالي انتي تعبانه ..قلت له لا مع اني كنت تعبانه... طلع زوجي وكان وقتنا ليل وقعدت بروحي بالغرفه

وخفت ان الوجع يزيد علي وماعندي احد .. فقلت بروح الحق زوجي

كان المجلس مفتوح وبمكان عاااالي ولازم أطلع له بدرج طويل

وفعلا طلعت عليه ووصلت للمجلس وانا ميته من التعب..,

وحصلت زوجي مع 2 من اخوانه الصغار ,, ولما جيت امشي طحت على الارض

وجاني قال شفيج قلت له مادري يمكن انا دايخه...فحط ايده على الارض وقال لا انتي موب دايخه

هذي الارض هي اللي تتحرك!! كانت الارض هي اللي تهتز فينا وساعدني زوجي وقمت وشفت منظر قدامي

كان مبااني كبيييره وتوها ماخصلت من البنيان...وكان مثل الزلازال يتحرك قريب من المباني ونشوف مبني

مبنى وهو ينخسف بالارض لين ماقرب الزلزال أو الخسف لبيت قدامنا

فقلت لزوجي اكيد بنموووووووت تشهد ومكان يرد علي

كان مثل المصدوم او المتفاجأ!!

وانا اعيد عليه وأقوله قول اشهد ان لا اله الا الله واشهد ان محمد رسول الله

وكان مايرد علي ويوم شفته كذا قعدت انا اتشهد واذكر الله بكل ثبات وشجاعه

وبنفس الوقت كنت افكر هل لو هربنا بإتجاه معين بننجو او لا وانتهى الحلم قبل لا يجينا الخسف @@

....................

الحلم الثاني...

حلمت اني انا وصديقتي اسمهها اروى وهي متدينه اننا نتمشى بطريق بري....

ونشوف من بعيد الرسول (ص) جاي على نفس الطريق بس مقابلنا...

ولما قربنا من الرسول كان في طريق يقطع طريقنا وكانت جايه منه فاطمه الزهراء رضي الله عنها

وكانت حامل بشهورها الاخيره... ولما شافت فاطمه الزهراء الرسول قالت له

يارسول الله اني رأيت حلماً وأريدك ان تفسره

فقال (ص) حسناً...وجلسها الرسول على الارض لانها باين انها تعباانه مرره!!

وقالت فاطمه رضي الله عنها: حلمت بمنامي اني أنادي واصيح يامالك لماذا تركتني ورحلت يا انس لماذا تركتني ورحلت

يامالك ياأنس.....وكانت تقصد انهم ميتيين.... المهم قعدت تردد هالكلمات بتأثر وفجأه ماتت!!

وصرخت صديقتي وقالت لا ماتت!! وانا قلت ايوووووووووووه الحين عرفت!!

قالت لي شعرفتي قلت هذا هو تفسير الحلم!!

وكان تفسير الحلم اللي فهمته أنا هو نفسه اللي الرسول (ص) كان بيقوله !!

والتفسير: انها بتموت قبل لاتعرف تفسير حلمهها

وبنفس الحلم تغير المكان وكان المكان هو الجامعه اللي ندرس فيها.. (( حاليا انا متخرجه))

وكانت بعد صديقتي وياي...جلسنا على كرسي ولقينا كتاب يتكلم عن التكنولجيا..

قعدنا نقلب بالصفحات...ولقينا موضوع غرييب!!

كان الموضوع انه كلمه سحريه لما ننطقها ونمسح على صوره ممكن يكون اللي فيها مخترب مثل

أي آله ..بمجرد نطقنا لهلكلمه ونمسح على الصوره ترجع لشكلها الاصلي

فقعدنا نجرب انا وصديقتي وفعلاً نجحت معنا ...فقالت صديقتي يمممه هذا سحر لا حرام

وقطت الكتاب وقالت تعالي نروح فقلت لها انتي روحي الحين وانا بلحقج...لان بخاطري

اخذ هالكتاب معي ومن وراها...ولما راحت مسكت الكتاب علشان اخذه بس بعديين ترددت وتركته

ولحقتها

أدري اني طولت عليك بأحلامي >> افلام هنديه هههههههههههه

بس انشاء الله تفسرها لي

تقيل فائق الشكر والتقدير

وجزاك الله كل الخير[/align][/align]