السلام عليكم,,
من بريدي....
[p5s][/p5s]
قصيدة للشاعر المبدع , المظلوم إعلامياً رضا طارف الشمري ....
امس الضحى في عالي الرجم نطيت
........... رجم تعلٌى مرقبه بالعليٌا
باح الكنين وهيض القلب ماخفيت
........... باسباب من شفي عليها شفيا
الفاطر الحمرا ترزٌم على البيت
........... تبي العلف مار العلف ما تهيا
ومنها غدت حالي تقل عود كبريت
........... وطبيت بألغامٍ تفجر اغشيا
من يوم صارت عيشته بالحوانيت
........... مالي بها مطموع ياخو هويٌا
عاركت عنده بالدهر مار كليت
........... بار العميل ومن ردى الوقت عيٌا
الوقت زتن زتة الحبل باخشيت
........... وفعل بنا فعل الكذوب المهيٌا
واقفت عن اللي من قديم لهم صيت
........... اتلى جهامتهم غدت بالغبيٌا
بدوٍ يسرك نزلهم كل ما جيت
........... ورجالهم يا طالع الضيف حيٌا
خلنهم غبر الليالي شحاتيت
........... وراحوا ذهاب بين جدعا وليا
واللي تخلف عقبهم بس توقيت
........... يا مشتكي من ضيم الايام هيٌا
ارحل اليا منك من الدار مليت
........... ولو الوطن تغليه كبه بليا
وحاذور عن رفقة جميع السرابيت
........... لا يوهمك سكبة عيال الحديٌا
ما يحتمون الجار لو هم حصاميت
........... شردان يا شافوا شرار الضويا
عليك باجواد العرب يا توازيت
........... اللي بهم عند اللوازم حميٌا
مامون عرضك من طرفهم اليا قفيت
........... ورجالهم يأبى كلام القفيٌا
ويالله ياللي ما لغيرك ترجيت
........... يا وامرٍ وامرك على كل شيٌا
تسقي ديارٍ تشتكي قشعها ميت
........... وتجبر خسارتنا بوبل الثريا
بمزنٍ ديارٍ بروقه بالدجى كنها الليت
........... غرٍ يجاذبهن هبوب السقيٌا
عسى الحيا من باب مصر اليا البيت
........... يعم كل المملكه بالســويا
ويضفي على جزر العرب منبع الزيت
........... على الخليج وديرة الهور غيٌا
يملا الخباري سيلها والسواريت
........... وعقب المحل تخضر بنبتٍ طريا
حتى اليا منك على البر مريت
........... تلقى الزبيدي بالدعث والسميٌا
بس ام سالم به تذب الزغاريت
........... تجيب بألحان الطرب صوت ميٌا
يا ممتني جت لك على ما تمنيت
........... كلٍ يقول الخير عندي هنيٌا
وتم الكلام اللي من الراس عديت
........... وصلوا على الهادي رسولٍ نبيا
آخر المشاركات
+ الرد على الموضوع
النتائج 1 إلى 14 من 14
الموضوع: قصيدة جزلة لرضا طارف ,,
-
09 Dec 2006, 11:52 PM #1
قصيدة جزلة لرضا طارف ,,
-
10 Dec 2006, 12:49 AM #2
ارحل اليا منك من الدار مليت
........... ولو الوطن تغليه كبه بليا
صح لسانك ولسان الشاعر رضا طارف ..
-
10 Dec 2006, 02:40 AM #3
[align=center]صح لسانك ولسان الشاعر رضا طارف ..[/align]
-
10 Dec 2006, 07:04 AM #4
الحمدلله
المشاركة الأصلية كتبت بواسطة ابو نواف
والله حاولت اقتبس احسن بيت منها لكن فشلت !!!
وهو لم يترك الابل حتى تاريخه وهو حفيظه للقصص والقصيد
بارك الله فيك يأبو نواّف على ماخطّت يمينك وزان في عينك .اللهم يارب العزة والجلال اغفر لبدر الدهيمان .
-
10 Dec 2006, 06:35 PM #5
[]صح لسانك ولسان أبوعبيد وهو من الرجال المعروفين والحافظين للقصص والسوالف وعلوم الرجال وبيض الله وجهه........
-
10 Dec 2006, 08:33 PM #6
صح لسان رضا بن طارف
-
10 Dec 2006, 11:53 PM #7 المشاركة الأصلية كتبت بواسطة وسم
صح بدنك بالنيابة عن الشاعر ابو عبيد.
أشكرك على المرور
-
10 Dec 2006, 11:56 PM #8 المشاركة الأصلية كتبت بواسطة البندق
صح بدنك بالنيابة عن الشاعر.
اشكرك على المرور طال عمرك
-
11 Dec 2006, 12:05 AM #9 المشاركة الأصلية كتبت بواسطة القروي
هلا وغلا بالقروي,
وفيك بارك المولى طال عمرك.
الله يعطي أبو عبيد طولت العمر على طاعة الله سبحانه.
أبو عبيد من اكثر شعراء هالوقت حكمة وتمسك بالتراث الطيب للأباء والأجداد.
مرورك يعني لي الكثير.
-
11 Dec 2006, 12:08 AM #10 المشاركة الأصلية كتبت بواسطة السفير
صح بدنك بالنيابة عن الشاعر أبو عبيد
صدقت, أبو عبيد غني عن التعريف
-
11 Dec 2006, 12:10 AM #11 المشاركة الأصلية كتبت بواسطة ذويبان11
هلا بذويبان11,,
صح بدنك بالنيابة عن الشاعر العَلَمْ.
-
11 Dec 2006, 02:14 AM #12
عضو فعّـال
تاريخ التسجيل- Nov 2006
الدولة- QATAR
المشاركات- 122
اخوي ابو نواف
صح لسان الشاعر الصرح الشامخ رضا طارف الشمري
وتسلم يمينك على الاختيار الرائع لاهنت
كل الاحترام لك اخوي
-
11 Dec 2006, 11:36 PM #13
شكراً لك أخوي أبو نواف على النقل وصح لسان الشاعر الغني عن التعريف أبو عبيد
[align=center][/align]
-
13 Dec 2006, 10:26 PM #14 المشاركة الأصلية كتبت بواسطة ذيب حرض
صح بدنك بالنيابة عن الشاعر يا ذيب
رد مع اقتباس
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
- أكواد المنتدى متاحة
- الابتسامات متاحة
- كود [IMG]متاحة
- كود HTML معطلة
مواقع النشر (المفضلة)