مو كل من ((خلى اللحيه)) مطوع ؟؟؟

[فلاح ولد منيـرة]

[align=center]مو كل من خلى الدقن صار مطوع

وبقولتنا

((مو كل من ربى اللحيه صار مطوع))

للاسف فيه ناس مستغلين الدين لدنيا

يعني يمشي مع المطاوعه

ومع اهل الذكر

مو لله

لا


لغرض دنيوي

اما منصب في احد الدوائر الحوميه للدوله

او لكلام الناس عنده وذكره بالخير

وانا رايح اتكلم عن رفحاء وبس

انا ماحب اذكر اسماء

لكن فيه كذا شخص

واهل رفحاء يعرفهم جيدا

كانو بسيطين

الوضع المادي ((زفت)) يعني ((متهلس))

ولا كان يهش او ينش

وسبحان الله بين يوم وليله

نتقل من بيت الخرابه الى قصر

وافخم السيارت عنده

ومنصب قوي

وهيبه قويه

السوال :


من وين له كل هذا .... وكيف حصل على العز هذا ؟؟؟؟


جاوبوني

ابي جواب يقنعني

اكيد بتقولون الصطوانه المعهوده وهي : (( والعاملين عليها))

طيب

وين راح حق المسكين

وين راح حق اليتيم

وين راح حق الفقير

اساسا ذكر فالاخير العاملين عليها

ليش يجي مليون ريال للفقراء والمساكين

يصرف منها ميه الف

والباقي يروح للمجهول

جاوبوني ليش

قبل ايام صرفت خيريه رفحاء

المساعادات للفقرا والمساكين وذو الحاجه

وربي اني شفت بعيني مو كلام يقال

شفت ملابس داخليه

و رز و طحين

وشياء اخرى

لكن انا اللي مستغربه

من وين جايبين هالبظاعه هذي مادري

ملابس داخليه حتى ابو ريالين ما يبيعاها

رز وش ماركته ((مادري)) يمكن احدهم زراعه في بيته

انا مستعرب من وين جايبنها ...... والله مادري

هذا كله توفير من اموال الصدقات

ويشترون اشين الماركات



على شان يبقى لهم شي

وياكلونه من اموال المساكين

ولا تصريف للمخازن اللي فيها البضاعه الميتيه

اساسا قلو ان فيه احد السوبر ماركات

هو اللي متعهد ببضاعه الخيريه

((يصفي المخزن ويجيب بظاعه جديده))

وربي الدوله ما قصرت

وكل بين فتره وفتره بترسل لهم اموال ((خياليه))

لكنه انشاء الله مو حلال

وانشاء الله بيكون نار يكوي بطونهم

طبعا الكلام موجه للي يستغلون الدين للدنيا

والمثل قال : الاصابع ماهي سواء


وانا اسف على الاطاله


اخوكم فلاح ولد منيره[/align]

[الهواء]

الدين معامله واخلاق واعطاء صاحب الحق حقه والله يعلم ما بقلوب البشر

[هموسه88]

الله يجزيك خير
وكل يجزا بعمله وان كان صحيح ماتقول فربه به اعلم

[ابو فيصل الشيحي]

الله يعينك على مطاوعة المنتدى.


وان كنت انا معجب بموضوعك.



كل الود يا صريح.


.

[القروي]

[QUOTE=ابو فيصل الشيحي;144608]الله يعينك على مطاوعة المنتدى.


وان كنت انا معجب بموضوعك.



كل الود يا صريح.

[size=5][color=#008080]الحمدلله
[align=center]هلا يابوفيصل !!!
لعلمك المطاوعه نجشوه أو غرشوه أو تولجوه !!! على صورة خالد عبدالرحمن !!!
ولا يصح الا الصحيح ياصريح مع تقديري للأثنان .[/align]

[محب رفحاء]

هلا والله اخوي الغالي على قلبي (فلاح) عيوني اتمنى قبل منشك بي احد ان نواجهه بشي الي نحسه ما اقول المطاوعه ملائكة او انهم نصابين بس الوحد يتاكد من صاحب الشان مباشره وما عتقد انهم يردونك
وموضوعك عيوني جدا روعه

اخوك محب رفحاء
اتمنى عمري ان تشاركني في افكار بتطوير رفحاء اذا ما كان عندك مانع

[عالي الهمة]

أخوي فلاح الله يجعلك من أهل الفلاح في الدنيا والآخرة اللهم آآآمين
أخوي الغالي ربك وربي سبحانه وتعالى يقول (إن بعض الظن إثم ) أنا ماأعرف ولاواحد من اللي تعني لكن وأنا أخوك نصيحة محب ولوجه الله دع الخلق للخالق
أخوي العزيز إياك والحقد على أهل الدين لأنهم هم أحب الخلق إلى الله 00 الله يجعلني وإياك منهم
أنا معاك إن أصابع يدك مهي وحده وإن اللحيه ليست دليل قاطع ونهائي على استقامة الرجل 00 بل وأنا على يقين إنك تعلم إن أهل النفاق على عهد الرسول عليه الصلاة والسلام كانت لهم لحى 00 لكن العبرة وأنا أخوك بما بين الجوانح وإلا لا؟؟؟
أخوي الغالي خلنا نصلح أنفسنا ونشوف وشلون علاقتنا مع ربنا 00 ونصلح الخلل فيها لأن المسكن وأنا أخوك إما جنة عرضها السموات والأرض أو نار تلظى وغير هالدارين مافيه صح أو لا؟؟؟
حبيبي الغالي طلب أخير ومن باب المحبه لك والله مهو أكثر
جاوب على هالسؤال وبدون تعصب
































ودك يوم القيامه يوم تكون بحاجة لحسنة واحدة ودك تلقى بصحيفة أعمالك حب أبو بكر الصديق وعمر الفاروق رضي الله عنهم أو حب خالد عبدالرحمن
أيهم اللي ينفعك أكثر وأنا أخوك
أجل خل اللي ماينفعك في ذاك اليوم خله يولي
دمت بألف خير وعافية

[ليث]

لاهنت ابومنيره

[الفارس الأسود]

[align=right]ههههه ياحليلكم !

ياولد منيرة ياحبيبي لدي سؤال ينضح بالبراءة ، وأرجو الإجابة : أين دليلك ومصدرك ؟

أنا أتفق أنه ليس كل من أرخى لحيته صار مطوعا ، وجميل كلامكم هذا ، لأنكم ترونه لايستحق اللحية ، وأنه وضعها تزييفا ، وأنه من المفروض أن يكون حليقا ؛ لأنه نصّاب يأكل أموال الناس !!

على فكرة يعني وبما أنني مسلم مطوع أو غير مطوع لابد أن أقف معك وقفات لتأخذها بعيدا عن ربع ارفعلي وأكبس لك ، تراهم ماينفعونك ، هم بشر حالهم حالك ، مدحوك سبّوك ... لايقدم ذلك ولايؤخر مُجرّد ردود تظهر وتختفي كغيرها من ملايين الردود ، وبما أنني قد ذبحتني الفضاوة والملل إلى حدّ كبير ، فإني سوف أقوم بتحليل موضوعك ، لأونّس نفسي أولا ، ثم لأنشهر أنا ويّاك ونصير من كبار المنتدى ، ويتحدث القراء عن موضوعنا وأن هناك نقاش كبير جدا .... إلخ إلخ إلخ ، وإلى الحلبة :

Round 1

دن دن دن

تقول ياحبيبي :

( مو كل من خلى الدقن صار مطوع ، وبقولتنا ((مو كل من ربى اللحيه صار مطوع))... )

صح صح أنا أتفق معك هنا .

( للاسف فيه ناس مستغلين الدين لدنيا )

وأنا معك .

( يعني يمشي مع المطاوعه ومع اهل الذكر ... مو لله )

ماشي صح .

( لا ... لغرض دنيوي اما منصب في احد الدوائر الحوميه للدوله او لكلام الناس عنده وذكره بالخير ) .

أمممم ... كمان ماشي صح ، بس ماأدري بطني قام يمغصني ، ومن جهة أخرى كمان بطني قام يمغصني للأخطاء الإملائية ، طبعا لاتقول : اترك نبش الأخطاء ... إلخ إلخ ، أو : لاتركز على الأخطاء وركز على المقصود من الموضوع ، لكن بعض الأخطاء ماتنحمل ، ممكن خطأ خطئين عشرين خطأ ، بس درازن من الأخطاء الواضحة ... والله ماتنحمل وانا أخوك!!

(وانا رايح اتكلم عن رفحاء وبس انا ماحب اذكر اسماء لكن فيه كذا شخص واهل رفحاء يعرفهم جيدا كانو بسيطين
السوال : من وين له كل هذا .... وكيف حصل على العز هذا ؟؟؟؟ جاوبوني ابي جواب يقنعني )

زين ماتحب تذكر أسماء ، ثبتك الله إلى نهاية الموضوع ... نشوف !! ولو إني ماني مقتنع إنك راح تصبر ، طبعا المدينة هي رفحاء !!

بالنسبة لسؤالك ، فهو يُرد إليك ، وأنا الذي أسألك : من أين له هذا ؟

Round 2

دن دن دن

تقول يالغالي : ( اكيد بتقولون الصطوانه المعهوده وهي : (( والعاملين عليها))... طيب ...وين راح حق المسكين وين راح حق اليتيم وين راح حق الفقير اساسا ذكر فالاخير العاملين عليها ليش يجي مليون ريال للفقراء والمساكين يصرف منها ميه الف والباقي يروح للمجهول جاوبوني ليش قبل ايام صرفت خيريه رفحاء المساعادات للفقرا والمساكين وذو الحاجه وربي اني شفت بعيني مو كلام يقال شفت ملابس داخليه و رز و طحين وشياء اخرى لكن انا اللي مستغربه من وين جايبين هالبظاعه هذي مادري ملابس داخليه حتى ابو ريالين ما يبيعاها رز وش ماركته ((مادري)) يمكن احدهم زراعه في بيته انا مستعرب من وين جايبنها ...... والله مادري هذا كله توفير من اموال الصدقات ويشترون اشين الماركات على شان يبقى لهم شي وياكلونه من اموال المساكين...ولا تصريف للمخازن اللي فيها البضاعه الميتيه )

طبعا أبدي إعجابي بكلمة ( الصطوانة ) وهي تعريب جديد لكلمة ( الإسطوانة ) وكلمة ( البضاعة الميتية ) ممكن تكون صيغة مبالغة ؟!! ولّا ؟!! لعلي أعذرك لأنك ( مستعرب ) كما ذكرت ذلك عن نفسك !!
وطبعا الإسطوانة المعهودة هي من كلام الله - عز وجل - فجميل أن تتأدب مع كلام ربك ، وهي - على كل حال - حق وضعه الله تعالى ، ولو كرهه البعض ، وهم لهم حق في الأموال التي تأتيهم على أن تقدر بقدرها وفق أحكام الشرع ، قد يقول قائل : هم يبالغون في هذا الجانب . أقول : دليلك ؟ مصدرك ؟
إنت ماذكرت أسماء ( جزاك الله خير الجزاء ) لكنك قصدت الجمعية الخيرية بشكل واضح هنا وصريح ، آها .. ماذكرت أسماء لكن ذكرت أماكن عمل الأسماء ... كمان آها !! ماأدري هل كنت تستخف بعقول القُرّاء ، أم تسخر من زوّار موضوعك ، كأنك تقول : يالرّبع ! أنا ماراح أذكر أسماء ، بس ترى اللي يشتغلون بالجمعية الخيرية حرامية وسِرْقان ، بس تراني ماذكرت أسماءهم !!! طيب ياحبيب قلبي اللي يشتغلون بجمعية البر كلهم حوالي 6 إلى 12 تقريبا ، وكلهم أو أغلبهم - إن لم أكن واهما - لهم لِحَى ، وبناءا على كلامك فإن الشباب والأخوة الذين يشتغلون في الجمعية الخيرية حراميّة !!!! اذكر الأسماء أو لاتذكرها فأنت بينت من هم بطريقة تبين استخفافك بعقلية القرّاء ، ربما لاعتقادك أن قرّاء الموضوع من نفس طينة بعض الرّدود هنا .

إنت ذكرت قصة تقول : جت مليون ريال ، أعطوا الفقراء مئة ألف ريال ، والباقي يروح للمجهول !! طبعا قصدك ملطوشة مسروقة واللي سرقها هم أرباب جمعيّة البر الخيرية ، طيب لدي سؤال ينضح بالبراءة : المصدر ؟ الدليل ؟ البيّنة ؟ فالبينة كما عرفت ياكاتبنا الكبير الصريح الصحيح على المدّعي ، وأنت مدعي هنا ، أين البينة لتعرضها على القرّاء ، فأنا وأنت نتفق على أن القراء بلغ لديهم من الوعي بأن لاتمشي عليهم هذه الأمور ؛ سرد الكلام سبهللا وذكر القصة بدون دليل وقذف التهم الشنيعة يمنة ويَسرة بلا بيّنة ، إلا إن كنت طبعا تظن أن القراء من شلة : ياصريح يالذيذ يارايق ! أكرر طلبي مرّة أخرى : أين الدليل !

بالنسبة للرز فأنا ممن يذهب بقريبة لي مات زوجها ، ولديها أيتام ترعاهم ؛ لمستودع الجمعية لكي آخذ لها الأغراض التي وضعت نصيبا لها من رز وطحين وأدوات مدرسية وملابس وبطانيات وتمور وطحينية إلخ إلخ ، وهي أغراض عادية ، طحين ، زيت ، رز ، ونحو هذه الأغراض لم أسمع قريبتي هذه تشكي من رداءة الأطعمة والأردية ، والقناعة كنز لايفنى ، والمهم في التوزيع أن يشمل كل الأسر المحتاجة المسجلة في الجمعية .


(اساسا قلو ان فيه احد السوبر ماركات...هو اللي متعهد ببضاعه الخيريه((يصفي المخزن ويجيب بظاعه جديده))... )

قلو !! إيش قلو هذا ؟!! ممكن اسم حجازي ، بس أخبر اسم ( قلّي ) ... وإن كان قصدك : قالوا ! فالناس يقولون ويقولون ويقولون حتى يقولون !! ولم يزالوا يقولون حتى تقوم الساعة ، وترى على فكرة ، هناك بشر ماتوا ولازال لديهم مايقولونه ، وآخرون ماتوا وما انتهوا من أقوالهم ، أنت أتيت بقصة لأن البعض (قلو) لك .

ياحبيبي أنت تتهم الجمعية وموظفيها اتهامات خطيرة في منتدى يُتابع من مسؤولين كبار ، ومن داعمين لأعمال الخير ، فمثل هذه المواضيع ترسم صورة سلبية للجمعية عندنا ، تضر أكثر مما تنفع ، قد يشد الداعم على يده ويقبضها إليه والسبب مثل هذه المواضيع الضحلة الساذجة السطحية ، وهذا شيء عظيم ربما لاتدرك خطره بعض العقول هنا .

( وربي الدوله ما قصرت...وكل بين فتره وفتره بترسل لهم اموال ((خياليه))... )

إيه لا .... أبد الدولة ماقصّرت أبد نهائيا ، طبعا لم أكن أتوقع أن تقول كلاما مختلفا ، بس ليتك أخوي تضع لنا جدولا لمقدار الدعم التي تدعمه دولتنا اللي ماتقصر سنويا لجمعية البر ، كم عدد الاموال الخيالية التي ترسلها ، نريد أن نروي عطش فضولنا ونعرف ذلك الرقم الخيالي ؟!!!
بس لايكون صعب عليك ؛ لأن المبالغ الخيالية ربما تكون من صنع خيالك !!
طبعا لايجي أحد ويقول إنت إرهابي مكفّراتي عدو للدولة ... أنا إنسان وطني أذاكر كتاب الوطنية وأرجع له دائما ، وأدع لولي أمرنا كل جمعة الله يحفظ بلادنا من كل سوء

Round 3

دن دن دن

تقول يابعدي : ( لكنه انشاء الله مو حلال ...وانشاء الله بيكون نار يكوي بطونهم )

أول مرّة أشوف مسلم يتمنى الشر لأخيه المسلم ، لا ... وبالدراين ماشاء الله ، يتمنى لهم الاكل الحرام ، لكي يعاقبون عليها في الآخرة ؟!!
يازمن العجايب .
ملاحظة / إنشاء الله لاتكتب هكذا بل تكتب : ( إن شاء الله ) .

طبعا فيه بعض الردود التي تلت موضوعك تخلي موضوعك .... أممممم يعني وش أقول ... إيييه .. تخلي موضوعك له نوايا سيئة ، ماعليش ممكن كلمة ( نوايا سيئة ) كبيرة شوي ، والله لو إني أخاطب منظمة ماسونية ولا مافيا إيطالية ، إنتم احذفوا 90% من معنى وقوة وضخامة كلمة ( نوايا سيئة ) وخوذوا 1% .... كم بقى ... 9% ؟!! هاذي خلوها لي ، محتاجها في الأيام الثلاثة القادمة .

انتم مجموعة حبايب مجتمعين ماسويتوا شي بس تتدردشون إن فيه بعض الموظفين يملكون ألحين - على حسب كلام ولد منيرة - قصور وسيارات فخمة ، وللواحد منهم منصب قوي وهيبة قويّة ( حلوة هيبة قوية هاذي ) وهاذولا الموظفين عندكم ياأهل رفحاء ؛ تعالوا الصبح وشوفوا السيارات الفخمة اللي يداومون عليها ، ثم اتبعوهم من شغلهم لكي تشاهدوا قصورهم الفخمة ، وتحدثوا معهم ستجدون أنفسكم تتراعد ، وأجسامكم تهتز هيبة منهم لأن الواحد منهم عريض المنكعين ، شلولخ القدمين !!

ياحبيبي يافلاح ، على قولة الممثل الكويتي سعد الفرج في احدى المسرحيات لخالد النفيسي - الله يتجاوز عنا وعنه وعن المسلمين - : وِدّي أصدقك..
ودّي أصدقك..
بس قوية..
قويّة..

أشكر لك تونيسي وشرح صدري ، وبعدين اطلع من قوطي البيبسي اللي ساكن فيه ( مثل ماإنت كاتب بجنب اسمك ) خلينا نتكلم بمكان واسع !

ولك مني تحية وإشارة من يدي تغنيك عن إشارة خالد عبدالرحمن اللي يغني الحرام ( أنصحك إنك تعض شليلك إنت والقروي لأني راح أنجشكم ) ...

KO


[/align]

[فلاح ولد منيـرة]

[align=center]الهواء


يا هلا وغلا فيك

اسفرت وانورت

وتشرفنا بمرورك الحلوووووو يا حلوووووو[/align]

[فلاح ولد منيـرة]

[align=center]هموسه


يا هلا وغلا فيك

تسلمين وما قصرتي

الحقيقه واضحه

لكن بعض الشباب


مسوي فيها

((طـــ ونص))

^_^


عموما يسلمووووو على المرور الحلوووووو يا حلووووو[/align]

[فلاح ولد منيـرة]

[align=center]ابو فيصل

ههههههههههههههه

هههههههههههههههههههههههه

هههههههههههههههههههههههههههههههه


الشكوى لله

المطوع الفاهم بسيط التعامل معه

لكن اذا جاء مخه مصدي

عاد هنا مشكله

ههههههههههههه



عموما

يا هلا وغلا فيك


وانا اجيز لك المشاركه


^_^



يسلموووووو على المرور الحلووووووو يا حلوووووو[/align]

[فلاح ولد منيـرة]

[align=center]محب رفحاء


يا هلا وغلا فيك

وانشاء الله تدوم المحبه

بينك وبيني

وبينك وبين رفحاء

وبين رفحا وبيني

((صارت قصيده))

هههههههههههههههه

هههههههههههههههههههه


امرني وانا اخوك

وانشاء الله نكون اخوان على طول

وهدفنا واحد


عموما


يسلموووو على المرور الحلووووو يا حلوووووو[/align]

[فلاح ولد منيـرة]

[align=center]القروي


يا هلا وغلا

انا اقول

وش هالنور

اثرك موجود

ههههههههههههههههه

هههههههههههههههههههههه

الله يخليك لعين ترجيك

صدقني انك شرفتني بمرورك الجميل هذا

انا بقولك زي برنامج شاعر المليون :


انا اجيزك شخصيا

واجيز ردك

واجيز كلامك

واجيز حظورك

لاخلى ولا عدم من تواجد فمواضيعي

يعطيك العافيه على الكلام اللي انت قلته

ويسلمووووو على المرور الحلوووووو يا حلوووووو[/align]

[فلاح ولد منيـرة]

[align=center]عالي الهامه


يا هلا وغلا فيك

النور من نورك كشف واجهر الناس .....................

.............عالي الهامه اللي من سنا النور نور

صدقني تشرفنا بردك الغالي

لكن فموضوع الصوره

صدقني الموضوع صار الحين موضوع عناد

وحنا يالبدو اذا عاندنا ((مافينا طب))

لكن انا استسمحك فموضوع الصوره

وانشاء الله نكون اخوان وحبايب

واكرر واقول :

سامحنا

وانشاء الله قلبك يكون طيب وسموح


^_^

عموما يسلمووووو على المرور الحلوووو يا حلوووو[/align]