فاتنة العقيق.....!!!

[من عرعر برفحاء]

قصيدة للشاعر الجميل الزميل /عوده نزال

نشرت في إحدى المجلات وفي منتدى لمدينة عرعر

رأيت أن تشاركوني التمتع بجمالها

قصيدة وصفت بالمتجاوزة ...وأنا أصفها (بالمتجاوزة الجميلة)




...................... ( فــاتـنـْة العـقـيــــــــق ) ........................


الهنوف اللي سكنت حي العقيق
.
هزت الطايف وعاثت بالبريه
.
جادل تخضع لها قمة طويــــق
.
وتبكي منها كل عين" عنجهيه
.
لامشت يزهر بها وجه الطريق
.
ولااوقفت قال الثرى ظلي عليه
.
ولاحكت أيووووووه يالفكر العميق
.
ولااسكتت لبيـــــــه ياابلغ منطقيه
.
فكري اكتب لي صدى صرخة عشيق
.
وانثراعجاز الحروف الابجديه
.

دامني محبوبها واقرب صديق
.
وهي تمثل كل نبض الارض ليه
.
غن حلاوتها على اللحن الرقيق
.
واكشف المستور والنيه مطيه
.
واوصف اللقيا وتخير يارفيق
.

اللي في جدة او اللي فـــ الحويه
.
وادري انك لأول ملاقى شفيق
.
جده ... النظره الدمار الأوليه
.
شفتها وتمْتمْت بإحساس الغريق:
.
ياترى هالصوره هاذي واقعيه
.
حسنها الطاغي اخو الموت الشقيق
.
واللي مومصدق يتابعني شويه
.
مبسمٍ يجلي متاهة كل ضيق
.
ثلج نابع من جمر والنار حيه
.
وريقها مضرب مثل ماهو بــ ريق
.
طاح سوقك يالعسل ويا الخليه
.
لو درى عنه النحل خلى الرحيق
.
وجمع اسرابه على فم البنيه !!!
.
وعينها: مجرم بقى حر وطليق
.
وفي سهامه عنفوانك يالمنيه
.
رمشها لحاله مشكل له فريق
.
مهدف بقلبي من الطعنات ميه
.
وصدرها : رمان يانع له بريق
.
مالي ٍ عيني قبل يملى يديه !!
.
حلو شوفه بالزفير وبالشهيق
.
لاغدن هاك الثمر حمر ونديه !!
.
وردفها: رمل ٍ طغى بوادي سحيق
.
نابي ٍ ماقد خلق بالكون زيه
.
هو يطيق اللمس ولا مايطيق ؟؟!!
.
علميني يالكفوف المستحيه
.
لانظرته جت شياطيني تويق
.
وغير اقرا آية الكرسي عليه
.
الوكاد اني بها اشعلت الحريق
.
وعودها ذاب ابيدي هالمزهريه
.
وجيت ابهدي قلبها اجمل مايليق
.
حرف يشطب حرف قيس العامريه
.
وش بوصف من جديد ومن عتيق
.
ثامن السبع العجايب آهـ هيه !!
.
كل صوت ٍ غيرها صراخ وزعيق
.
خص لاقالت لي : (هيا) بـ دلعنيه ...
.
ارتفع للغيم.. وبالمعنى الدقيق ...
.
والله اخرج عن نطاق الجاذبيه !!
.
حبها ياهو بحر .. ياهو مضيق
.
فيني ومني .. كذا .. مني وفيه !!
.
ان سكرت بحبها جعلي مافيق
.
هالغزال النــــــافره الاريحــــــــيه!!
.
بيننا حبل الـــوفا جدا وثيق
.
لاعصا جلاد و لادمعة ضحـــــــيه
.
لو تغيب شوي مو بس استضيق
.
إلا يهديني الحـــــــــزن قلبه هديه !!
.
وشفني ماشي يمها الله لا يعيق
.
والوعد قلب الديار الطايفيه !!
.
اختصارا" حبها فعلا" عريق
.
من عراقة اصلها هالادمـــــيه!!
.
بس فيها عيب فاتنْة العقيــــق :
.
اسمها تقوى وهي ماهي تقيه !!!

..............

[القروي]

الحمدلله

والله قصيده اكثر من ممتازه صح لسان قائلها وناقلها .

[سهرانه]

[align=center]
سلمت يداك من عرعر برفحا

قصيده روووووووووعة

اختياااار جميل
[/align]

[flower]

جدا رائعه


مشكووووووور على النقل

[فديت شمر]

مشكوووووووور اخوي على القصيده الجميله

الله يعطيك العافيه

[من عرعر برفحاء]

القروي
سهرانه
فلور
فديت شمر

مروركم أجمل

والعذر على التأخير في الرد
فقد كان بسبب الاجازة والتفرغ التام لها

[رفحاوي]

[align=center]

صح لسانك ولسان الشاعر ...

على كثر بنات الشمال ما عشق الا بنت الطايف ؟!!

[/align]

[من عرعر برفحاء]

القلب ومايهوى


وقد يكون لايعشق وانما خيالا محضا

بس اهم شيء نالت رضاك القصيدة


تحياتي