تعليق لرد .فارس بلاجواد. على الوايلي

[نايف عايد]

بسم الله الرحمن الرحيم




اخواني (نقل عن نايف الذعذاع بواسطة الجوال)

بعد ما سمع القصيده وقف عند ابيت اللي يقول


حنا نجازي مـن مدحنـا بزيـه
ونغليه لو ما هو قريب ولد عـم

0
وقال . افا يالشمري.... اذا ما هو عادنا عيال عمه ترانا عادينهم عيال عمنا

قلت يمكن ما يقصد كذا يمكن يقصد ولد العم( الزم)

قال 0 لا بالشطر الثاني ذكر قريب يعني ماهو من الحمة ونفى ولد العم يعني البناخي


بس قله
...
.
.
.


عرق الرحم ورث لنا مرحمية
................................... وانتا ولد عمي وانا لك ولد عم

يالشمري لا صاحت الشمريه
................................ وايل تقوم ويندفق حاقن الــــدم

حنا لبعضنا والليالي (هبيّـه)
.............................. يالضيغمي من يحسب الكم بالكم؟!

عصر الصحابة دمر الجاهلية
............................ واحرق وثنهم وانطوو طيّـة الجـــم

انشد عن الويلان نجد العذية
............................. وانشد أهلها ليه وديانها ( صُــــم )

وانشد عن الويلان قاع الحوية
......................... ونخيب و الفارات و الكوت والــــرم(1)

وباب المدينه كان تبغى (وزية)(2)
....................... ابغداد عامر. وكان تبغى الخبر شم(3)

حنا كذا! لعرق الرحم مرحميه
.......................... وللخبث نار وملح ولجوفهم ســــم

تكرم وتكرم عن دناة الردية
.......................... ما جمل العطار من خمها خــــــم

حقي عليك إنكان حقك عليه
............................ وإن شفتني اقبلت يالشمري قم.


...................
(1) وادي الرم
(2) يعني ما يوازيه
(3) يعني ارتفع بنفسك


00000000000000


وهذا ما قاله اخوي نايف الذعذاع


واللي يبي جواله يراسلني



اخوكم


الشمالي

[فارس بلا جواد]

السلام عليكم... الاخ نايف العايد

اشكر جهد بنقل رد اخونا الشاعر نايف الذعذاع ونقل ملاحظته اللي هي محل احترام وتقدير عندي

وانا هنا اؤكد ان الشمري والعنزي عيال عم من دون الناس والقبايل الثانيه ولا هو قصورن بالجميع

ولكن كما هو المعروف ان شمر قبيلة قحطانية الاصل وعنزة عدنانيه الاصل ويلتقيان بجد وراء قحطان

فهم بالحقيقة والاساس ليسوا اولاد عم بالنسب ولكنهم اليوم اكثر من عيال عم وبينهم مصاهرات واتصال وتواد وتراحم

على هذا الاساس بنيت البيت اللي يقول.... واغليه لو ماهو قريب ولد عم

وانا اقول يا نايف بلا والله عادينكم اخوان واكثر

اما نايف العايد اشكرك ثاني مرة واقول لك قل لنايف الذعذاع... >> فارس بن ضيغم يقول:

[poem=font="Simplified Arabic,5,black,bold,italic" bkcolor="white" bkimage="" border="outset,4,gray" type=1 line=0 align=center use=ex num="0,black"]
لنايف الذعذاع اجمل تحيه= مضمونها تقدير من إبن ضيغم
جاني جوابك يوم ترسله ليّه= وحكيك على عيني وانا لوه فاهم
وش يجمع الويلان بعروق طيّه= عدنان مع قحطان ماهم ولد عم
ما اقصد بها تفريق او مقطعيه= لكنّ جاوبتك وغيرك معلّم
تاريخكم مثل النجوم الجليه= ما يلحق الويلان شك ن ولا ذم
ارجع واقول الشكر واجب عليه=وللنايفين اقول تسلم وتسلم[/poem]

ارجو انه اتضحت الفكرة...............>>

[ليث]

مزارق طيب بين اجواد


لاهنتم جميعا وبورك فيكم

[القروي]

[align=center]الحمدلله
بارك الله فيكم .[/align]

[فارس بلا جواد]

ليث الله لا يهينك بارك فيك

مرور مشرف

[فارس بلا جواد]

القروي .. حياك الباري

مرور مشرف

[فارس بلا جواد]

الاخ نايف عايد... وينك لا حس ولا خبر

يمكن ردي ما جازلك او...

وعندي سؤال/ نايف عايد هل هو نايف الذعذاع؟؟

فارس