حقائق الشعب السعودي !!!!!!!!!! معقوله حنا كذاااااااااااااا

[علي القرني]

[align=center]معقولة


معقولة



معقولة




معقولة


حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم .
وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات .
ووصلنا لكاس العالم ثلاث مرات . وحنا اللي هزمنا العراق في حرب الخليج ..
وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب . وحنا أكثر شعب في المنطقة ,
وحنا أكثر شعب عنده ستالايت . وحنا اللي نمتلك قناة mbc وقناة art ...
وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

حنا اللي أرسلنا أكثر المجاهدين لأفغانستان والبوسنة والشيشان .
وحنا اللي ماأحد يغار على الدين مثلنا ، رغم إن أغلبنا مايصلي كل الفروض .
وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم .
وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة
تلوث في العالم . وحنا اللي قضينا على الحياة البرية في السعودية من كثرالصيد والقنص.
ثم رحنا على مصر والسودان نقضي على الباقي .

حنا أكثر من يطارد بنات العالم في الخارج . وحنا أكثر ناس في العالم ننفق على السياحة .
وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا .
ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا ..
ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ،
لكن مسؤولة عن أفعالها . ماتأكل في العزايم إلا من بقايا أكلنا .
محجوزة عندنا في البيت مثل الغنم . ماتطلع إلا لزيارة الجارة أو للعمل .
حتى زاد عليها الهم والغم . وحتى صارت في الوزن مثل الجمل .
وبعد هذا نمنعها من ممارسة الرياضة لأن الرياضة بس للولد ...!!

حنا اللي الحرمة عندنا ماتكشف حجابها لنا وتكشفه للأجنبي .
وحنا اللي نمنع الحرمة في المدينة من السواقه لأنها فتنة .
حتى لو كانت قبيحة وغير مغرية .ونتركها تركب السيارة لوحدها مع السواق الأجنبي .
رغم إن بنات البدو يسوقون السيارة في الصحراء من زمن . من دون خوف ولا وجل .
ومن دون إعتراض الأهل .


حنا أول من إبتكر مطاردة البنات في الشوارع بالسيارات.
وإذا شفنا بنت راكبة السيارة مع سواقها تجمعنا بسياراتنا حولها مثل الغنم .
نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) .
وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..
حنا السعوديين أحسن المسلمين والعرب.(هيّن بس ) .!!
ملاحظة : كل المعلومات الواردة في المقال صحيحه وعلى حسب الإحصائيات

للدكتور:: صعب بن محمد الزعيمر الشراري {جريدة عكاظ}[/align]

[واقـعـي]

قريب من الصواب

[ديكتاتوري]

[align=center] موضوعك رائع ومضحك بنفس الوقت هههه

لاترقى دوله مالم تحترم قوانينها .. لاتصيروا امعااااااااااااااات .. الكل يبغى يقلد الغرب في تصرفاتهم

والنص ذا متناقض مع النص اللي قبله

حنا اللي نشوف البنت مخلوق ناقص ومالها رأي . ماهي مسؤولة عن نفسها ،
لكن مسؤولة عن أفعالها . ماتأكل في العزايم إلا من بقايا أكلنا .
محجوزة عندنا في البيت مثل الغنم . ماتطلع إلا لزيارة الجارة أو للعمل .
حتى زاد عليها الهم والغم . وحتى صارت في الوزن مثل الجمل .
وبعد هذا نمنعها من ممارسة الرياضة لأن الرياضة بس للولد ...!!

ويعطيك الف عافيه اخوي علي القرني

[/align]

[بنت السناعيس]

هههههههههههههههههههههه لا مشالله عليكم والله السعوديين تاج على روسنااا
وي وي فديت اهل السعوديه وفديت خوالي انا


اختكم : بنــــــــــ السناعيس القطرراويه ــــت

[عبـاس]

اخي العزيز ،، علي القرني
جهد تشكر عليه
احترم وجهة نظر الكاتب رغم إني لاأتفق معه في معظم مايقول
المقال مليء بجلد الذات والسلبية المفرطة وينقل صورة سلبية جدا ً عن الشعب السعودي .. من وجهة نظري
عموما ً
شكرا اخي العزيز وننتظر الأفضل
تقبل تحياتي
اخوكـ .. عبـاس

[ليث]

جمع بين مابرزنا فيه من خير وشر..........

[رعد الشمال]

و==============================>بالصميم

[عايدالشمري]

[align=center]

حنا اللي نشوف البنت مخلوق ناقص ومالها رأي . ماهي مسؤولة عن نفسها ،
لكن مسؤولة عن أفعالها . ماتأكل في العزايم إلا من بقايا أكلنا .
محجوزة عندنا في البيت مثل الغنم . ماتطلع إلا لزيارة الجارة أو للعمل .
حتى زاد عليها الهم والغم . وحتى صارت في الوزن مثل الجمل .
وبعد هذا نمنعها من ممارسة الرياضة لأن الرياضة بس للولد ...!!

حنا اللي الحرمة عندنا ماتكشف حجابها لنا وتكشفه للأجنبي .
وحنا اللي نمنع الحرمة في المدينة من السواقه لأنها فتنة .
حتى لو كانت قبيحة وغير مغرية .ونتركها تركب السيارة لوحدها مع السواق الأجنبي .
رغم إن بنات البدو يسوقون السيارة في الصحراء من زمن . من دون خوف ولا وجل .
ومن دون إعتراض الأهل .

رغم الحقيقة والألم ..
حنا السعوديين أحسن المسلمين والعرب.(هيّن بس ) .!!

أستطيع القول بأن خلاصة الموضوع هي هذه النقاط
و ما فوقها و ما تحتها من نقاط حشو لا أكثر و لا أقل
و الهدف منه واضح دغدغت مشاعر القارئ البسيط
لكي يتمكن الكاتب من تمرير النقاط المقتبسه أعلاه


[/align]

[الحسن المثير]

حقائق الشعب السعودي للكاتب صعب محمد الشراري

أعتقد انه واقع وسبق ونزلنا هالموضوع وسألنا ان كان الشعب مثل ما>كر الكاتب او لا؟!

شكرا لك

[طير % شمر]

السلام عليكم.
يا اخي ارى انك قد بذلت مجهود في هذا الموضوع
اتمنى ان تبذل مجهودك في موضوع اكثر اهميه
واكثر فائده لسعودين والمسلمين.
وجزاك الله خير.
(( طير % شمر))

[فلسطينى وافتخر]

وجزاك الله خير.

[القروي]

[align=center]الحمدلله
اهلا بك وبما سطرته !!!
لكن ارى ان الكلام متناقض مع بعضه والهدف غير معلن !!!
والنتيجه سلبيه % هذه وجهة نظر مع احترامي لوجهة نظرك .[/align]

[الشريهي]

مع إحترامي لرأي الكاتب والناقل إلا أنني أعتقد أننا أفضل المجتمعات المسلمه المتماسكه المحافظه على مذهب السنه والجماعه. ولاأنفي وجود عيوب وأخطاء تلعب فيها الظروف وتكوين النفس البشريه والسن وأمور كثيره دور المسبب فلا كامل إلا ربنا جل جلاله. ولكنها بالمقارنه مع غيرنا فهي ضئيله كما أنها ليست موجوده عند الجميع فلايجوز التعميم في هذه الحاله .ثم من قال أن أغلبيتنا يوافق على مايحدث من البعض ومن قال أن هولاء يمثلون السعوديه.إحذروا إخواني من دس السم بالعسل.وعلى الجميع أن يحرص على إصلاح نفسه وأهل بيته ومجتمعه ولنا في شريعتنا جواب عن كل سؤال.والله الهادي إلى سواء السبيل.والمصلح والمعين.أسأله أن يجنبنا الفتن ماظهر منها ومابطن.