في مساجلاة شعرية بين ( مويضي ) وأختها ( بنا ) تمدح زوجها وتنتقص زوج اختها مويضي :

شوقي غلب شوقك على هبة الريح ،،، ومحصل فخر الكرم والشجاعه
ركاب شوقي كل يوم مشـــــــــاويح ،،، واذا لفى صكوا عليه الجماعه
ياالبيض شومن للرجال المـــــفالح ،،، لا تقربن راعي الردى والدناعه



فأجابتها اختها مويضي تقول :

ماهو بخافيني رجال الشجاعه ،،، ودي بهم بس المناعير صلفين
أريد مندس بوسط الجمــــاعه ،،، يرعى غنمهم والبهم والبعارين
واذا نزرته راح قلبه رعــاعه ،،، يقول : ياهافي الحشا ويش تبغين
وأن قلت له : هات الحطب . قال : طاعه ،،، وعجل يجي بالقدر هو والمواعين
لو اضربه مشتدة في كـــراعه ،،، ماهو بشاكي ولا الناس دارين




الشرح ((للحضران فقط))

شوقي : زوجي
هبة الريح : كثرة المحامد ((قريبة هبوب الريح ))
ركائب : رحائل
مشاويح : غازيات
لفى : حضر
صكوا : اجتمعوا حوله
البيض : النساء
شومن : اتركو الزواج من غير الرجال الفالحين
المفاليح : الطيبون
راعي الردى : صاحب الفعل الرديء
الدناعة : الخساسه
ماهو بجافيني : ماهو خائف علي
ودي : افعل
المناعير : الشجعان
صلفين : غليظون شديدون في المعامله
مندس : متخفي
البهم : ضغار الضأن
البعارين : الأبل
نزرته : نهرته
رعاعه : اصابته رعده
هافي الحشا : ضامر البطن
مشتدة : متمسكه
كراعه : رجله







تحياتي لكم