قصة الحضري

[رائد العجل]

بسم الله الرحمن الرحيم
هذي قصة واحد حضري كان يحبله وحده بدويه اسمه حمده خطبه اكثر من مره ورفضتة حمده لنه حضري ومرتن من الايام جاء غزو لاهل حمده ونوخذ حلالهم وحضري كان عندهم وماخلوه يغزي معهم وغزوا هم ورجعو خسرانين يوم رجعوا قا ل عطوني الفرس والسلاح وغزا لحاله وكسب الغزوا ورجع حلالهم يوم شافته حمده رجع الحلال قالت لبوه انا وافقت اتزوجه رد عليه قال معصي
فقال هذه القصيده

الله لحد ياما غزينا وجينا
وياما ركبنا حاميات المشاويح
وياما على اكوارهم اعتلينا
وياما ركبناهن عصيرن مراويح
وياما تعاطت بلهنادي يدينا
وياما تقاسمنا حلال المصاليح
وراك تزهد ياريش العين فينا
تقول خيال الحضر زين تصفيح
الطيب ماهو بس لظياغينا
مقسمن بين الوجيه المفاليح
البدو واللي بالقرى نازلينا
كلن عطاه الله من هبة الريح
يوم الفضول بحلتك شارعينا
بالشلف ينحونك سوات الزنانحيح
يوم انجمر رمحي خذيت السنينا
وادعيت عنك الخيل صم مدابيح
هيا عطينا الحق هيا عطينا
ون ماعطيتنياه والله لاصيح
اصيح صيحت من غداله جنيني
ولا خلوجن ضيعوه المساريح
ياعود ياريحانن بعرض الباطنبنا
ومنين ماهب الهوافاحله ريح
لاخوخ لارمان ولاهو بتينا
مشمش البصره ولا بالتفافيح
وخدن كما قرطاستن في يمينا
وعيونن نجل للمشاقا ذوابيح
صخف بلطف بانهزاع بلينا
ياغصن موزون هزعه ناسم الريح

[ديكتاتوري]

[align=center]كفـــو .. لله دره

هيا عطينا الحق هيا عطينا ... ون ماعطيتنياه والله لاصيح

بس ياخي قويه فارس وشاعر .. ناوي علي الصياح

مشكور اخوي رائد العجل على القصه والقصيده الرائعه[/align]

[ابو زياد]

يعطيك العافيه على النقل الرائع

[عذب القوافي]

شكرا على النقل الجميل


طبعا القصه معروووفه والقصيده ايضا كذلك


اشكرك مرة اخرى

[زين تصفيح]

صح لسانك

لاهنت اخوي رائد العجل ..

[رائد العجل]

صح بدنك ياالدكتاتوري والله يشفي والدتك ان شاء الله

[رائد العجل]

الله يعافيك يابوا زياد

[رائد العجل]

الله يعافيك ياعذب القوافي

[رائد العجل]

صح بدنك يازين تصفيح

[الوسام]

صح لسان الناقل والفارس الحضري

[السلطه الخامسه]

نعم اخوي القصه حقيقيه وصاحبها معروف من اهل ثرمد وهو من عائلة العنقري
وحينما اتى ليخطب ابنت البدوي قالت له ان الحضري زين تصفيح اي يلوذ بلفرار بسرعه عن القوم

ولكن هناك توضيح بسيط انه لم يذهب لوحده

ولكن قايم يداور الحيلات حتى يثبت شجاعته وحينما اتاء غزاة على تلك القبيله ووخذت حلالهم
هنا برز كفارس يشار له بلانان والصبح من الحد الاسباب بعد الله بسترجاع الحلال الماخوذ
ووافقة البنت على الزواج ولكنه رفض تلك البنت وانشد قصيدته المذكوره


بارك الله فيك

[زين تصفيح]

ان الحضري زين تصفيح اي يلوذ بلفرار بسرعه عن القوم

اخوي السلطة الخامسه هذا تفسيرك لمعنى (زين تصفيح)

المعنى الصحيح (حسن المظهر والشكل)

وبعدين تقول هو لم يذهب لوحده !!اكيد!! ماراح يصير قرينديزررر ويرد الغزو لحاله...

لا وبعد تقول ان العنقري معرووووف تعرفه انت زين !!

بصراحه يالسلطه الخامسه انت من جنبه ..

[نايف بن سبيل]

مشكور اخوي رائد على النقل الجميل

[شامي الدهيمان]

يعطيك العافية أبن عجل

ننتظر الجديد من القصص والابداع

[المديرالسعودي]

رائد العجل
صح لسانك