ماهي حايل لو ان الاسم حايل؟؟؟

[الصقر]

قصيدة معبرة ومختارة في مدح اهل حائل وما يتميزون به من كرم وشهامة وشجاعه
ارجوا ان تحوز على رضاكم

ماهي حايل لو ان الأسم حايـل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ انـا عنـدي براهيـن ودلايـل
بلادٍ تنجـب رجـالٍ نشامـى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وتنجب شيوخ فرسان القبايـل
وتنجب كـل رجـالٍ مسمـى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ حصانٍ عانق الحصن الاصايل
هوى وجبال ونفـوسٍ عزيـزه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بـلاد تجمـع عيـال الحمايـل
غريب الدار لاجاهـا رغبهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ يفوت العمـر مـادور بدايـل
تحت ضل السعود اخوان نوره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ماهي حايل لو ان الاسم حايـل
حايل طيبها من طيـب اهلهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هل الطولات ماظيـن الفعايـل
عزيزين الجوار اهـل الحميـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لهم عادات في كسـب النفايـل
هل الشيمات والهمـات دايـم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ جوابٍ يقتنع بـه كـل سايـل
أهل قولة هلا من قلب صافـي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هلا تجلي عن الكبـد الغلايـل
هل الترحيب ورجال الشكالـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هل الفزعات وافين الخصايـل
بلد طاعه بلـد طيبـه وهيبـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ماهي حايل لو ان الاسم حايـل
حايل لو تحدث عـن كرمهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ قضى عنك الحكي ماطلت طايل
كفايـه حاتـم الطائـي ولدهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بحاتم تظرب النـاس المثايـل
سجـايـا حاتمـيـه حايلـيـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ شمايـل ماتماثلـهـا شمـايـل
عناويـن الشهامـه والكرامـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ مواريثٍ مـن رجـالٍ اوايـل
إلا شح الزمان وشـان وجهـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لاهل قولة هلا شـد الرحايـل
ماكل اسمٍ يبي يطابـق مسمـى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ولاهي حايل لو ان الاسم حايل
عروسٍ بالشمال ارض المحبه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لها وجدٍ بوسط القلـب هايـل
عليهـا سابقتنـي ذكريـاتـي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ طفوله حالمـه وعقـال مايـل
سلام الله على حـي الزبـاره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وعلى ذيك المرابع والمسايـل
ولاهب الهوى من صوب ربعي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ذكرت اللي يعشقون الجمايـل
ذكرت مبرهـجٍ ماصـك بابـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ بوقته والعرب مامـن صمايـل
واكيد اللـي مسميهـا ظلمهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ماهي حايل لو ان الاسم حايـل

للشاعر الكبير والمبدع / طلال السعيد

[القروي]

الحمدلله
جزاه الله خير على هالقصيده فهو مبدع دائم ومن فحول الشعر لاشك في ذلك
وشكراً على ايرادها يالصقر عز الله انك صقر !

[الأمراطور]

{شكرا على القصيده الرائعه يا صقر اسمن على مسما}

[ديكتاتوري]

حايل طيبها من طيـب اهلهـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هل الطولات ماظيـن الفعايـل
عزيزين الجوار اهـل الحميـا
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لهم عادات في كسـب النفايـل

صح لسانه

مشكور اخوي الصقر على النقل الرائع

[الصقر]

الاخ الفاضل / القروي
اشكر مرورك وشهادة اعتز بها

[الصقر]

الاخ الفاضل / الامراطور
تسلم يالغالي