قصة الحضري

[رائد العجل]

بسم الله الرحمن الرحيم
هذي قصة واحد حضري كان يحبله وحده بدويه اسمه حمده خطبه اكثر من مره ورفضتة حمده لنه حضري ومرتن من الايام جاء غزو لاهل حمده ونوخذ حلالهم وحضري كان عندهم وماخلوه يغزي معهم وغزوا هم ورجعو خسرانين يوم رجعوا قا ل عطوني الفرس والسلاح وغزا لحاله وكسب الغزوا ورجع حلالهم يوم شافته حمده رجع الحلال قالت لبوه انا وافقت اتزوجه رد عليه قال معصي
فقال هذه القصيده

الله لحد ياما غزينا وجينا
وياما ركبنا حاميات المشاويح
وياما على اكوارهم اعتلينا
وياما ركبناهن عصيرن مراويح
وياما تعاطت بلهنادي يدينا
وياما تقاسمنا حلال المصاليح
وراك تزهد ياريش العين فينا
تقول خيال الحضر زين تصفيح
الطيب ماهو بس لظياغينا
مقسمن بين الوجيه المفاليح
البدو واللي بالقرى نازلينا
كلن عطاه الله من هبة الريح
يوم الفضول بحلتك شارعينا
بالشلف ينحونك سوات الزنانحيح
يوم انجمر رمحي خذيت السنينا
وادعيت عنك الخيل صم مدابيح
هيا عطينا الحق هيا عطينا
ون ماعطيتنياه والله لاصيح
اصيح صيحت من غداله جنيني
ولا خلوجن ضيعوه المساريح
ياعود ياريحانن بعرض الباطنبنا
ومنين ماهب الهوافاحله ريح
لاخوخ لارمان ولاهو بتينا
مشمش البصره ولا بالتفافيح
وخدن كما قرطاستن في يمينا
وعيونن نجل للمشاقا ذوابيح
صخف بلطف بانهزاع بلينا
ياغصن موزون هزعه ناسم الريح

[رائد العجل]

مساء الخير ياشباب اتمنى ان هذه القصه والقصيده نالت على اعجابكم اخوكم فالله رائد عافت العجل

[هديل]

ياحي الله رائد

بدايه رائعه........تشكر عالموضوع

وصح لسانك

[رائد العجل]

صح بدنك وتسلمين ياهديل

[رائد العجل]

بسم الله الرحمن الرحيم
هاذي القصيده على ابو حاكم سلطان العجل

ناجيت فكري قلت يافكر وشجاك مرت عليك ايام عزت قوافيك
وين الشعر وين المعاني فقدناك وين انت مابينت قمرا لياليك
ابيك يافكري تجود بعطاياك وتكتب مديحن طال عمره يراجيك
خاطب به اللي يوم جيته تلقاك بوجهن بشوشن محييك
قل انت يابو حاكم عسى اللاش يفداك انت الذي تفزع لياجاك ناخيك
وانت الذي تستاهل المدح يمناك وانت الذي تعجز بيوتي توافيك
قليل من الناس مثلك وشرواك ياحر يانصرتن لقومن لجو فيك
ابيات شعرن تبتسم يوم لقياك فاحت عور ازهارها عندطاريك

[مراسل الموقع]

صح لسانك وتسلم يا ابن عجل

[ابو زياد]

صح اللسانك وتسلم يابن عجل على القصه الجميله

والابياااات الاجمل لاعدمناك ولاتحرمنا من جديدك

[القروي]

الحمدلله
اهلاً برايد العجل
القصيده لبداح العنقري
وبنات قبل يردن الكريم الشجاع الي له الصيت !
ماهن مثل بعض بنات هالوقت يراعن للي يلمع خده او يلمّعه ويمشط جذلته وهو مايسوى كيلو عدس .
وراك تزهد ياريش العين فينا = وتقول خيّال القرى زين تصفيح !
ومنها
يوم الفضول بحلتك دارعينا = والخيل باخوانك سوات الزنانيح !
يوم انثنى رمحي خذيت السنينا= واودعت قب الخيل عنهم مراويح !
الزنانيح مفرده زناحه بشكل غطاء قوطي النيدو يحذفونه الورعان فتنطلق مالسهم
مع سهل الارض
بدايه طيبه وشكراً