الطــير مـن فـــوق الســـمـا يجدعنــه ...

**ابن روما المدلل** · 17 Mar 2007, 01:09 PM

هــذه القصيــدة خــاصـة بالنســـاء : ـ

=============

قال الصبيحي يــــــوم وقته تحــــــداه

وصـــــار يتكلم من ضمــيرٍ يكـــــــنه

وقــامــت هواجيـسـه مع الليل تنصاه

وقامـــــن هـمـوم بـداخـــله يلـهدنـــه

ويـون تـــال الليل من حـــر مـاجــــاه

ويردهـــــا باليــــوم تسعيــــن ونــــه

ومــــرة عليـــــه سنين مــابث شكواه

خــــــوفه هـروج النـــاس لايفضـحنه

وأصــــــبح كمـــــا اللي نقل داه برداه

مـن ســـــبة عـيونٍ طـــلــع وإلمحـنه

من الذي مـــاشـــفت بالــــناس حليـاه

الطــير مـن فـــوق الســـمـا يجدعنــه

سهمٍ رمـنــه صــاب قلبي ولا أخطـــاه

وش حــــيلة اللي بالحـشــا صـوبنـــه

ياضـعفهن بأجســـامهن بس ويــــلاه

سهم العيون ان صاب شخص اذبحـنه

اللي تحـداهــن من النــاس وش جــاه

يالـعـنـبـوهـــن ليـــــه مايـــرحــمـنـه

كم واحــدٍ صــلبٍ على الناس ماقـــواه

فـي لحـــضـةٍ عـن قـــوتــه ميلنــــــه

وكم فـــارس ٍ تـلعب بالأرقــــاب يمناه

بعـيـونهـن يــوم إنـــظـرن خــــدرنـه

ولــوهو أمـيــرٍ فــوق كرســي تعــلاه

اليـــا اشـتـهـن تـنـزيـلـتـــه نزلنـــــه

من نظـرةٍ وحـده ومن بسـمة اشــفاه

واللـي يـبـــن مـن بعــدها ياصـــــلنه

لكــن تـــرى في قـــربهـن ماتمــــناه

كـــل الحـنـــان بقـربهــن يبــذلنـــــه

فيهـــن دواء للـي شــكـا حـــــرة الآه

وفيـهــن وطــــن للي ديــاره رمـــنه

واللي يجـــي زعـلان ويدور رضــــاه

وش غير ضــمة حضــنهن لاحضـننه

يامــاحــلا منطوقهن حــيل ماحــــلاه

وياماحــــلا مجلاسهــن لجـــلسنـــــه

بهن الحنــان وفيهن الــــــود نلقــــاه

وبهــن المحــبه من عطــاهن عطنـه

هــن لـــذة الــدنيا وهــن نعمـــــة الله

وهــــن الـذي ببيــوت الأجـواد جنــه

يقولــها اللي جــرب الـحـب وأضنــاه

أنـتـــن حــــدي ثـنـتـيـن ماتخـلـفـنـه

أنتن حـلا وأنتن شفا وأنتن دوى الااه

وأنتن رضـا وأنتن هـنـــا اللي تبنـــه

والا سقــــم والاعـــــذاب ٍ ومأســــاه

والا جـحـيـم لكـل مــــن تـبـعــدنـــــه

============

ودمتــم بــود ...

**ابو زياد** · 17 Mar 2007, 01:19 PM

يعطيك الف الف الف عافيه على القصيده

الجميله عاد وشخليت لاهل الغزل

**هديل** · 17 Mar 2007, 02:30 PM

على راسي والله على هالقصيده

اول مره احد ينصف النساء؟؟؟؟

مشكوووووووووووور وصح لسانك

بس مييين الشاعر؟؟؟

**ليث** · 17 Mar 2007, 11:06 PM

خاصه بالنساااء

لك الشكر ولاهنت

**ابن روما المدلل** · 18 Mar 2007, 03:11 AM

المشاركة الأصلية كتبت بواسطة ابو زياد

يعطيك الف الف الف عافيه على القصيده

الجميله عاد وشخليت لاهل الغزل

حيــاكـ ربي يا بو زياد ... نورت موضوعــي ...

وسالفة اهل الغزل ,, ما فيهم حيله اهل الغزل ,, وما يبلشوون فيهاا بيجيبوون احسن من هالقصيدة >> بس خلهم يتحدووني >> واثق ههههههههه

**ابن روما المدلل** · 18 Mar 2007, 03:13 AM

المشاركة الأصلية كتبت بواسطة هديل

على راسي والله على هالقصيده

اول مره احد ينصف النساء؟؟؟؟

مشكوووووووووووور وصح لسانك

بس مييين الشاعر؟؟؟

شهادة اعتز بهااا ,, الف شكر لمرورك يا هديل ...

وبالنسبة للقائل أخااف تنصدمين فيه ,, ثمن تغيرين وجهت نظرك عن هالقصيدة >>ههههه

**بنت النفود** · 18 Mar 2007, 06:48 PM

انااشهــــــــــــــــــــــدصح لسانكــــ

**بنت النفود** · 18 Mar 2007, 06:54 PM

المشاركة الأصلية كتبت بواسطة بنت النفود

انااشهــــــــــــــــــــــدصح لسانكــــ

وننتظرالمزيد

**همس شاعر** · 19 Mar 2007, 03:55 AM

قصيده جميله وصح لسان شاعرها

**ديكتاتوري** · 21 Mar 2007, 05:57 AM

[align=center]لله درك .. على الاختيار الرائع

يعطيك الف عافيه اخوي على القصيده الجميله[/align]

**ابن روما المدلل** · 04 Apr 2007, 01:55 AM

المشاركة الأصلية كتبت بواسطة ليث

خاصه بالنساااء

لك الشكر ولاهنت

حيااك ربي ,,اخووي ليث ...

**القروي** · 04 Apr 2007, 07:13 AM

[align=center]الحمدللهّ
يقول احد المجربين ايضا !!!

يالله لاتجزاء الغنادير بالخير = يالله لاتفتح لهن باب جنّه
المبعدات المقربات المناكير = الطير لوهو بالخضيرا رمنّه

رائعه كروعة قائلها بس جب وحده بالرجال !!!![/align]

**المديرالسعودي** · 07 Apr 2007, 05:57 PM

ابن روما المدلل
شكرا لك ويعطيك العافيه
دمت برعاية الله

**عجائب رفحاء** · 07 Apr 2007, 11:41 PM

دامه خاصه بالبنات ما ني قاريه

**ابن روما المدلل** · 08 Apr 2007, 03:41 AM

المشاركة الأصلية كتبت بواسطة همس شاعر

قصيده جميله وصح لسان شاعرها

والاجمل حضورك اخوي همس ..

آخر المشاركات

الموضوع: الطــير مـن فـــوق الســـمـا يجدعنــه ...

أدوات الموضوع

تقييم هذا الموضوع

عرض

الطــير مـن فـــوق الســـمـا يجدعنــه ...

مواقع النشر (المفضلة)

مواقع النشر (المفضلة)

ضوابط المشاركة