حراج الخبول !

[F-16]

السلام عليكم ورحمة الله وبركاته
مساكم الله بالخير جميعاً ..حراج الخبول أو ما يسميه البعض سوق الخبول هو سوق لشراء الأشياء المستعملة وبيعها . مو هذا الموضوع الموضوع طول الله أعماركم أني حبيت أفرش البيت من جديد فبلشت بالفرش والمجالس القديمة فأشار لي أحد الزملاء أن أبيع الاشياء القديمة في حراج الخبول لأنهم خبول يشرون كل شي ,ذهبت إلى إحدى هذه الحراجات فقلت: عندي مجلس كنب وبعض الفرش ودي أبيعه ..*فقالي أجيلك عل البيت بعد الصلاة * ويوم جاء وتفحص المجلس والفرش قال كم طول المجلس قلت : 9×7 فقال إذا تبيه بثلاث مية أشريه قلت يا ولد نظيف وشريته أول بثلاث الآف ..قال هذا آخر كلام فقلت نصيبك والشكوى لله ..من ثلاث آلاف إلى ثلاث مية ... وتلقاه بكره يبيعه بلفين أو بلف وخمس مية ..السؤال أطرحه عليكم إذا كان عندي مجلس قديم أبي أبيعه وين أوديه بالذات إذا كان نظيف أفيدوني جزاكم الله خير ؟؟

[ابو زياد]

مافيهم حيله وده لهم او تصدقبه مالك الا الله ثم هم يشرونه

اوتصدقبه او أهده وفااااااااااااالك التوفيق

[F-16]

هلا بالشيخ أبو زياد ومشكور على مرورك العاطر

[بــرسـتـيـــج]

[align=center]شرّ لا بد منه يا أف ستطعش ..
والله يعوّضك خير ..
على طاري سوق الخبول
يسولف لي صديقي قائلاً :

مرّه من المرات رحت مع أخوي وبالصدفه مرينا سوق الخبول ..
قال أخوي لي : تبغاني أوريك هل هم خبول او لا ؟
قلت له " والكلام هنا لصديقي" : يالله !!
فمرينا من عند واحد من اللي يبيعون ويشترون هناك فسأله أخوي : هذا سوق الخبول ؟
قال الرجل : ايه ..
قال أخوي : ما قلت لك أنهم خبول ..أحد يقول عن نفسه خبل ؟؟

.. [/align]

[F-16]

ههههههههههههههههههههههه
يعني ما كذب اللي سماهم خبول .. ومشكور برستيج على مرورك الحلوو .

[الوسام]

اولا مشكورعلى هذا الموضوع وبعدين أي فرع تكلم عنه سوق الخبول في كل مكان حدد
ثانيآ اذا تبي تبيع عفش عندك غالي أعرضه على أصدقاك أو أقاربك أوجيرانك أو زملاك في العمل وخل أخر شي الخبول

[F-16]

مشكور على مرورك يالوسام..ولا ودي أذكر اسم المحل لأنه غيبه إذا تعرف معنى الغيبة ..

[رفحاوي]

[align=center]
من 3000 الى 300 ؟!!

صارت اسهم مو كنب ...

رايي اللي عنده اثاث قديم وقادر يشتري جديد يتصدق بالقديم ...
[/align]

[align=center]
مرّه من المرات رحت مع أخوي وبالصدفه مرينا سوق الخبول ..
قال أخوي لي : تبغاني أوريك هل هم خبول او لا ؟
قلت له " والكلام هنا لصديقي" : يالله !!
فمرينا من عند واحد من اللي يبيعون ويشترون هناك فسأله أخوي : هذا سوق الخبول ؟
قال الرجل : ايه ..
قال أخوي : ما قلت لك أنهم خبول ..أحد يقول عن نفسه خبل ؟؟

.. [/align]

[align=center]

هههههههههههههههههههاي

ذكي اخوك ما شاء الله عليه ...

يمكن تاجر سوق الخبول خبل او انه واثق من نفسه انه خبل ... يعني بكل الحالتين خبل


[/align]

[F-16]

مشكور رفحاوي على مرورك

[هرطمان]

اف ستطعش انصحك تعرضه على خوياك وزملاك احسن

نرجع لسوق الخبول
هو سوق الخبول صحيح
لاكن بعد هاذا هو الخبول الباعه والا الزباين الي يبيعون عليهم ويشترون منهم !!!
هالحين بثلاث الاف يبونه بثلاث ميه
واذا جا ثاني شراها بالفين
مين الخبل يعني

[ليث]

حتى لو تزعل مالك غيرهم


خلها نخوه وطلب... قله تكفى

[رداد]

نصيحتي في مثل هذي الحالات انك تتبرع فيه لاي مسكين وتكسب اجره أفضل لك من بيعها باسعار توجع بطنك وتقهرك

[F-16]

هرطمان (أبو لطمة )..
**اف ستطعش انصحك تعرضه على خوياك وزملاك احسن**
وانا الحمد لله في هذا المنتدى أعتبر نفسي بين أخوياي وزملائي ...وانا سئلة سؤال ما طلبت تعليق ,,ومشكور على مرورك يابو لطمة....

[F-16]

هلا ومرحبا بالاخ ليث ..وما أقول إلا الشكوى لله ..ما في إلا هم ..

[F-16]

هلا بالاخ رداد , وفعلا أفضل شيئ أني أتصدق بالأشياء القديمة ..وهذا الي راح أقدم عليه ..
ومشكور على ردك يا رداد .