نهاية الطمع

**بنت الخليج** · 13 May 2007, 01:49 PM

[align=center]في وحده بالكويت

بنت خير ونعمة ومو متزوجة وبغت العفة والستر وبالحلال

فقالت لرفيجاتها

إللي تزوجني والله أعطيها 10 الاف دينار كويتي

قامو البنات يدللون على أخوانهم وعيال عمهم

وما صار نصيب

فكرت وحده من البنات بفكرة

راحت لزوجها وقالت له إشرايك تتزوجها وتطلقها بعد فترة

وآخذ آنه 5 آلاف وأنت 5 آلاف ؟؟؟

طبعا زوجها رفض رفضاً باااااااااااتاً

وضحك عليها وعلى خبالها

لكنها أصرت عليه

والسبب إنها واثقه جداً من جمالها وحب زوجها لها

وما تظن أن ممكن وحده تصك عليها

المهم صارت تحن وتحن على زوجها

لما قال لها آنه فكرت ولقيت فكرتج مقبولة

وخطب البنت

والبنت وافقت

وتمت الملكة

فجاء الزوج

وأعطى زوجته المبلغ الكامل

قالت له : لا حبيبي بالنصيفه

رد عليها : خليهم لج شبعي فيهم

إنتي بعتيني وهي شرتني

روحي وانتي طاااااااااااااالق

(منقول من الإيميل)

( والله تستاهل )[/align]

**رفحاوي** · 13 May 2007, 02:15 PM

صدقوا يوم قالوا "دونك خير قال ما معي ماعون"

هالحين مرته تصر عليه يعرس وهو رافض ؟!!

ويوم وافق وتزوج طلقه ؟!!

صج انه ثور ....

مشكورة على القصة (الحقيقية) ...

**الكتراز** · 13 May 2007, 05:08 PM

كود PHP:


رد عليها : خليهم لج شبعي فيهم 

إنتي بعتيني وهي شرتني

روحي وانتي طاااااااااااااالق

أشهد بالله انه شنب

**ليث** · 13 May 2007, 06:57 PM

والله انه الرجل

فعلا الطمع يضيع راعيه

**الجنتل** · 13 May 2007, 08:04 PM

وين ألقى مثل هالحريم ذولي ؟؟؟؟؟

أخخخخخخ بس

والله لو إني منه كان آخذ 10 الاف دينار واتزوجها

وبالفلوس اتزوج الثالثة وأطرب نفسي

لكنه صحيح ثور

هههههههههههه

**بنت الخليج** · 14 May 2007, 07:42 AM

رفحاوي ما وافقت يتزوج عشان ترضيه،باعته و خذت ثمن بيعتها،لو مخليها على ذمته بيرتاح معاها و هو عارف إن الفلوس عندها أهم منه؟ أظن الرجال ما يقبلها على نفسه.إلا إذا في رجال ما تفرق معهم!!

**بنت الخليج** · 14 May 2007, 07:44 AM

أنا مع الكتراز و ليث. أما رفحاوي و الجنتل طلعت ما تفرق معهم!

**بنت الخليج** · 14 May 2007, 07:45 AM

رفحاوي،ليش الحقيقية بين قوسين؟؟
تراني مدري إن كانت حقيقية أو خيالية .

**رفحاوي** · 14 May 2007, 08:16 AM

هي ما باعته ...

سمحت له يتزوج مدة بسيطة عشان الفلوس ...

صح طماعة لكن ما باعته ...

يعني تصرف الثور غلط ...

بعدين حنا ابدينا ارتياحنا على اصرار الزوجة انه يتزوج مو عشان بالموضوع فلوس ...

اكيد فيه ناس طماعين وما عندهم كرامة ...

القصة احتمال كبير تكون مؤلفة ...

ليث والكتراز اذكياء ويشوفون وش يبي الجمهور ...

**ابن الملز** · 14 May 2007, 11:33 AM

الفلوس تغير النفوس

آخر المشاركات

الموضوع: نهاية الطمع

أدوات الموضوع

تقييم هذا الموضوع

عرض

نهاية الطمع

مواقع النشر (المفضلة)

مواقع النشر (المفضلة)

ضوابط المشاركة