دعوه للنقاش ... تحت عنوان الكبرياء وتدمير الحياة الزوجيه

**الحسن المثير** · 31 May 2007, 12:18 AM

السلام عليكم ورحمة الله وبركاته

أحبتي في الله ....

دعوه للنقاش حول كبرياء الأزواج وتدمير حياتهم ....

أختي الفاضله هل تتنازلين عن حقك وكبريائك من أجل ارضاء الزوج ؟؟ وهل تؤيدين أن الكبرياء يدمر الحياة الزوجيه ؟؟
أخي الفاضل هل تتنازل عن حقك وكبريائك من أجل ارضاء الزوجه؟؟ وهل تؤيدين أن الكبرياء يدمر الحياة الزوجيه ؟؟

تنبيه
نتمنى النقاش بعيدا عن المشاحنات واحترام الأراء

فدلوا بدلوكم ولكم أرق التحايا

**رفحاوي** · 31 May 2007, 03:28 AM

[align=center]
وعليكم السلام ورحمة الله وبركاته ...

اذا وصلت الحياة لمرحلة يتكبر احد الزوجين على الآخر فتلك مشكلة ...

إذا كان المقصود عزة النفس فيجب على الزوج أن يحافظ على عزة زوجته ومكانتها وكذلك الزوجة تحافظ على عزة زوجها ...
[/align]

**المديرالسعودي** · 01 Jun 2007, 01:36 PM

التفاهم مطلب ضروري
والبعد عن اراء الاخرين
والمشوره
دمتم بخير
وفق الله الجميع

**الواثق** · 04 Jun 2007, 01:53 AM

لا لاااااااااااااااااااااااااااااااااااااااا

**أبو هيا** · 04 Jun 2007, 06:08 AM

انا اشوف ان الكره في ملعب الزوجه هي من يملك ان يهدم الحياة الزوجيه او العكس..الرجل لو ماكان معجب في اراء زوجته ماخطبها من الاساس ولكن الزوجه وخصوصا في مجتمعنا الشرقي يجب ان لاتضطر الزوج ان يكون بموقع يسمح له بخدش كبريائه لان ذلك سوف يقلل من احترامه لنفسه وينقص من قدره..المرأه الذكيه اللي ماتضطر زوجها لذلك

**بنت الخليج** · 04 Jun 2007, 08:56 AM

أنا أعتقد بأن الزوج و الزوجة كيان واحد خاصة إذا تربطهم عشرة طويلة و عيال و عن نفسي ممكن أتنازل عن حقوقي و كبريائي إذا كان هالتنازل موضع تقدير و حسيت بأن زوجي بدوره يتنازل عن بعض من حقوقه لإستمرار الحياة بينا...ومع الوقت يكون هدف الزوجين سعادة عيالهم مهما كلفتهم هالسعادة من تنازلات ،فسعادتهم تستاهل إي تنازل يقدم.

أخ حمود ما أعتقد بأن كل شخص مقدم على الزواج يخطب لانه معجب بإراء زوجته ، في من يخطب لأنه يدور ع الجمال وبس وفي اللي يبي يرضي أهله و في اللي يدور على اللي لها دخل حتى يخفف من إعباءه المادية وفي اللي يدور ع نسب أشخاص بعينهم ..................إلخ

**أبو هيا** · 04 Jun 2007, 12:40 PM

المشاركة الأصلية كتبت بواسطة بنت الخليج

و حسيت بأن زوجي بدوره يتنازل عن بعض من حقوقه لإستمرار الحياة بينا...

اختي بنت الخليج

ليش تخلين زوجك يضطر انه يتنازل عن حقوقه

**بنت الخليج** · 04 Jun 2007, 12:46 PM

هلا أخوي حمود
شي طبيعي إحنا الأثنين نتنازل عشان الحياة تستمر
مثلاً يتنازل عن بعض إحتياجاته المادية حتى يوفر أشيا ثانية للبيت
يتنازل عن الوقت اللي يقضيه مع ربعه عشان يهتم بعياله و بدراستهم
يتنازل و يعذر زوجته إذا غلطت عشان يعطيها فرصة تصلح من نفسها
من وجهة نظري التنازل مطلوب

**أبو هيا** · 04 Jun 2007, 12:59 PM

اللي ذكرتيهم يابنت الخليج حقوق عليه يجب انه يوفي فيها
كلامك منطقي وواقعي يا اختي الكريمه بس لاحظي اختلاف المجتمعات والعادات والتقاليد..يعني بجده مثلا الرجل ماله اي قيمه من وجهة نظري فالمرأه هي اللي توجهه وهذي قناعتهم ولكن في الشمال صعب جدا الرجل يسمح بلمس كبريائه او الخطأ في حقه لانه مايطلب من المرأه الا انها تكون مرتاحه في بيتها..بس المشكله بالمرأه ماتجلس راجه لازم تخترع المشاكل..
انا ماني فاهم... غلط المرأه على الرجال ليش يعني؟؟من وجهة نظري ان الرجال بما ان الرجال قوامون على النساء هو اللي احتمال يخطي عليها اما المرأه متى وبأي وقت يجق لها تتجادل مع الرجل علشان تخطئ عليه..اذا هو المسؤول عن كل شئ يجب انها تهئ له الجو المناسب داخل البيت وتحترمه وتقدر اعماله..
المرأه اللي تغلط على زوجها هذي ماتبيه واحسن شئ يسويه هو انه يوديها بيت اهلها لانها ماتجبه ومستجيله الحياة بينهم

**بنت الخليج** · 04 Jun 2007, 01:05 PM

إذا الإحترام موجود بين الأثنين بيعيشون براحة،أنا ما يعجبني الرجال اللي يمشي ع شور مرته بالعكس الرجال هو الحاكم الناهي ببيته .....لكن إذا كان ما يحترم مرته و يقلل من قيمتها ما يستاهل الإحترام ...أما إذا وفر الإحترام لمرته و عاملها معاملة زينة و حفظ كرامتها بينه و بينها و قدام عيالها فالمرة بتحطه بعيونها و بيكون تاج راسها.

**أبو هيا** · 04 Jun 2007, 07:18 PM

اوكي يعني اذا ما احترمها يجوز لها تغلط عليه واذا احترمها تحطه بعيونها؟؟

انا اقول ان المرأه هي اللي تحدد النقاط هذي لانه مافيه رجل بالعالم مايبي زوجته تكون احسن الناس ولكن هي من يحدد هل يحترمها ام لا ..اذا كانت ماتستاهل الاحترام ليش تغلط عليه؟

**رفحاوي** · 05 Jun 2007, 01:56 AM

[align=center]
ودي اشجعك يا حمود بس ذال ...

[/align]

**أبو هيا** · 05 Jun 2007, 09:24 PM

ههههههههههههههههههههههههههههه

افا من اللي مروعك يارفحاوي ياتوأم روحي ..انت اشر عليه بس وشف وش يصير فيه

**رفحاوي** · 06 Jun 2007, 12:59 AM

المشاركة الأصلية كتبت بواسطة hmoud18

ههههههههههههههههههههههههههههه

افا من اللي مروعك يارفحاوي ياتوأم روحي ..انت اشر عليه بس وشف وش يصير فيه

[align=center]
هههههههههههههههههه

بعد راسي هالراس ...

اقوى ارد على البنية وهي بصراحة هادية وما تحب المشاكل ...

لكن ذال من الفواريس النوابيل (جمع الفارس النبيل) اللي يكون ثيابهم مرتين باليوم واغلى ما عليهم التميلح ...

ما اقوى افصح اكثر اخاف انكشف عساك فهمتن ؟!!
[/align]

**أبو هيا** · 06 Jun 2007, 09:51 AM

ههههههههههههههههههههههههههههه

ماعليك منهم

بالنسبه للنقاش مع بنت الخليج ممتع لانها عقليه باين عليها انها فهمانه ماشاءالله بس مشكلة بنات هاليومين الله يحفظهن انهن شايفات انفسهن اكثر ومستعدات انهن يهاوشن ازواجهن بأي لحظه,,,

ما ادري يارفحاوي التغير فينا والا بحريم هالوقت..بس اللي يخليني اقول ان الحريم هن المتغيرات سبب بسيط..شف الحريم قبل 30 سنه..اميات ومع ذلك عيالهن ناجحين وازواجهم راضين عليهم وفوق ذا كله ماتلقى بالبت شغاله ولاتسمع منها نبي نصيف بلبنان والا ماليزيا اقصى شئ تطلبه قماش تترو وان زودتها قالت ودي اشوف اهلي لي 4 سنين عنهم وتلقى اهلها بعد اما بشعيب الخشيبي والا بالنفود وان ابعدوا ورى قيصومة فيحان...
هالحين نفسها شينه واهلها ورى نجران وكل ويكند تبي عندهم وفوق هذا شغاله وفوق هذا تبي تسافر بالصيف....

تصدق عاد بديت اغير رأيي اضن بنات حواء طينه وحده بس الشيبان كانوا غير..كانو دكتاتوريين وحنا ناعمين هههههههههههههههههههههه والله بربسه..وش تهقى يارفحاوي يصير بجدتك لو طالبه من جدك تصيف بلبنان والا يجيب لها شغاله هههههههههههههههههههههه

آخر المشاركات

الموضوع: دعوه للنقاش ... تحت عنوان الكبرياء وتدمير الحياة الزوجيه

أدوات الموضوع

تقييم هذا الموضوع

عرض

دعوه للنقاش ... تحت عنوان الكبرياء وتدمير الحياة الزوجيه

مواقع النشر (المفضلة)

مواقع النشر (المفضلة)

ضوابط المشاركة