قصه وقصيده..................!!!!!!

[المحكمه]

أول شي قبل ماذكر القصه حبيت اقول إني منزل الموضوع في منتدى ثاني
والقصه لقيتها بكتاب لكن حطيت اللهجه من راسي المستدير

ماجد الحثربي الشمري إلتجأ عند الشيخ سعدون ابن عريعر الخالدي شيخ بني خالد
وطول فترة إقامته عندهم كان يونس الشيخ والشيخ معجب فيه لأنه صاحب نوادر وأشعار يتنادمون ويتسامرون بها في اخر الليل .
وطول فترة إقامة ماجد الحثربي عند بن عريعر ماشاف حريمهم لأن الحريم تبعد منازلهم عن مجالس الرجال والضيوف كما جرت العاد عليه
وعندما جاء الربيع البدو يشدون يدورون الربيع والعشب للحلال وهم فترة القيظ كانوا في الأحساء
ورفيقنا ماجد طلع للسوق يشتري أغراض من السوق وشاف حرمه من نساء الخوالد طار قلبه عليها ومعها خادمات وقال فيها قصيده بجيبها شوي .
وسمع الشيخ سعدون بن عريعر القصيده وقال للحثربي ابشر بها انم كانت من غير زوج
تعرفها يالحثربي هذا كلامك يابن عريعر
قال الحثربي لا , لكن العبدات بيعرفونها
إلا ان الحاضرين عرفوها طلعت زوجة الشيخ >>>>>>>>>يانكبته
وقال واحد من الحضور (طيركم طلع على دجاج اهله ) يعني ان الرجال انكب
وتشايلت الحثربي الهموم وضاقت عليه الأرض ووده إنها بلعته لأنه ضيف لاجيء .
وجا الشيخ وطيب خاطره وقال له ماعليك يارجال معذور لأنه تشبب في وحده مايعرفها
لكن الحثربي رجال حياوي وطلب من الشيخ ابن عريعر الرحيل بقصيده بمحطها بعد قليل
وتحت ضغط الحاجه وافق ابن عريعر على طلب الحثربي بالرحيل

قصيدته في الغزل :
امس الضحى والناس يسعون بالكيل
........... هذاك بياع وهذاك شاري
والله لولا خوفتي بالدهر ميل
.......... لاصيح باعلى الصوت انخى مشاري
لاصيح انا واقول ويلي بعد ويل
......... واخاف من كثر الحكي والهذاري
ياتين فوق مشمر تكسر الذيل
........ عار مقفاها من اللبس عاري
اصيح ان لو كان مافي يدي حيل
يقول لي يالحثربي ويش جاري
انا بلاي مدعج العين بالميل
....... اللي يدلك بالزباد الخزاري
عيون طفقات هدبهن مضاليل
...... كنه عيون مصخرات الحباري
له قذلتن سودا كما دايج الليل
..... من مقدم القذله عليها مواري

مشاري يقصد به الشاعر مشاري بن عريعر ابن الشيخ سعدون الذي كان صديق للحثربي
أما قصيدته التي طلب فيها الرحيل

ياشيخ يامروي شبا كل عباس
..... لاحل ضرب مذلقات الحرابي
يالعي يابن العي ياقاسي الباس
..... اسمح لمسكين تبلش وتابي
شواربه مادنقن يم الأدناس
..... لاباول الشيبه ولا بالشبابي
لادنقن لاتقل يشبن من كاس
..... ولاعرضن كنه جناح العقابي
ياشيخ هذي كلها مابها باس
..... بامر منك ياشوق جال العذابي
ارخص لنا ياشيخ من فوق عرماس
..... عقب الزميعي نعقبه بانسحابي
مع سهلتن لاروحت تمرس امراس
.....خد خلا طافح مطرها سرابي


المصدر كتاب ادابنا في الجزيره العربيه للكاتب منديل الفهيد الاسعدي الروقي

هذا الكلام قبل المحاكم
محكمــــــــــــــــــــــــــــــــــه

[رفحاوي]

قلوبهم خضر ...

[القروي]

الحمدلله
الله يعطيك العافيه يالمحكمـــــه
القصيده كما ذكرت ومعروفه عند القبائل والقصه كذلك لكن بها نقص لا اعرف انت تجاهلته او لم تجده بالكتاب علماً بأن منديل الفهيد شاعر واديب وراويه ولا يخفاه شئ والنقص الذي انا اشير اليه بعد ماذهب ماذا جرى له ؟
وماذا عمل ولماذا تم تتبعه من البعض ولماذا تركوه ؟ لكن الزبده هي القصه والقصيده التي انت اوردتها لك الشكر .

[المديرالسعودي]

المحكمه
شكرا لك
ووفقك الله
دمت بخير

[المحكمه]

اي والله انك صادق رفحاوي رفحاوي

[المحكمه]

الله يعافيك قروي هي اهم شي الزبده
والي في الكتاب هو المنقول
والله ماادري اذا فيه زود انت اعرف
الله يجزاك خير مدير
وشكراً على مروركم

[رائد العجل]

يعطيك العافيه يالمحكمه