ويبار والويبار ساس على ساس

[القروي]

الحمدلله
لاشك الحياة تجارب ومواقف والانسان مجموعة عواطف ولابد ان يمر به شئ من هذه المواقف وتأخذه العواطف لشئ لم يكن بالحسبان سابقاً وكم من انسان كره شئ وفي الاخير اخذ يتغنّى في حبه وكم من انسان فرح لشئ وفي الاخير لايود ان يأتي طاريه له ابداً لأود الاطاله عليكم فزبدة الموضوع ان احد الاخوه المعلمين والذي اتت به الوظيفه الى هنا دون معرفه في هذه الهجره ولا اهلها ولا شك وقع التعيين عليه كالصاعقه لعدم معرفته بها والى اي محافظه تتبع وفي الاخير بعد سنه تمّ نقله وهاظت قريحته في الابيات التاليه يمجّد اهلها وهذا يدل على طيبة قلبه واصل معدنه كيف لا وهو ينتمي لقبيلة من اطيب قبائل الجزيرة العربيه الا وهي عتيبه !
انه المعلّم الشاعر مثيب ابن موسى العتيبي بيّض الله وجهه اترككم مع الابيات

[SIZE="4"]

[poem=font="Simplified Arabic,4,orangered,bold,normal" bkcolor="transparent" bkimage="backgrounds/6.gif" border="solid,4,seagreen" type=0 line=0 align=center use=ex num="0,black"]
سلام من هيل تهايل من الراس = هيل تدق احصون نجد العتيّه
تصل شمال المملكه لبن هبّاس = دار بثومة قلبي الداخليّه
لحب اهلها مالها عندي اجناس = شمّر هل الطولاة في كل هيّه
ويبار والويبار ساس على ساس = حمّاية التالي حصون الدعيّه
ليا تعزووا واعتلوا قبّ الافراس = ونعم باهل العزوة الشمّريّه
للطّيب واحدهم كما النور نبراس = ترحيب ومسامر خويً خويّه
لياجيتهم والصدر ضايق ومحتاس + تنسى هموم بالحشاء داخليه
ماضنتي من عقبهم بالقا الاوناس = لو نسمة الصمّان نسمه عذيّه
يفداهم الي دوم مصيافه بفاس = والا ورى الاردن شمال شويّه
قضيت معهم فرحة العمر ياناس = سبعة اشهور كنّه البرق ليّه
نذر عليّه مدحهم دون مقياس = اذكر مزاياهم صباح وعشيّه
وختامها يانفس لاباس لاباس = هاذي تصاريف الزمان القويّه

[/SIZE[/poem]] مثيب بن موسى العتيبي
رد الشاعر احمد الحماد الوبيري بهذه القصيده
[poem=font="Simplified Arabic,4,blue,bold,normal" bkcolor="red" bkimage="" border="double,4,teal" type=0 line=0 align=center use=ex num="0,black"]
هلا هلابك عدّ الانفس والانفاس = وعداد ماهل المطر ببرديّه

[poem=font="Simplified Arabic,4,red,bold,normal" bkcolor="transparent" bkimage="backgrounds/20.gif" border="double,4,blue" type=0 line=0 align=center use=ex num="0,black"]
جانا سلامك يازبن كل نوماس= سيل يسيّل كل واد وشغيّه
احلى من السكّر واغلى من الماس = سلامكم يومن لفانا هديّه
طبع الوفا فيكم على كلّ مقياس = من طيبكم للطّيب صرتوا هويّه
وكان الوفا رجل عتيبه هم الراس = هل الشجاعه والكرم والحميه
عدوهم ذاق المهونه والاتعاس = ورفيقهم ذاق الحياة الهنيّه
لطّامة العايل ليصابه اعماس = يصبح من اللطمه على غير نيّه
ذبّاحة الحايل على اوقات الافلاس = يوم البشر كلً بلش في طليّه
مثل الجدي للي غدى وقت الادماس = ماتنطفي نيرانهم دوم حيّه
دلال مصفوفه وعلى النار محماس = ولياجيتهم عدّك بعيد الضحيّه
يامثيب ابن موسى غشى البال هوجاس = بالك تلوم الي جروحه طريّه
سبعة اشهور كنّها غطّت انعاس = راحت وكنه جلست وسط فيّه
ولاباس يابو ميّس لاباس لاباس = تر الخوي ملزوم ياصل خويّه
البعد هو بعد المشاعر والاحساس = وحنا مشاعرنا عليكم نديّه [/poem]

[/poem]

[نادين]

صح لسانك خالي ... ماقصرت بالنقل الحلو

[رفحاوي]

[align=center]

صح لسانك ولسان الشاعرين ...

والنعم بالويبار ...

عندكم ذيب امعط ويبيض وجه القبيلة اللي هو منه ...














عيادة (ابو طلال) ...

سلملي عليه سلام كثير ..
[/align]

[أبويوسف]

اولآ شكرآ لك ابا سامي على النقل الممتاز ثانيآ لك إحترامي وشكري وتقديري أخي رفحاوي وأبو طلال يهديك السلام ويشكرك جزيل الشكر
وأنا الحقيقه كنت شاركت في أبيات متواضعه إهداء للصديق مثيب العتيبي وايليكم الأبيات:

بديت باسم اللي وضع سورة الناس + عالم بحال الكون رب البريه
وحضرت انا قاف ويكتب بقرطاس + يوم العتيبي هيضن بالقضيه
يامثيب بن موسى على العين والراس+ يالصاحب اللي كلمتك لي قويه
جتني قصيده منك وازددت نوماس + مدحتنا في كلمة ضيغميه
وانتم هل النوماس في كل مجلاس + والطيب لاجدادك من الجاهليه
عتبان والعتبان ساس على ساس + من اول سلاطين لنجد العذيه
كلمة عتيبي ترفع الراس ياناس + كل الصخا فيهم وزود الحميه
وارسل معك يامثيب من كمب هباس+ سلام مضمونه ردود التحيه
ولياوصلت دياركم فك الأقواس + وبلغ تحيات الوبيري نقيه
لجميع من قالوا عتيبي مع الناس+ عطه التحيه واكرمه بالهديه
وبلغ سلامي عد ماتدق الأجراس + وعد رمضان وعد عيد الضحيه
وعساك تسلم من صواديف الأتعاس+ واستر على ماجاك من مقصريه
ويالله يامحصي عدد دق الأنفاس + تستر على العتبان من كل سيه

أخوكم/ أبو يوسف

[برق]

ونعم بعموم بشمر وعتيبه.

والويبار يستاهلون المدح والثناء.

والعتيبي ما قال هالقصيده من فراغ ( كلٍ يذكر اللي يشوفه).

[القروي]

صح لسانك خالي ... ماقصرت بالنقل الحلو

الحمدلله
صح بدنك بنت اختي والحلو ردك .

[القروي]

صح لسانك خالي ... ماقصرت بالنقل الحلو

الحمدلله

صح بدنك بنت اختي ومرورك الاحلا .

[القروي]

[align=center]

صح لسانك ولسان الشاعرين ...

والنعم بالويبار ...

عندكم ذيب امعط ويبيض وجه القبيلة اللي هو منه ...













عيادة (ابو طلال) ...

سلملي عليه سلام كثير ..
[/align]

الحمدلله
صح بدنك ابو طلال ونعم فيه وهو من سكان رفحاء الآن وهو ايضا ذيب امعط الله يذكره بالخير .

[القروي]

اولآ شكرآ لك ابا سامي على النقل الممتاز ثانيآ لك إحترامي وشكري وتقديري أخي رفحاوي وأبو طلال يهديك السلام ويشكرك جزيل الشكر
وأنا الحقيقه كنت شاركت في أبيات متواضعه إهداء للصديق مثيب العتيبي وايليكم الأبيات:

بديت باسم اللي وضع سورة الناس + عالم بحال الكون رب البريه
وحضرت انا قاف ويكتب بقرطاس + يوم العتيبي هيضن بالقضيه
يامثيب بن موسى على العين والراس+ يالصاحب اللي كلمتك لي قويه
جتني قصيده منك وازددت نوماس + مدحتنا في كلمة ضيغميه
وانتم هل النوماس في كل مجلاس + والطيب لاجدادك من الجاهليه
عتبان والعتبان ساس على ساس + من اول سلاطين لنجد العذيه
كلمة عتيبي ترفع الراس ياناس + كل الصخا فيهم وزود الحميه
وارسل معك يامثيب من كمب هباس+ سلام مضمونه ردود التحيه
ولياوصلت دياركم فك الأقواس + وبلغ تحيات الوبيري نقيه
لجميع من قالوا عتيبي مع الناس+ عطه التحيه واكرمه بالهديه
وبلغ سلامي عد ماتدق الأجراس + وعد رمضان وعد عيد الضحيه
وعساك تسلم من صواديف الأتعاس+ واستر على ماجاك من مقصريه
ويالله يامحصي عدد دق الأنفاس + تستر على العتبان من كل سيه

أخوكم/ أبو يوسف

الحمدلله
ابادلك الشكر ابا يوسف على الاضافه بيّض الله وجهك .

[القروي]

ونعم بعموم بشمر وعتيبه.

والويبار يستاهلون المدح والثناء.

والعتيبي ما قال هالقصيده من فراغ ( كلٍ يذكر اللي يشوفه).

الحمدلله
اقول الله يذكرك بالخير على هالكلام الحلو .

[أبويوسف]

توضيح الأخ القروي/ زميلنا رفحاوي يقصد عيادة السيف وليس كما قصدت

[رفحاوي]

توضيح الأخ القروي/ زميلنا رفحاوي يقصد عيادة السيف وليس كما قصدت

[align=center]
هذا اللي قصدته ...

مشكور ابو يوسف انت والقروي العزيز ...

سعال يابو يوسف :

وش دراك اني عيادة السيف وما قصدت رفيق القروي ؟!!

[/align]

[أبويوسف]

الأخ رفحاوي وهل يخفى القمر نحن نعرف الطيبين مثلك وشرواك تقبل إحترامي وتقديري والله ودي اكلمك ولكن لانعرف موبايلك

[رفحاوي]

الأخ رفحاوي وهل يخفى القمر نحن نعرف الطيبين مثلك وشرواك تقبل إحترامي وتقديري والله ودي اكلمك ولكن لانعرف موبايلك

[align=center]
تسلم يا بعد راسي ...

دامك تعرفن ان شاء الله بعد 3 اسابيع ان شاء الله جاي لرفحاء ...

تشرفن بشوفتك ...

[/align]

[أبويوسف]

[align=center]
تسلم يا بعد راسي ...

دامك تعرفن ان شاء الله بعد 3 اسابيع ان شاء الله جاي لرفحاء ...

تشرفن بشوفتك ...

[/align]

أخي رفحاوي شرفك الله بالنظر لوجهه الكريم يوم العرض الأكبر ولكن ماراح تشوفن الا تعطيني وعد أنك تمرن وانت جاي لرفحاء في ذيك اللحظه ابشر باللي يجيك