نبغى حبوب الحمل ضد اليهودي ..(( قـدة نحرها ))

**ولد أبوه** · 30 Jun 2007, 03:44 PM

بسم الله الرحمن الرحيم

الشاعر الكبير /عبــدالله محيسن الحمياني حفظه الله

نيابه عنه اخوكم/ ولــــد أبــــــــــوه

عندما إختلطت الدموع بالدماء أجهشت القريحة بالبكاء

((قدة نحرها))

قدة نحرهـا تنتخـي ويـن الإسـلام
مافيه واحـد ذاق طعـم السجـودي
غـزه تصيـح أم الأرامـل والأيتـام
ولبنان تصـرخ والعـراق مهـدودي
وكم واحدِ من شـدة الخـوف مانـام
صوت المدافع مثل صوت الرعـودي
وناسٍ ذبحها الفقر والجـوع صَيـام
متلاصقـات عظامهـم فالجـلـودي
وأنشهد إني صحت من جور الأقـزام
اللي تطاول عـرض ذيـك العنـودي
قامت تصيح من القهر تـرزم إرزام
ويقـول يابنـت العزيـزيـن زودي
يعني يبا يفزع مـن السجـن صـدام
والا الجيـوش إَمركـزه فالحـدودي
وقالت وبأعلى الصوت قدام الإعـلام
قالت ودمع العيـن يمـلا الخـدودي
ماعاد نبغى سلاحكم عقـب الإعـدام
نبغى حبوب الحمـل ضـد اليهـودي
والله يلعـن مـن سمعهـا ولاقــام
دمه يفور وعـن حماهـا محـدودي
والا ورقنا مـل مـن حبـر الأقـلام
ولا عاد ينفع غيـر قـدح الزنـودي
تكفى يابو متعـب ليـا قلـت قـدام
تلقا جميع الشعـب قـدم الجنـودي
مادايـم الا الله ولا دايــم أنـعـام
ولا فيـه فالدنيـا مقـام وخـلـودي
متى على الله تجتمـع كـل الأعـلام
ويصيـر للإسـلام عـز وجــودي
إليا بكى الصومـال جاوبـه الأهـرام
وليا شكت كشميـر عنهـا نـذودي
وإليا إنطعـن واحـد تقاسمنـا الألام
لأن الجسد واحـد وضـره يسـودي
وإليـا تلاقينـا بعـبـاد الأصـنـام
يلقون جنب الزنـد عشـرة زنـودي
ناطا على روس الأعـادي بالأقـدام
ونقـول ذوقـوا ياعيـال القـرودي
من لم يمت بالسيف لو عاش مـادام
لوعاش له ساعـه وقـت محـدودي
إما يعيـش بعـز وإصـرار وإقـدام
ولا حياتـه عنـد رب الـوجـودي
لا تحسبن اللي قُتـل مـات ياحسـام
حتى ولـو حطـوه بيـن اللحـودي
الله رفـع روحـه لجنـات الأنـعـام
حـيَ ويـرزق عنـد ربِ يجـودي
وحنا نعيش الـذل عـام ورى عـام
ناكل ونشرب تحت رحمـة حقـودي
يعني على الميت ترى الدفن الإكـرام
ياليـت تدفنـا رمــال النـفـودي
يومنهـا بالعـز وإسلامنـا حــزام
تجـاوز الإسـلام كـل الـحـدودي
ويوم العرب تطرب على صوت الأنغام
صارت أراضينـا سهـودِ مهـودي
وصارت تكفَينـا مواثيـق الأوهـام
وكل مايزيد الطغـيَ زدنـا عهـودي
نصبر ليا شفنا من الكفـر الإجـرام
وكل مايزيـد الـدم زدنـا بـرودي
ولاعقب صيحتها على عيال الإسـلام
نبغى حبوب الحمـل ضـد اليهـودي
والله لو صاحت لصـم الصخـر قـام
والا تفجـر غبـن مـن هاللـدودي
لكن على الميت ترى الدفن الإكـرام
ياليـت تدفنـا رمــال النـفـودي

ولكم خالص تحياتي

**صمت مغتربة** · 30 Jun 2007, 04:26 PM

الله يكفينا الشرررررررررررر

**ولد أبوه** · 30 Jun 2007, 05:04 PM

اضغط هنا لسماع القصيده بصوت الشاااعر

**ولد أبوه** · 30 Jun 2007, 05:06 PM

المشاركة الأصلية كتبت بواسطة صمت مغتربه

الله يكفينا الشرررررررررررر

صمت مغتربه

مشكور على المرور الحلو

**برق الصواعق** · 01 Jul 2007, 04:15 AM

صح لسان الشاعر قصيدة رهيبة

**ولد أبوه** · 02 Jul 2007, 01:43 PM

المشاركة الأصلية كتبت بواسطة برق الصواعق

صح لسان الشاعر قصيدة رهيبة

اخوي برق الصواعق

(صح بدنك)

نيابه عن الشاعر

مشكور على المرور الحلو

**الدب الداشر** · 05 Jul 2007, 05:49 AM

صح لسان الشاعر والناقل ..

والله يا هالشطر إن الجلد يكش منه .. نبغى حبوب الحمل ضد اليهودي...

يااااااااااااااااااااااه ..

**رفحاوي** · 05 Jul 2007, 02:10 PM

[align=center]

صح لسانك ولسان الشاعر ...

جاري الاستماع ...
[/align]

**القروي** · 05 Jul 2007, 08:24 PM

الحمدلله
صح لسان الشاعر والناقل
ملاحظه صدام 30 سنه في حكم العراق لم يقدّم جيشه نحو اليهود بل قدم جيشه نحو جيرانه ابو متعب شايفه وعارفه قبلنا لكن هو يشوف مالانشوف ماهي فزعة شليل كما يقولون اهلنا
بل هي صواريخ كروز وعابرات القارات وB52 ونووي ودمار شامل لكن يجيبه ابو متعب بالسياسه والتفاهم مع الاشقاء والاصدقاء ويحل ربك .

**رفحاوي** · 06 Jul 2007, 01:19 AM

[align=center]
هو صاز القروي ...

الرابط يشتغل شوي والباقي فاضي ...
[/align]

آخر المشاركات

الموضوع: نبغى حبوب الحمل ضد اليهودي ..(( قـدة نحرها ))

أدوات الموضوع

تقييم هذا الموضوع

عرض

نبغى حبوب الحمل ضد اليهودي ..(( قـدة نحرها ))

مواقع النشر (المفضلة)

مواقع النشر (المفضلة)

ضوابط المشاركة