منصور الرمالي رحمة الله .............. وقصر برزان

[العود الازرق]

أقراء يامن اراد معرفة برزان
يانجم يالي غبت من غبت ما بنت

ويش حال بين ايام مجدك وبينك

الشمس تطلع واسأل الصبح وين انت

وتغيب شمسي واسأل اليل وينك

وين انت انا منهان لا هنت

منهان من شخصن عجز لا يهينك

ارجع متى ترجع انا انهنت واسجنت

واللي سجني كان قبلي سجينك

ارجع ورجع مجد ماضي كما كنت

ياقاسي في وجه الاضداد ما لنت

من صاحبك ينعم بعطفك ولينك

حتى على خصمك من احسانك احسنت

وياما عطت من كل غالي يمينك

يا السيف في شبه الجزيره تسلطنت

واخضعت اهلها وملكنه يدينك

مثلك ولد والله فلا جابت بنت

لاشك عين يمهلنك سنينك

اقولها وين انت وادل وين انت

لاشك من زود القهر قلت وينك

ياقصر ياللي بدلوا طينك اسمنت

احذر تخون وتنكر اصحاب طينك

الله يخونك كانك لاهل الوفا خنت

واوفيت للي بالخفا خاينينك

يا قصر لا تسكن وان انضمت واسكنت

اخفس قهر واخفس معك ساكنينك

يا قصر مهما زينو فيك مازنت

زينك رحل وان عادلك عاد زينك







.




.

[الدب الداشر]

لا يخفى على أحد برزان ..

مشكور .. والله يرحم منصور

[شمري قطري]

رحم الله منصور

صح لسانك

[المدمر]

صح لسانك ولسان منصور
وهل يخفى القمر
مشكور أخوي

[نـزفـ الجـروحـ]

الله يعطيك الف عافيه اخوي العود الازرق وتسلم يمينك

[ابن قشعم]

العود الأزرق

لاهنت على النقل الجميل

لهذا الشاعر الغني عن التعريف رحمه الله

ولكن فيه بيت يبي له تعديل ربما سقطت كلمه سهوا" منك

( وين انت انا منهان منهان لاهنت )

حيث سقطت (منهان) من هذا الشطر

عموما" لاهنت يالعود الأزرق

وتقبل مروري بكل حب

[سام شمر]

صح لسانك ولسان الشاعر
والف شكر على نقل الرائع وبارك الله فيك