يــــــاسلام الله على همس الحنان
يــــــوم صادفني حبيبي بالطريق
مــــــــــــدلي يمناه كنه من زمان
مــــانظرني وفي عيونه لي بريق
شـفت أنا الأحساس في عينيه بان
عشــــت كل الشوق بالقلب الرقيق
مــــــــاحلا الصدف وحلا ذا المكان
صــــــــــدفةٍ تجمع رفيق مع رفيق
وقــــــــفتي وياه في لحظة أمان
مــــــــــابها حاسد ولا عاذل طفيق
قـــــــــالت الأقدار وقت البعد حان
تجــــــــبر المعشوق باللي مايطيق
شـــــــــــانت الدنيا وكل الجو شان
صــــــار في قلبي من الفرقا حريق
مــــــــابقالي كود من عشرى ثمان
تـــــــاركٍ لي جرح في قلبي عميق

قصيده مختاره للشاعره/ ريم الصحراء **