الشيخ /عبيد الرشيد

[أبو رغد]

القلـب من كثـر الهواجيس قزّان **** مـا يستريح من الدهر ربع ساعة

يا غافـر الـزلات يـا والي الشان **** تـجعل من التقوى لنفسي بضاعة

أنـا علـى لان وربـعي على لان **** متخالـف ٍ رايـي وراي الجماعة

مانـي ولـد شاوي يسرّح الضان **** يفـرح بتصنيف البهم والرضاعة

أنـا ولـد علـي سلايل كحيلان ***** وربـي خلقنـي للسبايـا وداعه

عيب على اللي يتقي عقـب ما بان *** وعيب ٍ طمان النفس عقب ارتفاعه

الناس مـا تسقيك ليا صرت ظميان *** ولا يشـرب المظمي حذا من ذراعه

أضرب على الكايد ليا صرت بحلان *** وعنـد الولي وصل الرشا وانقطاعه

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه

[القروي]

[align=center]الحمدلله
قصائده حكم رحمه الله
وبعدين ترى هو الامير وليس الشيخ لأن الاماره آخذه قبل المكرمات بالسيف الاملح اخو نوره
مع جزيل شكري لك .[/align]

[أبو رغد]

مشكور اخي العزيز على اسلوبك الرائع

[شمري قطري]

نقل رائع يعطيك العافية

[سام شمر]

أضرب على الكايد ليا صرت بحلان *** وعنـد الولي وصل الرشا وانقطاعه

إمـا تـجيب عقود حص ٍ ومرجان ***** والا فلـبـليـس ٍ يطيـر بشعاعه

صح لسانك ولسان الشاعر
والله ابيات روعة والف شكر يالغالي وبارك الله فيك
وتقبل مروري

[المديرالسعودي]

ابو رغد
رائع ماذكرته
صح لسانك ولسان القائل

[اسيربلاقيود]

أنـا ولـد علـي سلايل كحيلان ***** وربـي خلقنـي للسبايـا وداعه

عيب على اللي يتقي عقـب ما بان *** وعيب ٍ طمان النفس عقب ارتفاعه

تسلم ابو رغد على اتحافنا بقصائد الامير

[النشمي عناد]

شكراٍ أبو رغدددد

أضرب على الكايد ليا صرت بحلان *** وعنـد الولي وصل الرشا وانقطاعه

أقوى كلمات وقولن على فعل (عبيد) رحمة الله عليه .

للمعلوميه أغلب قصائده يبداها بذكر الله

وتوحيد المولى

.

[العشبي]

الله يرحمه ويرحم جميع امراء وشيوخ شمر موتى المسلمين