الشايب والعجووووز

[اسيربلاقيود]

[align=center]
قصيده مضحكه لا تفوتكم

هذي قصيده منقوله اعجبتني وحبيت اعرضهااا الكم ..


الشيبه:

قلبي شباب ولازم اني اعرس . . . مابي العجوز اللي توسد على الباب

الخير واجد وماني مفلس . . . عندي فلوس تدعم البنك في حساااب

العجوووز:

ماباقي منك غير خشمك وهالضرس . . . تبغى تعرس وانت غادي يالغراب

قابل صلاتك الله يشفيك من المس . . . ولا ترى باطب وجهك بالترااااب

الشيبه:

أنتي عجوز واكلك الروب والخس . . . اماا انا ماكل سوى تكه وكباب

مافيني سكر غير ضغطي نازل بس . . . دام الهوى فيني ترى كل شي طاااب

العجوووز:

لا بارك الله فيك يالشيبه يالنحس . . . ماتجيبك الكلمه ولا يجيبك اعتاب

قصر لي صوتك ماابي اسمع ولا حس . . . عطني طلاقي وانقلع واقضب الباب

الشيبه:

دامك نحيسه و لسانك يبيله قص . . . ربي ترى حلل لي اربع بالكتاب

هذا خميس العمى ياكم اعرس . . . مرتاح بالدنيا بلا هم واعتاااب

العجوووز:

بطران وراسك كالصخر يابس وعص . . . مالوم طبعك يوم ربعك هالكلاااب

غادي شرا الاريل ودومك تتحيس . . . استح على وجهك اصلع ولعااااب

الشيبه:

فكيني من وجهك ترى مالي اي نفس . . . زهقان من شوفك وابغالي احباب

هذا طلاقك طالقه اربع وخمس . . . شلي طلاقك من ضميري بلا حسااب

العجوووز:

مشكور يالشيبه ومن دون اي دس . . . عندي حبيب ماابتعد لحظه وغاب

يشريك ويبيعك تراه بثمن بخس . . . ماتسوى ظفره حلو اسمر وجذااب


الشيبه:

يالله قبل لا اموت منك واقتص . . . طلعتيلي قرنٍِ وراسي بعد شااااب

ياشينة البرقع ترى قدرك اختس . . . عجوز لك في الدنيا خلان واحباب؟!

العجوووز:

مثلك تراني وهذا لك في العمر درس . . . لاني اميز بين شيبه وشباااب

ولا نسيت اني على الموضه اللبس . . . ماعلموك اني بلا شيله وحجااااب[/align]

[القروي]

الحمدلله
يعني تماصعوا الاشظه ؟!!!!
يمكن يتوفقون بولد وبنت !!!
لك الشكر اخي على هالفكاهيه !!!.

[ذويبان11]

شكرا على المساجله

[اسيربلاقيود]

الحمدلله
يعني تماصعوا الاشظه ؟!!!!
يمكن يتوفقون بولد وبنت !!!
لك الشكر اخي على هالفكاهيه !!!.

ابو سامي وشي الاشظه ؟ ؟ ؟

خبرك عايش بالشرقيه يعني من شمر الظهران

مرورك نور متصفحي وزادني حماس

تحياتي لك يالغالي

[اسيربلاقيود]

شكرا على المساجله

انت لك الف شكر على المرور

الي نور القلب قبل الموضوع

تحياتي لك