يــعـنـي عــشــان إنــا غــلابــة مـــسـاكــيـــن،،،!!!

[abo-hatem]

يعني عشان إنا غلابة مساكين

وإلا عشان إنا نعاف القطاعة

صحيح حنا ما ملكنا ملايين

لكن بحمد الله ملكنا القناعة

ننشد ولكن ما تبعنا المقفين

نشتاق لكن كل أبونا مناعة

يا أغلى من الخفاق وأغلى من العين

وأغلى غرام شدني باندفاعة

لك وحشة ما أدري على ويش ومن أين

بس اعتقد شوق وحنين بفضاعة

مشتاقلك شوق يمر العناوين

يفرد على وصل الحبايب شراعة

مشتاقلك شوق الندى للرياحين

شوق يهدد خافقي بانتزاعة

وين إنت محتاجك ما أبي منك بعدين

عطني من أيام الهنى ربع ساعة

من زود حبك صارت أيامي سنين

كأنك من أغلى رفقتي والجماعة

تحياتي ::: أبوحاتم

هذة القصيدة أعجبتني بما فيها من نار الشوق وكبرياء العزة

( كانها الدنيا خذت مني وجودك ،، تتعب الدنيا ولا تاخذ غلاك )

[القروي]

الحمدلله
صح لسان قائلها وناقلها قصيده معبّره .

[راعي غنم]

كلك ذهب يابوحاتم

[هاجس]

مبدع والله ياابو حاتم

وجميل الكبرياء في القصيد

[صمت مغتربة]

صح لسان القائل ....

شكرا لك ابو حاتم

تحياتي
صمت مغتربه

[سام شمر]

صح لسان ولسان الشاعر يالغالي
وبارك الله فيك

[همّام]

ذائقه عالية يا أبا حاتم
قصيدة أكثر من رائعة
لك شكري

[المديرالسعودي]

ابو حاتم
القصيده رائعه ومعبره
وشكرا لك

[الدب الداشر]

أحب هالقصيدة بالذات بصوت محمد جارالله السهلي .. تضرب على الوتر السادس على طول ..