معاناه معلمه مع بنت الموجهه ( ارحمونا باسم العداله )

[أمواج الشرقية]

هذا يدل على ضعف شخصيتك وتستاهلين اللي تتعرضين له...لازم تتعلمين كلمة لا اول شئ وبعدين تتعلمين ان رضاء الله سبحانه مقدم على رضاء الموجهه او المديره..طبعا اذا يهمك ان راتبك يكون حلال مئه بالمئه..

تحياتي لك ونصيحتي لك انك ماتخافين في الحق لومة لائم وحتى ان عرفوا الشئ هذا عنك ماتقدر اي موجهه فرض شئ معين عليك

في هذي قلت اللي أبي أقوله .. وأنا معك فيه .. لكن مو شرط ان بنت أمها موجهه تاخذ الأولى واللي أمها أميه تاخذ غير الأول .. بنت عميد كليتنا رسبت ورسبت ليييين تعلمت ونجحت و في المقابل صديقتي أمها كبييييرة بالعمر و أبوها متزوج 4 و مع هذا عمر نسبتها ما نزلت عن 100% و في الثانوي العامة أخذت 98% و أنا أفتخر فيها كصديقة ..

بالنسبة لك عزيزتي المعلمة .. ولا يهمك .. وطبقي الحق وسويه ورااااسك من حديد بعد .. وخل تسوي اللي تسويه وأعلى مافي خيلها تركبه .. ترا وأنا اختك أهم شي راحة الضمير و الحلال عسى الله يغنينا بحلاله عن حرامه ..
ومن يتق الله يجعل له مخرجا .. إذا هي مو كفؤ للأمانة هذي .. خليك أحسن منها ..

تقبلوا مني .. ^_^

[أبو هيا]

طيب حتعلم كلمة لا لا لا
واول لا حديها لك يا استاذ حمود 18
لماذا استاهل ؟
كيف حكمت على شخصيتي انها ضعيفه ؟

الظاهر انت موجه وناشب بحلوق المدرسين لازم عيالك ياخذون الاول
او هي هياها حرم سعادتك

تستاهلين لانك تخافين من الموجهه..وهذا كلامك مو كلامي وانا ما اعرفك ولا اعرفها ولكن احكم من كلامك وشرحك لنا...تقولين المعلمه ضعيفه ولاحول لها ولاقوه,,الكلام هذا غير صحيح..المعلمه اللي شخصيتها قويه تفرض نفسها ومثل ماقال اخوي المملوح رفحاوي اللي يوطي راسه يتوطونه الناس...لازم تحطين مخافة الله بين عيونك ولايقطع الرأس الا من ركبه والا على قولة خوال ابوي مايموت بالربق كود الطلي..

وحكمت على شخصيتك ضعيفه يوم تقولين اوووه نسيت بنت فلانه لازم تاخذ درجه كامله...

انا ماني موجه ولا اعرف مدرسين غير الدب الداشر وابو لاشي وطلال ومفرح ورافع :d ههههههههه والله اللي يبي ينكبني الدب عندهم

وبعدين لاتقتبسين من قصيدة الهزاني ودامك ضعيفه وتخافين من التهديد اجل بخلي بنتي هيا تدرس عندك وياويلك اذا ما اخذت الدرجه كامله بس علميني بأي مدرسه تدرسين..اهم شئ ماهو بالمدرسه الاولى لاني ما ابغاها تكون زميلة ام واحد من الشباب هنا ههههههههههههههههههههههههه((الا صحيح ضاد ميم نجحت والا لا ههههههههه))

مشكوره يالمعلمه واعذريني على الشطحات الخارجه عن ارادتي والموجههه لبعض الناس انتي خوذي اللي يخصك منها بس

مع السلامه