قصيدة رووووعه للشاعر ذيب الشمري في وفاة نواف العازمي !!!

[سام شمر]

كن الخبر رمـحٍ تخلـل ضلوعـي $$رمح الفراق اللي للاعمار قصّـاف

صحيح ماهو واحـدٍ مـن ربوعـي $$ مير الوفا فوق الطوايف والاطيـاف

شقيق فكري فـي بدايـة طلوعـي $$اخوي في حكم العوايـد والاعـراف

بين الصفوف الحاميه والجموعـي $$ياما لنا في ساحة الشعـر ميقـاف

بالقاف يضربني على راس كوعـي $$واضربه مابين الحجاجيـن بالقـاف

على الشرف ندفع سلاح الدروعـي $$من شان تعزيز المواقع والاهـداف

في علم ترويض الاسود الهجوعـي $$في ساحته صرنا مروّض وعسـاّف

حتى بدت تمشي بطوعـه وطوعـي $$والسبع راقي بالتعامل ليـا خـاف

واصبح حليفـي بأتحـاد الفزوعـي$$ يوم الزمان اصبح مجاميع واحلاف

من سنة الرحمن مانـي جزوعـي $$لكن معي قلبٍ مـن الـود شفـاف

حفظ الصداقه من جواهر طبوعـي $$اموج بالذكـرى شـراعٍ ومجـداف

ادفـع ضرايبهـا ولانـي منوعـي $$مااظمها في خاطري شكل وغـلاف

عليه من جوع الغـلا زاد جوعـي $$ماهو مثل جوع البهايـم للاعـلاف

جفت ينابيعـي ويبْسـت زروعـي $$عشرة عمر نسيانها ظلم واجحـاف

وفي حين صلينا عليـه بخشوعـي $$وحطوه في قبرٍ فصال اربع اطـواف

اقفوا وانا عنـده تـذارف دموعـي $$اخر رجل واقف على قبـر نـواف

يامن لحكمك معلنيـن الخضوعـي $$انت الكريم وتكرم الضيف لا ضـاف

عبدك وضيفك في مقـامٍ يروعـي $$عن رحمتْك ماله وساطات واسعاف

يالله لاتحصـي عليـه الوقـوعـي $$في ما نهيت.. وشفت والغير ماشاف






[glint]رحمة الله على نواف... وجبر مصاب اهله وذويه[/glint].

[القروي]

الحمدلله
رحم الله اموات المسلمين
انت اليوم نقلك كله محزن حاول تخفف علينا شوي شكراً ياسام .

[المديرالسعودي]

سام شمر
صح لسان الشاعرذيب
ورحم الله الشاعر نواف
وسلمت يداك سام عل النقل

[سام شمر]

الحمدلله
رحم الله اموات المسلمين
انت اليوم نقلك كله محزن حاول تخفف علينا شوي شكراً ياسام .

[glow1=660033]العفووووووووووووووووو يالغالي
واما عن الحزن وش نسوي يالغالي
اليومين هاذي كلها فراق وحزن
عسى الله لايوريك الحزن
ومشكور على مرورك يالغالي [/glow1]

[سام شمر]

سام شمر
صح لسان الشاعرذيب
ورحم الله الشاعر نواف
وسلمت يداك سام عل النقل

[glow1=330000]ومن قال سالم يالغالي
ومشكور على مرورك المميز يابعدي
وبارك الله فيك[/glow1]