تكفى ترى تكفا تهـز الرجاجيـل

[مدمن قهوة]

تكفى ترى تكفا تهـز الرجاجيـل ... لو ما ظروف الوقت ما قلت تكفـا

هذي طبوعي كل ما عسعس الليل ... أصلّـح الدلـة وأجـر اللحونـي

بريـةٍ موزونـة البـنّ والهيـل ... والماء بوزن وحيّ هاك الوزونـي

منهـا تكيّفنـي ثلاثـة فناجـيـل ... وأرتاح ويطير السهر من عيونـي

وأراجع الذكرى وأجـرّ المواويـل ... والذكريـات بكـلّ شكـلٍ ولونـي

البعض منها يشرح الصدر بالحيل ... والبعض لا والله يجـدد طعونـي

وأرجع وأفكّر في الليال المقابيـل ... لعل وقتـي مـا يخيّـب ظنونـي

وأدخل على الله من حياة الغرابيل ... حيث إن همّي ما تشيلـه متونـي

كنّك مفصّل فوقي الهـمّ تفصيـل ... لين إلتبسني مثل لبـس الجنونـي

حالي كما حال القلوب المشاغيـل ... اللي من أطرف شـيء يتأثّرونـي

لو يشتكون الغبن والجور والميـل ... للغيظ وسط صدورهـم يكتمونـي

فكّرت الا الموضوع يحتاج تحليـل ... وفنّ الدراسة واحدٍ مـن فنونـي

عرفت وش عكّر مزاج المشاكيـل ... يوم إنهم مـن وقتهـم يشتكونـي

أول سبب: نقالـة القـال والقيـل ... الطغمة اللـي جعلهـم يذهبونـي

قلوبهـم بالحقـد سـودٍ مغاليـل ... ومن طبعهم بالمشكلـة يفرحونـي

وثاني سبب: ناسٍ على مثل ما قيل ... لا يقطعـون الشّـر ولا ينفعونـي

والله ما يرفع ضغطك إلا المهابيـل ... العالم اللي في النحـر ينشبونـي

وثالث سبب: ناسٍ سوات المخاييل ... على سلوم الطّيب ما يحرصونـي

خلّو سلوم أجدادهم رغو مع سيـل ... وفي عالم التقليد جـو يركضونـي

طشّوا عمايمهم ولبسـوا بناطيـل ... والموس فال أشنابهـم والدقونـي

وأرقابهم ما سلمت من السلاسيـل ... تطبّعـوا بطبـوع هيـم البطونـي

في ذمتي ماعـاد باقـي رياجيـل ... إلا القليـل وجعلهـم يثبتـونـي

صفّة بعد صفّة وجيلٍ بعـد جيـل ... كلٍ من اللي قبله أنقص وأدونـي

هذي هي الأسباب من دون تفصيل ... شرحت روس أقلام بس أعذروني

واللي يبي تفصيل بالحيل بالحيـل ... يقـدر يكلمنـي علـى تيلفونـي

[سام شمر]

وهو يصكه بالبيت هذا بالوجنه
ترا تكفى ماقامت تهز الرجاجيل ..... بنت المراقص هزت طيور شلوى <<<من وين جاء والله مدري
وصح لسانك يالغالي ولسان قايلها
وباارك الله فيك

[المديرالسعودي]

مشكور
روعه
الله يعطيك العافيه

[القروي]

الحمدلله
لك الشكر على النقل ياعليان .

[اسيربلاقيود]

يعطيك العافيه على النقل الرائع