ياصاحبي الدنيا حكايات

[بنت السناعيس]

ياصاحبي الدنيا حكايات وعلوم..
قصص عجيبه تذهل اللي قراها..
الدنيا لو تضحك معك
دايم الدوم..
خلك فطين ولايهمك رضاها..
كم واحد تبنى له أمال وحلوم..
يفني وغيره يهتني في بناها..
ياما أفرحت قوم وأحزنت قوم..
وكم أعشقت عين وخانت غلاها..
ياصاحبي شفت أمس شف حالنا اليوم..
دنيا تقلب يكفي الله
بلاها..
اليوم لامنه بغت عيني النوم..
تنكدت روحي وعافت كراها..
ماكل من علا بالأصوات
مفهوم..
وماكل روح تلتقي في مناها..
وماكل من يشكي معذب ومحروم..
وماكل من يضحك همومه نساها..
بحرالحياه إن صرت ماتعرف العوم..
يرميك في غبه بعيده
مداها..
من راح يستسلم من أحزان وهموم..
يموت حي وحاجته ماقضاها..
واجه هبوب الوقت بإيمان
وعزوم..
لابدماربك يهدي هواها..
وأصبر إذا شمسك حجب
نورها غيوم..
الغيم بتفرق ويشرق سناها...





اختكم بنت السناعيس

[اسيربلاقيود]

صح لسان قايلها

وسلمت انامل ناقلها

يعطيك العافيه على النقل الرائع

تقبلي تحياتي

[مرضي بن مشوح]

صح لسانك ويعطيك العافية

[البندق]

يعطيك العافية بنت السناعيس

[القروي]

من راح يستسلم من أحزان وهموم..
يموت حي وحاجته ماقضاها..

الحمدلله
صح لسان قائلها وناقلها
شكراً يابنت السناعيس .