الله يكون في عون المعرس !!

**هبساوي** · 28 Nov 2007, 10:03 PM

الله يكون في عون المعرس !!

تخيلووووووو في وسط الحضور يدخل واحد ويقول قصيدة في العروسة للمعرس وش يكون ردة

فعلــــــــهــ؟؟

أبد ما جيت أبــــارك لك ولكن جيت باوصيك

على الله ناوي(ن) تدخــل بها اللـــيله ... معذبتي

ترى لولا الظروف اللي عطّـتك وحدّت محاكيك

قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي

كذا شـاءت بنا الأقـــــدار تحرمني لجل تعطيك

كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك

تدللــــــــها..تدلعــــــــها ..تنسّــــيها مصاحبتي

أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســــــبتي

لأنك لو بتسألـني بتسمـع شي مـــــــا يرضيك

لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك

وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك

وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك

تحمّلــها وإسألـها :ياعمـــــري ليـــه عصّبـتي

وبالك أسمع انك يوم تضربهــا وهي تشكيك

ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك

وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك

يقــــــول انه بيــنــتظـرك لوشـيّـب وشـيّــــبتي

وانا مجنونها اللي مـا نساهــــــا وانت مايمديك

تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك

ولو انك في مــكاني ما تفكر في محــــــاسبتي

كفاك اني تركت الليــــله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك

أنا جيتك عشــان أخاطـبك واسمع مخـــاطبتي

توصّــــى ... وانتبه.. واحرص عليها والله يهنيك

ترى كل الكلام اللي طلع من ضيقي وكبـــتـــي

ولكن ما قدرت اني أقوله وانت مايخفـــــيك

أخـــــاف اني اذا قلته تقوم وتقطـــع رقبــتي

وسلامتكم

م ن ق و ل

**رفحاوي** · 28 Nov 2007, 10:27 PM

[align=center]
هذا وهو ماهو جاي ينكد عليه ؟!!

توقعت ان العريس يطلق العروس عشانه بس اشوى ما قريت شي...
[/align]

**البندق** · 28 Nov 2007, 10:54 PM

قويه مره 0000

**هبساوي** · 28 Nov 2007, 11:26 PM

يعطيك العافيه اخي رفحاوي علي المرور الحلو

**هبساوي** · 28 Nov 2007, 11:28 PM

بندق شكر خاص لك

**سام شمر** · 29 Nov 2007, 02:44 PM

عزالله هاذي البلشه ههههههههه
مشكور حجي هبسااوي

**هبساوي** · 29 Nov 2007, 06:12 PM

حبيبي سام شمر شكر خاص علي المرور

آخر المشاركات

الموضوع: الله يكون في عون المعرس !!

أدوات الموضوع

تقييم هذا الموضوع

عرض

الله يكون في عون المعرس !!

مواقع النشر (المفضلة)

مواقع النشر (المفضلة)

ضوابط المشاركة